¿Imaraykun manaña parlarinkuchu religionninkumanta qarqochikuq runakunawan?
Pipas Testigo jina bautizasqa kashaspa manaña predicaqtaqa manaña juñunakuykunaman jamuqtapas manan jinatachu qhawarpariyku, aswanmi paytaqa yanapayku wajmanta Diosta servinanpaq, llaqtanman kutimpunanpaqwan.
Ichaqa, pipas Testigo jina bautizasqa kashaspa jatun juchata ruwanman chayqa qarqosqan kanman. Chaytan ichaqa mana comunllatachu ruwakun. Pipas Bibliaq kamachisqanta mana kasukuspa ruwashallanman mana allinkunata, manataq chaykuna ruwasqanmanta arrepientekunmanchu chayqa qarqosqan kanman, manataqmi pipas chay runawanqa parlanchu nitaq juñukunpaschu. Bibliapipunin nin: “Qankuna ukhumanta qarqoychis juchallikuq runata”, nispa (1 Corintios 5:13).
Ichaqa, ¿juj familiamanta qosalla qarqosqa kanman chayri? Chhayna kaqtinqa, manapaschá Diosmanta imatapas rimanqakuchu, ichaqa normaltan familia kausayninkutaqa aparinku, esposanwanpas wawankunawanpas normal-llatan imaynan kausaqku chhaynata kausanku.
Pipas qarqosqaqa jamullanmanmi juñunakuykunamanqa, munaspaqa umallikunaq yanapaynintapas mañakunmanmi. Noqaykuqa munayku paykuna wajmanta Jehová Diospa testigon kanankutan, chaypaqmi ichaqa ima millay kausaytapas saqepunanku, Bibliaq kamachisqanman jinataq kausananku, chayta ruwanqaku chayqa atinkumanmi wajmanta Diospa llaqtanpi kayta.