Uranpi willakuy

c Chay promesa ruwaqkunaqa nazareo runakunas kanman karqan, chhaynatan nikuq Diospaq t’aqasqa runakunata (Núm. 6:1-21). Chay promesata ruwanapaqqa kamachikuy simipin kasharqan, ichaqa chay tiempopaqqa kamachikuy simiqa manan valerqanñachu. Chhaynaña karqan chaypas yaqapaschá Pabloqa nirqan: “Paykunataq Diosman chay promesata ruwarqanku chayqa junt’anqakuchá promesankutaqa”, nispa. Chhaynaqa allillanmi kasharqan paykunaq gastonkuta pagaypas, paykunawan kuska temploman riypas. Ichaqa manapunin allintachu yachakun ima promesatas chay runakuna ruwarqanku chayta. Imaynaña karqan chaypas sichus chay runakuna nazareo kasqankumanta ch’uyanchakunankupaq animalkunata jaywayta munarqanku chayqa, manachá Pabloqa chaywanqa acuerdopichu kasharqan. Jesuspa sacrificio jaywasqanmi chaykunataqa tukuchipurqanña, apóstol Pabloqa manapunin imatapas conciencian contraqa ruwanmanchu karqan.