Ezequiel

41 Chaymantataq payqa jawa kaq ch’uya cuartoman apaykuwarqan, jinaspa chayman jaykuna perqata medirqan; chay perqaq anchonqa soqta codon* kasqa, chimpa kaqpa anchonpas soqta codon kallasqataq. 2 Chay ch’uya cuartoman jaykuna punkuqa chunka codon kasqa, punku perqataq pisqa codo kasqa, jujninpas pisqa codon kallasqataq. Chay ch’uya cuartoq largonqa tawa chunka codon kasqa, anchontaq iskay chunka codo kasqa.

3 Chaymantataq payqa ukhu kaq cuartoman jaykuna perqata medirqan, chaypa anchonqa iskay codon kasqa, chayman jaykuna punkutaq soqta codo kasqa. Chay perqakunaqa punkumanta k’uchukamaqa qanchis codon kasqa. 4 Medillarqantaqmi ukhu kaq cuartotapas, chaypa largonmi kasqa iskay chunka codo, anchonpas iskay chunka codon kallasqataq.+ Chaypin payqa niwarqan: “Kayqa ch’uyay-ch’uya cuarton”,+ nispa.

5 Chaymantataq payqa temploq perqanpa anchonta medirqan, chayqa soqta codon kasqa. Temploq muyuriqninpi cuartokunaq anchontaq tawa codo kasqa.+ 6 Templo muyuriqpi cuartokunaqa kinsa pata altosniyoq ruwasqan kasqa, sapanka patapitaq kinsa chunka cuartokuna kasqa. Chay temploq perqanpin patakunata puchusqaku, chay patakunamanmi churasqaku chay muyuriqpi cuartokunapaq tirantekunataqa; manan chay tirantekunaqa perqa t’oqosqapichu kasqa.+ 7 Chay temploq iskaynin ladonpin kasqa escalerakuna. Chay escalerakunaqa muyupin wichayman seqasqa, seqasqanman jinataq jatunyasqa.+ Pampamantaqa ñañullan qallarisqa, sapanka altosman chayasqanman jinataq anchoyasqa.

8 Chay temploqa alto patapi ruwasqan kasqa. Templo muyuriqpi cuartokunaq cimentacionninqa juj carrizotan* medisqa, esquinakaman soqta codo kasqa. 9 Chay cuartokunaq jawa perqanpa anchonqa pisqa codon kasqa. Temploq paña ladonpi lloq’e ladonpi cuartokunaq qhepan pataqa* ch’usaqmi kasqa.

10 Templomanta mijuna cuartokunakamaqa+ iskay chunka codon kasqa, iskaynin ladonmi chhayna kasqa. 11 Templo muyuriqpi cuartokunaman jaykunapaqqa iskay punkukunan kasqa, jujninmi kasqa temploq paña ladonpi,* juj kaqtaq lloq’e ladonpi.* Cuartokunaq qhepan pata anchoqa pisqa codon kasqa.

12 Temploq qhepan inti jaykuy ladopi wasiq anchonqa qanchis chunka codon kasqa, largontaq isqon chunka codo, chay perqaq anchontaq pisqa codo kasqa, llapa muyuriq perqan chhayna kasqa.

13 Chaymantan payqa temploq wask’anta* medirqan, chayqa pachaj codon kasqa. Temploq qhepan ch’usaq pampatapas qhepanpi wasitapas llapa perqantintan medirqan, chaypas pachaj codon kallasqataq. 14 Temploq ñaupanpas iskaynin lado patiokunantinmi pachaj codo kallasqataq.

15 Chaymantan payqa medillarqantaq temploq qhepanpi wasi punku pampata, juj k’uchumanta juj k’uchukama, chaypas pachaj codon kallasqataq.

Payqa llapantan medirqan jawa kaq ch’uya cuartota, ukhu kaq ch’uya cuartota,+ patioman lloqsina jatun sala jina punkutapas. 16 Medirqanmi punkukunatapas, juch’uyman tukuchisqa marcokunayoq ventanakunatapas,+ kinsantin ladopi ch’usaq pampakunatapas. Punku qayllaqa llaflla* tablakunawan k’askachisqan kasqa,+ chayqa pampamanta ventanakaman kasqa. 17 Payqa medirqanmi temploman jaykuna jawan altotapas, medirqanmi temploq jawantapas ukhuntapas jinallataq llapa muyuriq perqankunatapas. 18 Ukhu muyuriq perqapiqa thupasqa querubín angelkuna+ palmerakuna iman kasqa,+ sapanka palmeran iskay querubinpa chaupinpi kasqa, sapanka querubintaqmi iskay uyayoq kasqa. 19 Jujnin uyanmi runaq uyan jina kasqa, juj kaqtaq leonpa uyan jina. Runa uyanmi jujnin palmerata qhawashasqa, león uyantaq juj kaq palmerata.+ Perqa muyuriqpin chaykunaqa kasqa. 20 Chay ch’uya cuartopiqa pampamanta punkuq jawan k’uchunkunakamaraqmi thupasqa querubín angelkuna palmerakuna ima kasqa.

21 Templo punku jaykunapi postekunaqa tawa esquinayoqmi kasqa.+ Ch’uya cuartoq* ñaupanpin kasqa maderamanta ruwasqa altar, 22 chaypa sayayninmi kasqa kinsa codo, largontaq iskay codo. Sapanka esquinanpin kasqa rakhu k’aspikuna, chay altarqa maderamanta ruwasqan kasqa.+ Chaypin payqa niwarqan: “Kay mesaqa Jehová Diospa ñaupanpi kaq mesan”,+ nispa.

23 Jawa kaq ch’uya cuartopas ukhu kaq ch’uya cuartopas iskayman kichakuq punkuyoqmi kasqa.+ 24 Chay punkukunataq sapanka iskayman doblakuq kasqa. Sapanka punkupin iskay punku kasqa. 25 Chay punkukunapipas perqakunapi jinan thupasqa querubinkuna palmera sach’akuna ima kasqa.+ Temploman jaykuna jatun sala jina punkuq jawan patapitaq k’ullukunamanta tablakunamanta ruwasqa llanthuna kasqa. 26 Chay jatun sala jina punkuq ladonkunapiqa kallasqataqmi juch’uyman tukuchisqa marcoyoq ventanakunapas,+ kallasqataqmi thupasqa palmera sach’akunapas; chhayna palmerakunaqa templo muyuriq cuartokunapi llanthumuq patakunapi iman kasqa.