58 TAKI
Thaj kayta munakuqta maskhasun
1. Llaqtan-llaqtantan Cristo puriran
Jehová Diosmanta willaspa,
k’anchayta lliuman apaspa.
Munakuywanmi lliuta yachachiq;
ch’isiyaqmi payqa maskhaq
Dios sonqo kaqta.
Chayraykun kunan pay jina
llaqtan-llaqtanta purispa
willamunanchis kausachiq simita.
(CORO)
Maskhasunchis
thaj kayta munakuq runata.
Tarisunmi
kausaypaq jina kaqkunata.
Tukuyneqpi
maskhasunchis.
2. Pisillan tiempo cosechanapaq,
chayrayku lliupi maskhasun
allin sonqoyoq runata.
Sumaq simiwan willaqtinchisqa
llakisqapas onqosqapas
kallpachakunqan.
Chhaynaqa tukuy sonqowan
maskhasun llapa llaqtapi.
Chhaynapin lliupas kusisqa kasunchis.
(CORO)
Maskhasunchis
thaj kayta munakuq runata.
Tarisunmi
kausaypaq jina kaqkunata.
Tukuyneqpi
maskhasunchis.
(Kay textokunatawan leey: Is. 52:7; Mat. 28:19, 20; Luc. 8:1; Rom. 10:10.)