Astawanmi suwakunaqa yapakushan | ¿Imatapas Biblia willashanmanchu chaymanta?

Suwakunan Haití nacionpi nishuta runakunata manchachipushan. Sudáfrica, México, juj nacionkunapipas astawanmi imaymana mana allinkuna yapakushan. Juj llaqtakunapipas mana manchakuspan suwakunaqa wasikunaman jaykuspa imaymanata apapushanku, chaywanmi runakunaqa sinchi llakisqa kashanku.

¿Imaninmi Biblia chay ruwaykuna yapakushasqanmanta?

Bibliapiqa willarqanñan kay tiempopi imaymana mana allinkuna yapakunanta

Bibliaqa willarqanñan tukukuy p’unchaykunapi tukuy chaykuna pasananta (Mateo 24:3). Kikin Jesucriston chayta discipulonkunaman willarqan, nirqanmi:

• “Mana allin kausay yapakusqanwanmi yaqa llapa runakunaq munakuynin chiriyapunqa” (Mateo 24:12).

Chaymantapas Bibliaqa willarqanmi tukukuy p’unchaykunapi runakunaqa “cuerponkuta mana kamachiqkuna, sinchi k’araq sonqokuna, allin kaqta mana munakuqkuna” kanankuta (2 Timoteo 3:1-5). Chhayna kasqankuraykun runakunaqa manaña ima leytapas kasukuyta munankuchu.

Ichaqa manan wiñaypaqchu chaykunaqa kanqa, tukukapullanqan. Biblian prometewanchis pisi tiempollamanta suwakunapas millay runakunapas chinkapunanta.

• “Pisi tiempomantaqa chinkapullanqan millay runakunaqa; maypichus kasharqanku chaytan qhawarinki, ichaqa manañan chaypiñachu kapunqaku. Llamp’u sonqokunan ichaqa kay jallp’ata chaskinqaku, chaypin may kusisqa, thaj nisqa tiyapunqaku” (Salmos 37:10, 11).

¿Imakunatawanmi Dios jamuq tiempopi ruwanqa? ¿Imaynapin yachasunman imaymana pasasqan Bibliaq nisqanta junt’ashasqanta? Chaykunamanta yachanaykipaq leey:

La esperanza real de un mañana mejor

¿Cuál es la señal de “los últimos días” o “los tiempos finales”?

¿Imaynan kananku karqan kay tiemponchispi runakuna? nisqa yachachikuykunata.