¿Yanapawasunmanchu Biblia onqoyninchista aguantananchispaq?

¿Ima ninmi Biblia?

Diosqa llakikunmi onqosqa kashaspa junt’aq sonqowan payta serviqkunamantaqa. Chaymi Biblia nin: “Señor Diosmi payta kallpachanqa nanaywan puñunapi kashaqtin”, nispa (Salmos 41:3). Mana jampiy atiy onqoywan kaqkunapaq kinsa yanapaykunamanta yachasun.

1. Diosmanta kallpata mañakuy aguantanaykipaq. ‘Jinan Diosqa runaq mana entiendey atisqan thaj kayta qosunki’, chaytaqmi yanapasunki ama nishuta llakikunaykipaq, kallpachasunkitaq aguantashanallaykipaq (Filipenses 4:6, 7).

2. Kusisqa sonqollapuni kay. “Kusisqa sonqoqa allin jampin, llakisqa sonqon ichaqa onqochin” (Proverbios 17:22). Kusisqalla kasun chayqa allinmi saludninchispaqpas kanqa.

3. Suyakuyniykipi piensay. Ima onqoywanña kashanchis chaypas suyakuyninchisqa yanapawanchismi kusisqalla kashananchispaq (Romanos 12:12). Jamuq tiempopiqa manan mayqellanpas: “Onqosqan kani” ninqañachu, chaytan Bibliapi prometen (Isaías 33:24). Ciencia nisqaqa manan atinchu onqoykuna chinkachiyta, Diosmi ichaqa llapa onqoykunata chinkachipunqa. Chaymantapas pisi-pisimantan machu payakuna wayna sipasman tukupunqaku, aychankupas qholla wawaq jinaraqmi kapunqa (Job 33:25).

Willakuy: Jehová Diospa testigonkunaqa confiaykun ima llakikuytapas atipanaykupaq Dios yanapawanankupi, chaymantapas medicokunaq yanapaynintan maskhayku llaki onqoypi tarikuspaqa otaq juj onqoykunawan kaspapas (Marcos 2:17). Ichaqa sapankan decidinan kanqa imawanchus qhaliyananpaq yanapachikunqa chaytaqa.