¿Imaynatan Diosta agradecekusunman tukuy ima qowasqanchismanta?

DIOSQA mana mich’akuspan tukuy imatapas qowanchis, chaytan sut’ita rikunchis kamasqankunapi (Sant. 1:17). Ch’askakunata kamashaspaqa manan pisillatachu ruwarqan aswanpas millonninpin. Kay pachapitaq askha plantakunata kamarqan (Sal. 65:12, 13; 147:7, 8; 148:3, 4).

Ñawpa tiempopi runan Jehová Diosta ancha agradecesqa kasharqan kamasqankunamanta, chaymi huk takita qelqarqan. Chay takin Salmo 104, chaypin payqa nirqan tukuy kawsasqan tiempopi Diosta hatunchananta (Sal. 104:33). ¡Ñoqanchispas pay hinan ruwayta munanchis!

DIOS HINA QOYKUKUQ KASUN

Jehová Diosmi munan pay hina qoykukuq kananchista. Chaymi apóstol Pablowan qelqachirqan qhapaqkunaqa ama qolqenkupichu confiakunankuta. Aswanpas Diospi confianankuta, payllan tukuy allinkunata qowaqninchisqa. Pablon nillarqantaq hukkunapaq allin kaqkunata ruwapunanchista, qoykukuq kananchista, sonqomanta qonanchista. Sichus chay hinata ruwasun chayqa, hamuq tiempopin ancha kusisqapuni kasunchis (1 Tim. 6:17-19). Chhaynaqa Jehová Dios hinan qoykukuq kananchis.

Apóstol Pablon Bibliapi qelqarqan: “Sapanka imaynatachus sonqonpi yuyaykusqanman hina qochun, ama llakisqachu, amataq kamachisqa hinapaschu. Diosqa kusisqa qoqtan munakun”, nispa (2 Cor. 9:7). Chay textoq nisqan hina, kusisqa qonanchistan Diosqa munan. ¿Piqpa allinninpaqmi qoykukuq kasqanchis? Necesitasqanta chaskikuq runapaqmi. Ichaqa ñoqanchispa allinninchispaqwanmi, Jehová Diosmi allin kaqkunawan kutichipuwasun (2 Cor. 9:11-14).

Apóstol Pablon nillarqantaq sumaq regalo qowasqanchismanta Diosman graciasta qonanchispaq (2 Cor. 9:15). Chay regaloqa churinpa wañupuwasqanchisrayku imaymana allinkuna qowasqanchismi. Chaytaqa manan imawanpas kutichipuyta atisunmanchu.

Jehová Diospas Jesuspas ñoqanchisraykun tukuy imata ruwanku, kunanpas hamuq tiempopipas. ¿Imaynatan agradecekusunman chaykunamanta? Qoykukuq kaspan. Qosunmanmi tiemponchista, kallpanchista, qolqenchista, cosasninchiskunatapas Diosta servinapaq, paymanta hukkunaman willanapaqpas. Wakchaña qhapaqña kaspapas, llapanchismi qoykukuq kasunman (1 Crón. 22:14; 29:3-5; Luc. 21:1-4).

¿Imaynatan pachantinpi predicakunanpaq donacionta qosunman?

Apóstol Pabloq tiemponpi hinan kunanpas askha cristianokuna ‘qolqenkuta t’aqaspa’ “Obra mundial” nisqa cajachaman churanku (1 Cor. 16:2). Chay qolqetan sapa killa iñiq t’aqakuna Jehová Diospa testigonkunaq sucursalninman apachinku. Qanpas apachillawaqtaqmi sucursalniykiman. Tiyasqayki nacionpi ima sutiman apachinaykipaq yachayta munanki chayqa www.pr2711.com/quz nisqaman haykuy, chaypin sucursalpa telefononta tarinki. Qatimuqpin willashan imayna donacionkunatan apachikunman chaymanta.

DONACIONKUNA

Qosunmanmi débito, crédito tarjetakunawan, otaq banconta apachisunman. Wakin nacionkunapiqa internetnintan apachinkuman jw.org direccionman haykuspa otaq huk direccionkunaman.
Qollasunmantaqmi qolqeta, ancha valorniyoq alajakunata, huk cosaskunatapas. Ichaqa huk cartapin willananchis chaykunata mana ima chaskinaraykulla qosqanchista.

DONACIONES CONDICIONALES

Sucursalmanmi qolqenchista qosunman, necesitasqanchis ratopitaq chaskikapullasunman.
Huk cartapin willananchis donacionpi qolqe qosqanchista chaskikapunallanchispaq kasqanta.

HUK DONACIONKUNA

Qatiqninpin huk lista kashan imaynatawanmi donacionkunata churasunman chaymanta. Manaraq donacionniykita churashaspan sucursalta tapukunayki, chhaynapin yachanki imaynatachus chayta ruwanaykipaq. Sapanka nacionmi leyniyoqkama, chaymi yachanaykipaq huk abogadota tapukunayki.

Seguros: Chay segurokunataqa tiyasqanchis nacionpi sucursalmanmi qosunman. Chaykunaqa seguro de vida otaq plan de jubilación nisqakunan kanman.

Cuentas bancarias: Sucursaltan autorizasunman certificados de depósito, cuentas bancarias, fondos de jubilación nisqakunata utilizananpaq. Hinaspapas wañukapuqtinchis qolqenchista sucursal chaskinanpaqmi decidisunman, ichaqa llaqtanchispi bancokunaq leyninkuman hina.

Acciones y bonos: Chaykunatan qosunman tiyasqanchis nacionpi sucursalman otaq contratota ruwasunman wañukapuqtinchis chaykunata sucursal chaskikunanpaq.

Bienes raíces: Qosunmanmi wasinchista otaq vendenapaq hina kaq terrenonchistapas. Sichus chaypi tiyashanchisraq chayqa, decidisunmanmi wañukapuqtinchisña sucursal dueño kapunanpaq.

Donaciones con renta: Donasunmanmi qolqeta otaq títulos valores nisqakunata, ichaqa wañukapunanchiskama sapa watan wakin qolqenchista chaskinanchispaqmi contratota ruwasunman. Chhayna donacionta qoqtinchisqa yaqapaschá donasqanchis watapi wakin impuestokunata nacionninchis mana cobrawasunmanchu.

Testamentos y fideicomisos: Notariowan qelqachispan huk testamentota ruwasunman chhaynapi sucursal ima kaqninchistapas otaq qolqenchistapas herenciata hina chaskinanpaq, otaq sucursalta nombrasunman contrato de fideicomiso nisqata chaskinanpaq. Chayta ruwaqqa aswan pisitan impuestokunata paganman.

Chhayna donacionkunawan Jehová Diospa testigonkunaq llank’ayninpi yanapayta munaqkunapaqmi ruwakun Donaciones planificadas para favorecer el servicio del Reino en todo el mundo nisqa folletota, chayqa inglés, español simipin kashan. Yaqapaschá chay folletopi willakuykunaqa mana llapanpichu yanapasunki, sapanka nacionpi kamachikuykuna impuesto pagaypas hukniray kasqanrayku. Folletota leeyta tukuspa huk abogadota tapukuy. Chhayna donacionkunawanmi askha runakuna pachantinpi llank’ay aparisqanchista yanapakushanku, chaywantaqmi impuestokunata pisillata pagarqanku. Sichus tiyasqayki nacionpi kan chay folleto chayqa, iñiq t’aqapi secretariomanta mañakuy.

Astawan yachayta munanki chayqa, Jehová Diospa testigonkunaq sucursalninman waqyay.