“Millay k’araq sonqoyoqmi karani”

ÑAUPA VIDAY

San Juan Chancalaíto llaqtapin nacerani, chayqa México nacionpin tarikun. Familiayqa Mayakunaq ayllunmanta kanku. Noqaykuqa 12 hermanontinmi karayku, noqataq pisqa kaq karani. juch’uyllaraq kashaspaymi hermanoykunawan kuska Bibliamanta estudiarayku Jehová Diospa testigonkunawan. Bibliaq consejonkunatan ichaqa mana kasukuranichu.

13 watayoq kaspaymi drogakuyta suwakuyta ima qallarirani. Wasiymantapas mana piensaspan ripurani. 16 watayoq kashaspaytaqmi drogakuna ruwaypi llank’ayta qallarirani. Wata jinaña chaypi llank’ashaqtiymi juj tuta drogata Botepi askhata apashaqtiyku juj grupomanta enemigokuna jamuranku allin armasqa jinan maqayta qallariwaranku. Chaymanta escapakunaypaqmi mayuman saltaykurani chaymi aswan ukhuman nadaspa jaykurani salvakunaypaq. Chaymantataq Estados Unidos nacionman escaparani.

Chaypiqa kaqllan llank’asharani drogakunawan imaymana problemakunapitaqmi churakuqpas kani. 19 watayoq kashaqtiymi carcelman wisq’awaranku suwamanta runa wañuchiymantawan tumpaspa. Carcelpi kashaspayqa millay runakunawanmi juñukurani chhaynapi mana khuyapayaspa pitapas maqaq kayku. Chaymi Lewisburg llaqtaman autoridadkuna apachiwaranku allin segurasqa carcelman.

Lewisburg carcelpiqa aswan millaymanmi tukupurani, chaypin tarinakurayku grupoymanta millay runakunawan chaymi facilta paykunaman juñukurani. Aswan millaymanraqmi tukupurani chaymi sapa kutillan maqanakuq kani. Juj kutinmi carcelpa pationpi juj presokunawan maqanakurayku k’aspikunawan llasa fierrokunawan ima, chaypiqa yaqan wañuchinakuraykupas. Jinan guardiakunaqa gas lacrimogenota wiqch’uykamuwaranku amaña maqanakunaykupaq. Chaymi autoridadkunaqa wisq’achiwaranku peligroso presokunapaq celdanman. Chaypiqa astawanraqmi millay k’araq sonqoyoq runaman tukupurani mana respetowanmi rimaqpas kani. Imallamantapas maqanakuqpunin kani chaykunaqa kusichiwaqmi. Manataqmi pesapakuqchu kani chaykunata ruwaspaqa.

BIBLIAQ YANAPAYNINWANMI CAMBIAPUNI

Peligroso presokunapaq celdanpiqa yaqa ch’isiyaqmi wisq’asqa karani. Chaymi tiempoyta ama usuchinaypaq Biblia leeyta qallarirani. Chaymantataq juj guardia qowaran Usted puede vivir para siempre en el paraíso en la Tierra.a nisqa librota. Chay librota leespaymi yuyarirani juch’uyllaraq kashaspay Jehová Diospa testigonkunawan Bibliamanta estudiasqaykuta. Chay libron reparachiwaran millay genioyoq kasqayraykun mana allinkunapi tarikusqayta. Chaymi yuyarirani familiaymantapas iskaynin panaykuna testigo kasqankuta, jinan yuyaykurani: “panaykunallachu wiñaypaq kausankuman”, nispa. Chaymi tapukurani “¿noqari manachu atiyman?”, nispa. Jinan kasqan rato decidikurani cambianaypaq.

Cambianaypaqqa yanapanatan necesitarani. Chaypaqqa Jehová Diosmantan yanapayninta ñaupaqtaqa mañakurani. Chaymantataq Estados Unidos sucursalman apachirani juj cartata chaypin mañakurani Bibliamanta estudiota qowanankupaq. Sucursaltaq juj congregacionta niran visitamuwanankupaq. Chaypi kashaqtiyqa manan pipas visitamuwayta atiwaranchu familiaykunallan, chaymi chay congregacionmanta juj hermano kallpachawananpaq cartakunata qelqakunatawan apachimuwaran chaykunataq yanapawaran cambiokunata ruwashanallaypaq.

Chaypaqqa lloqsipunaymi karan chay pandilla grupoman jaykusqaymanta chaypiqa unay watakunan karani. Chaymantapas jefeyqa noqawan kuskan kasharan carcelpi, jinan willarani: “Noqaqa Jehová Diospa testigonmi kapuyta munani”, nispa. Paytaq niwaran: “Diosta serviyta munanki chayqa manan noqaqa jark’aykimanchu, ichaqa kay grupotachus saqeyta munashanki chayqa yachankiñan imakunapi tarikunaykita”, nispa.

Iskay wata qhepamantaq carcelpi guardiakuna repararanku cambiokuna ruwasqayta, chaymi allinta tratawaranku. Ejemplopaq, bañota rinaypaqpas manañan makiyta cadenasqatachu apawaqku. Chaymantapas juj guardia kallpachawaran cambiokunata ruwashanallaypaq. Chaymi autoridadkunaqa peligroso presokunapaq celdanmanta cambiawaranku juj celdamanñataq, chaypin karani juj wata cumplikunankama. Chunka watan carcelpi karani, chaymi 2004 watapi kacharinpuwaranku jinan Mexicoman carcelpa carronpi kutichimpuwaranku.

Mexicoman chayamuspaytaq maskarani, Jehová Diospa testigonkunaq juñunakunanku wasita. Chayllaraq juñunakuyman rispayqa, carcelpi kasqay uniformeywanmi rirani. Chhayna p’achasqaña rirani chaypas hermanokunaqa sumaq munakuywanmi chaskiwaranku, chaypin repararani cheqaq cristianokuna kasqankuta (Juan 13:35). Kasqan p’unchaymi ancianokunaqa rimanakuranku juj hermano estudiota qowananpaq. 2005 watapin 3 septiembre killapi bautizakurani.

2007 watapitaq precursor jinaña yanapakusharani, chaymantapas sumaq sonqoyoq runakunamanmi Jehová Diosmanta yachachisharani. 2011 watapitaq invitawaranku soltero qharikunapaq escuelaman (kunanqa chay escuelaq sutinqa Diospa gobiernonmanta willaqkunapaq escuelan). Chay escuelan allinta yanapawaran congregacionpi yanapakunaypaq.

2013 watapitaq casarakurani esposay Pilarwan. Ñaupaqpi imayna kasqayta esposayman willaqtiymi payqa mana creewanchu. Jehová Diosta reqsisqaymanta pachan manaña millay genioyoqchu kani, chaymi esposaywan seguro kashayku Diospa palabranqa runaq vidanta cambiananpaq atiyniyoq kasqanta (Romanos 12:2).

BENDICIONKUNA CHASKISQAY

Lucas 19:10 textopi Jesuspa nisqanqa noqamantapas rimashanman jinan, chaypin nin: “chinkasqakunata maskhaspa salvaqmi jamun”, nispa. Kunanqa manan chinkasqañachu sientekuni nitaqmi runakunatapas mana allinta ruwaniñachu. Kunanqa Bibliaq yanapayninwanmi vidayta utilizashani Diosta servinaypaq. Runakunawanpas thajpin kausashani, noqapaq aswan importanteqa Jehová Dioswan amigontin kasqaymi.