¿Animalkuna wañupusqan qhepaman janaq pachamanchu rinku?
Biblia nin
Kay pachapi llapa kausaqkunamanta pisi runakunalla janaq pachaman rinankuta (Apocalipsis 14:1, 3). Janaq pachaman riqkunaqa Jesuswan kuskan kamachimunqaku (Lucas 22:28-30; Apocalipsis 5:9, 10). Askha runakunan kausarimpunqaku kay allpa paraisoman tukupuqtin chaypi tiyanankupaq (Salmos 37:11, 29).
Bibliapiqa manan willanchu animalkuna wañupusqan qhepaman imachus pasasqanta. Animalkunaqa manan cieloman riyta atinkumanchu, ¿Imarayku? Paykunaqa manan “janaq pachapaq” ajllasqa kankuchu (Hebreos 3:1). Animalkunaqa manan Diospa yachachikuyninta entiendenkuchu iñiypi wiñanankupaq nitaq Diospa kamachikuyninkunatapas kasukuyta atinkuchu. (Mateo 19:17; Juan 3:16; 17:3). Aswanpas runakunallan kamasqa karanku wiñaypaq kausanankupaq (Génesis 2:16, 17; 3:22, 23).
Runakuna janaq pachaman rinankupaqqa ñaupaqtan kausarimpunanku (1 Corintios 15:42). Biblia willan askha kausarimpuy kasqanmanta (1 Reyes 17:17-24; 2 Reyes 4:32-37; 13:20, 21; Lucas 7:11-15; 8:41, 42, 49-56; Juan 11:38-44; Hechos 9:36-42; 20:7-12). Chayqa runakunamanta willashan manan animalkunamantachu.
¿Animalkuna almayoqchu kanku?
Manan. Bibliaqa yachachinmi animalkunapas runakunapas alma kasqankuta (Números 31:28, NM). Dios Adanta kamashaspaqa manan juj almatachu qoran, aswanpas Adanmi kausaq alma kapuran otaq ‘kausashaq runa’ (Génesis 2:7 NM). Almaqa “ñut’u allpamanta” ‘kausay samaymantawan’.
¿Alma wañunchu?
Arí. Bibliaq nisqan jina almaqa wañunmi (Levítico 21:11; Ezequiel 18:20, NM). Animalkunapas runakunapas wañupuspaqa ‘ñut’u allpaman tukupunku’ (Eclesiastés 3:19, 20). Chayqa ninanmi manaña imapas kausanñachu nispa.
¿Animalkuna juchallikunkuchu?
Manan. Juchaqa Diospa contranpi mana allin ruwaykuna, mana allin piensaykuna ima. Runakuna juchallikunanpaqqa decidinku imatachus ruwanankuta animalkuna ichaqa manan chayta ruwankuchu. Animalkuna kausasqan tiempopiqa manan piensankuchu ni imatapas ruwankuchu (2 Pedro 2:12). Wañukapuqtinku ichaqa chayllapi imapas tukupun.
¿Ima ninmi Dios animalkuna sufrichiymanta?
Diosmi runakunata kamachiran animalkunata cuidananpaq ichaqa manan chayraykuchu maltratananku (Génesis 1:28; Salmo 8:6-8). Diosmi sapanka aminalkunapi interesakun pichinkukunapas ancha valorniyoq paypaqqa (Jonás 4:11; Mateo 10:29). Chaymi kamachiran sumaqta llapa animalkunata tratanankuta (Éxodo 23:12; Deuteronomio 25:4; Proverbios 12:10).