WAYNA-SIPASKUNAQ TAPUKUSQAN
¿Imanaqtinmi juñunakuykunaman rinayki?
Jehová Diospa testigonkunaqa, juñunakuna wasikunapin sapa semana iskay kutita juñunakunku. ¿Imatan yachachinku chay juñunakuykunapi? ¿Imapin yanapasunkiman chay juñunakuykuna?
¿Imamantan yachachinku juñunakuykuna wasipi?
Jehová Diospa testigonkunaq juñunakunanku wasipiqa Bibliamantan yachachinku, chay juñunakuykunaman rispaqa kaykunamantan yachanki:
Diosmantan cheqaq kaqta yachanki.
Imaraykus kay tiemponchispi imapas mana allin kashan chaykunamantan yachanki.
Allin runa kanaykipaqmi yanapasunki.
Allin amigokunatan chaypi tarinki.
¿Yacharqankichu? Jehová Diospa testigokunaq juñunakuyninkunapiqa Diospa Gobiernonmantan astawanqa rimakun (Mateo 6:9, 10; 24:14; Lucas 4:43)
¿Imaraykun juñunakuna wasiman rinaykipuni?
Chaypi yachamusqaykiqa vidaykipin yanapasunki. Jehová Diospa testigonkunaq juñunakunanku wasipi Bibliamanta yachamusqaykiqa, allin yuyaywan otaq allin yachaywan imatapas ruwanaykipaqmi yanapasunki (Proverbios 4:5). Jinaspapas yanapasunkin allinta imatapas decidinaykipaq, kay tapuykunamanta iman yachallankitaq:
Chaymantapas sapa semanan imaymana yachachikuykunamanta Bibliawan entiendechisunkiku, wakinmi kaykuna:
¿Imaraykun Bibliawan yanapachikunanchis vidanchispi?
¿Pin yanapawasunman llakikuy tiempopi?
¿Imakunatañan kay tiempopi ruwashan Diospa gobiernon?
Brenda nin: “Juj kutinmi estudiaqmasiyta juñunakuykunaman invitarqani, payqa jamurqanmi juñunakuyman jinan familiaywan kuska tiyarqayku, qelqaykunatapas mañarqanin leenanpaq. Juñunakuy tukuytan payqa niwarqan: Kay juñunakuypi tapuykunaman imayna kutichisqankuqa admirakunapaqmá, iglesiaypiqa manan kanchu qelqakuna estudianaykupaq”, nispa.
¿Yacharqankichu? Jehová Diospa testigonkunaq juñunakunanku wasikunapiqa manan qolqetaqa mañasunkikuchu, tukuy imatapas chaypiqa gratisllan yachachinku.
Chay juñunakuykunapi kaq runakunaqa kallpachasunkikun. Bibliapin kamachishan juñunakuykunaman rispa, jujkuna-jujkunawan kallpachanakunanchispaq (Hebreos 10:24, 25). Kay tiempopiqa askha runakunan mana munankuchu runamasinkuta yanapayta, Diosmanta yachayta munaq runakunawan juñunakunki chayqa kallpachasunkikun.
Elisan nin: “Ch’isiyaqnintin llank’asqay qhepamanqa sayk’usqa llakisqa iman mayninpiqa sientekuni, juñunakuykunapi kaqkunan ichaqa kallpachawanku. Wasiyman kutinpuspapas kusisqan sientekuni paqaristinpaqpas allin preparasqa iman kashani”, nispa.
¿Yacharqankichu? Jehová Diospa testigonkunaqa mundontinpin 120.000 más congregacionkunapi juñunakunku, kay tiempokamaqa 60.000 más juñunakuna wasikunatan ruwarqanku. Sapa watanmi yaqa 1.500 juñunakuna wasikunata ruwanku, chay juñunakuykunaman askha runakuna risqanrayku.a
a Jehová Diospa testigonkuna maypis juñunakunku chayta yachanaykipaq jaykuy internetpi direccionniykuman jinaspa nit’iykuy “Juñunakuykuna” “Mayman rinaykipaq” nisqakunapi.