¿Imaraykun Testigokuna mana cruzpi creenkuchu?

Yaqa llapa runakunaq piensasqankuman jinaqa cristiano kanapaqqa creenas cruzpi. Jehová Diospa testigonkuna cristianokunaña kayku chaypas manan noqaykuqa creeykuchu cruzpiqa. ¿Imarayku?

Ñaupaqta, Bibliaq willasqanman jinaqa Jesusqa manan cruzpichu wañuran, aswanpas juj k’aspillapin payqa wañuran. Chaymantapas Bibliaqa sut’itan cristianokunata nin: “Karunchakuychis ídolo adoraymanta”, nispa. Cruzman resakuy, chayman qonqorikuy iman ichaqa ídolo adoray jina kashanman (1 Corintios 10:14; 1 Juan 5:21).

Chaymantapas Jesús kikinmi niran ima ruwasqankuwanchus cheqaq cristianokunaqa reqsichikunanku karan chayta, niranmi: “Qankunapura munanakusqaykichispin lliupas yachanqaku discipuloykuna kasqaykichista”, nispa (Juan 13:34, 35). Chhaynaqa cristianokunaqa manan cruzpi creesqankuwanchu ni ima idolopi creesqankuwanchu reqsichikunanku, aswanpas paykunapura munanakusqankuwanmi reqsichikunanku.