“Kasukuytan yacharqan”

Jesusqa tukuy tiempopas kasukullaqpunin taytan Jehová Diostaqa (Juan 8:29). Chhaynataq karqan chayqa, ¿imaraykun Bibliapi nin “imaymanapi ñak’arisqanwanmi kasukuyta yacharqan”, nispa? (Heb. 5:8).

Kay textopiqa “Jesusqa manan ñaupaqkunaqa kasukuqchu”, ninantachu nishan. Chhaynaqa, ¿imaninantataq chaypiri nishan? Kay pachapiqa manan cielopi jinachu Jesuspaqqa imapas karqan, kay pachapi kashaqtinqa jujniray sasachakuykunapin payqa tarikurqan, chaykunapin payqa kasukuyta yachallarqantaq. Yachasqanchis jina, payqa mana ima juchayoq ch’uya runan karqan, tayta-mamanmi ichaqa Dios sonqoña karqanku chaypas juchayoq karqanku. Chaywanpas payqa kasukurqanmi paykunata (Luc. 2:51). Chaymantapas paytaqa religionta umalliqkuna autoridadkuna iman imaymanapi sufrichirqanku (Mat. 26:59; Mar. 15:15). Chaymantapas Jesustaqa sinchita sufrichispan wañuchirqanku. Chaytaña ruwarqanku chaypas, payqa “wañupunankaman kasukuq” runa karqan (Filip. 2:8).

Chhaynakunapi tarikuspan Jesusqa astawanraq yacharqan kasukuq kayta. Chhayna kasukuqtaq karqan chayqa payqa allin Reymi allin uma sacerdoten kanqa; payqa allintan yachan imas ñak’ariy, imas sufriy chayta (Heb. 4:15; 5:9). Chaymantapas chhayna kasukuq kasqanraykun Jehová Diosqa astawanraq wawan Jesusta munakapurqan. Sichus noqanchispas ima sasachakuypipas tarikuspa Jehová Diosta kasukushallasun chayqa, payqa astawanmi munakapuwasunchis (Sant. 1:4).