Científico runakunaq nisqankuman jina, ¿kay pacha tukukunqachu? | ¿Imatapas Biblia willashanmanchu chaykunamanta?

Kay 2023 wata 24 enero p’unchaypin científico runakuna Juicio Final nisqa Relojtaa astawan qayllaykachinku kuska tuta horasman. Chay kuska tuta horasqa fin del mundo nisqan, kay pachaq tukukuynin.

• Noticiakunata willaq agencia AFP nin: “Qayna semana martes p’unchaypin científico runakuna Juicio Final nisqa Relojta astawan qayllaykachinku kuska tuta horasman. Chay relojtan riqch’anachikun kay pachaq tukukunanwan. Chaymi Ucrania nacionpi guerraq kasqanwan, kay pachapi tiempoq cambiashasqanwan iman chay relojqa astawan qayllaykushan kuska tuta horasman”, nispa.

• ABC News nisqan nin: “Científico runakunan qayna semana martes p’unchaypi Juicio Final nisqa Relojta astawan qayllayqachinku kuska tuta horasman. Chhaynaqa cercapiñan kashan kay pachaq tukukunanqa”, nispa.

• The Guardian nisqan nillantaq: “Allin reqsisqa científico runakunan nisqankuman jinaqa manas jayk’aqpas kunan jinaqa runakunaq kausayninqa tukukunan patapiqa karqanchu”, nispa.

¿Cercapiñachu kashan kay pachapas, runakunapas chinkapunan? ¿Jamuq tiempopi imachus kananta manchakunanchischu? ¿Imatapas Biblia chaykunamanta willashanmanchu?

¿Iman pasanqa jamuq tiempopi?

Biblian willan “kay pachaqa kaqllan wiñay-wiñaypaq” kananmanta, runakunapas “wiñaypaq chaypi tiyanankumanta” (Eclesiastés 1:4; Salmos 37:29). Arí, runakunaqa manan kay pachataqa chinkachiyta atinqakuchu, manataqmi kay pachaqa ch’usaqllaqa kanmanchu.

Biblian ichaqa sut’ita willan kay pacha kausay pasashasqanmanta (1 Juan 2:17).

• Astawan yachayta munanki imaninsi Biblia kay pachaq tukukunanmanta chayqa, leey “¿Se acerca el fin del mundo? ¿Qué es el apocalipsis?” nisqata.

• Chaymantapas sichus yachayta munanki imaninsi Biblia jamuq tiempopi imakunas pasanqa chaymanta chayqa, leey “¿Jayk’aqmi fin del mundo kanqa?” nisqata.

Ama manchakuychu imachus pasananmanta

Biblian yanapawanchis kay pachapi ima mana allinkunaña kaqtinpas ama manchakunanchispaq. ¿Imaynatan yanapawasunman?

• Bibliaqa allin yuyaychaykunatan qowanchis (2 Timoteo 3:16, 17). Sichus yachayta munashanki imaynatas Biblia yanapasunkiman sasachakuypi tarikuspa ama nishuta llakikunaykipaq chayqa, leey “Qué puedo hacer para no preocuparme tanto” nisqata.

• Bibliaqa juj sumaq suyakuytan jamuq tiempopaq qowanchis (Romanos 15:4). Chaypin sut’ita willawanchis imas pasanqa kay tiempopi jamuq tiempopipas chayta. Chaykunata yachaymi yanapawasun kay tiempopi imakunachus pasanqa chayta aguantananchispaq.

Sichus chaykunamanta astawan yachayta munanki chayqa, invitaykikun Jehová Diospa testigonkunawan Bibliata estudianaykipaq.