Diospaq kausasunchis juñunakuypi astawan yachanapaq
3-9 ENERO
BIBLIAPI QORI JINA YACHACHIKUYKUNA | JUECES 15, 16
“¡Manapunin allinchu jujkunata engañayqa!”
Traicionayqa tukuy tiempon dañota ruwashan
4 Ñawpaqta yachasun munasqanman hina ruwaq Dalila warmimanta, paywanmi Sansón sonqonta suwachikurqan. Sansonqa decidisqan kasharqan Diospa llaqtanpi umallispa Filistea runakunawan maqanakunanpaq. Phisqantin Filistea umallikunaqa, yacharqankupaschá Sansonta Dalila mana munakusqanta, paypaq mana hunt’aq kasqantapas, chayraykun imaynapi kallpayoq kasqanta averiguananpaq askha qolqeta afrecerqanku, chhaynapi wañuchinankupaq. Dalilaqa qolqeraykun traicionarqan, ichaqa kinsa kutipin mana averiguayta atirqanchu. Sapa p’unchaymi ‘tapupayarqan’, hinan Sansonqa chaywan sayk’uspa “wañuytaraq munarqan”. Chhaynapin willarqan chukchanta mana hayk’aqpas rutusqankuta, rutuqtinkutaq kallpan mana kapunanta. Dalilaqa chayta yachaspa hinan moqonpatapi puñuchispa chukchanta rutuchirqan, hinan enemigonkunaman entregarqan imatapas paywan ruwanankupaq (Jue. 16:4, 5, 15-21). ¡Sinchi millaymi chay ruwasqanqa karqan! Qolqeta munapayaspan payta munakuq qharita traicionarqan.
w05-S 15/1 pág. 27 párr. 4
Jueces libromanta allin yachachikuykuna
14:16, 17; 16:16. Sichus pipas waqanmanpas quejakunmanpas munasqanman jinalla imapas ruwakunanpaq chayqa, manan jujkunawanqa allinpichu kausanqa (Proverbios 19:13; 21:19).
w12 15/4 págs. 11, 12 párrs. 15, 16
Traicionayqa tukuy tiempon dañota ruwashan
15 ¿Imaynapin casadokuna parejankupaq hunt’aq kankuman? Diospa Simin Qelqan kutichin: “Wayna kashaspa casarakusqayki, warmillaykiwan kusikuy”, “munakusqayki warmiwan kusisqa kawsakuy”, nispa (Pro. 5:18; Ecl. 9:9). Tiempoq pasasqanman hinan sapankanku tukuy tiempo “sumaqta” munanakuspa kawsananku. Iskayninkun qhawarinakunanku, iskayninkun tiempota pasarinanku, iskayninkutaq munanakuyninkuta wiñachinanku. Chaymantapas, kallpachakunankun matrimonionkuta, Dioswan allinpi kasqankutapas cuidanankupaq. Chaypaqmi sapa kutilla kuska Bibliata estudiananku, kuska predicananku, Diospa bendicionnintapas kuska mañakunanku.
JEHOVÁ DIOSPAQ HUNT’AQ KASUN
16 Wakin iñiqmasikunaqa hatun huchamanmi urmarqanku, chaymi ‘paykunaqa k’arakta [otaq chaninta] anyasqa’ kanku, chhaynapi “iñiyninkupi allin kanankupaq” (Tito 1:13). Mayninpin ichaqa mana allin comportakusqankurayku Diospa llaqtanmanta qarqosqa kanku. Chhaynapin “wanachisqawan yachaqaspa chaninta, sumaqta” purinku (Heb. 12:11). Ichaqa, ¿sichus qarqosqa runa familianchis otaq amigonchis chayri? Chaypin ichaqa Jehová Diosman hunt’aq kayninchis pruebapi kanman. Diosmi kamachiwanchis mana mayqen qarqosqa kaqwanpas huñunakunapaq. Payqa yachanmi kasukushanchischus chay kamachikuyta chayta (leey 1 Corintios 5:11-13).
Maskhasun ancha allin yachachikuykunata
w05-S 15/3 pág. 27 párr. 6
Jehová Diospa yanapayninwan Sansón atipan
Sansonqa Filistea runakunawanmi maqanakuyta yuyaykusharan. Chaymi Gaza llaqtaman rispa juj wasipi alojakuran, chay wasiqa qhelli juchapi puriq warmiq wasinmi kasqa, payqa manan chay warmiwan puñuqchu riran, aswanmi kuska tutata jatarispa chay llaqtaq jatun punkunkunata orqospa karu orqoman aparan, chunka soqta kilómetro karuman. Chaytaqa Jehová Diospa atiyninwanmi ruwaran (Jueces 16:1-3).
10-16 ENERO
BIBLIAPI QORI JINA YACHACHIKUYKUNA | JUECES 17-19
“Diospa kamachikuyninkunata mana kasukuspaqa sasachaypin rikukusun”
it-2-S pág. 398
Miqueas
Miqueasqa Efraín ayllumantan karan. Payqa pusaq kaq kamachikuytan mana kasukuranchu (Éx. 20:15). Mamanpa qolqentan suwakuran. Qhepamanmi ichaqa kutichipuran, jinan mamanqa niran: “Noqaqa Señor Diosmanmi kay qolqeta qopusaq amaña qanman ñakayniy chayanasuykipaq, chay jinaqa, kay qolqeta pagaspa qolqewan llunch’isqa idolota ruwachimusaq”, nispa. Jinan iskay pachaj qolqewan idolota ruwachimuran, chaytataq Miqueaspa wasinman aparan. Miqueasqa idolokunatan wasinpi jap’iran, ruwachillarantaqmi efodtapas terafimtapas, jinaspa jujnin wawanta churaran wasinpi sacerdote kananpaq. Payqa niranchá: “Kay ruwasqaywanqa Jehová Diospa bendicionnintan chaskisaq”, nispa. Ichaqa chayta ruwaspaqa idolokunata yupaychay juchamanmi urmasharan (Éx. 20:4-6). Chaymantapas Jehová Diostaqa yupaychana karpapin sacerdotekunalla servinanku karan, Miqueasqa manan chay kamachikuytapas kasusharanchu (Juec. 17:1-6; Deut. 12:1-14). Unay tiempo qhemantaq Miqueasqa wasinman pusamuran Jonatanta, payqa Guersompa mirayninmanta levitan karan, jinaspa payta valekuran wasinpi sacerdote kananpaq (Juec. 18:4, 30). Jinaspan niran: “Leví runa sacerdoteyoq kaqtiyqa, Señor Diosmi allintapuni saminchawanqa”, nispa (Jue 17:7-13). Ichaqa Jonatanqa manan Aaronpa mirayninmantachu karan, chaymi Miqueaspa chay ruwasqanqa mana allinchu kallarantaq, aswanmi astawanraq juchata apaykusharan (Núm. 3:10).
it-2-S pág. 399 párr. 1
Miqueas
Chay qhepamanmi Miqueasqa Dan ayllumanta runakunaman ayparan, jinan chay runakunaqa qaparisqanta uyarispa tapuranku: “¿Imananmi?”, nispa. Paytaq kutichiran: “Qankunan ruwakusqay diosniyta apamusqankichis, sacerdoteytapas pusarikamusqankichis, noqatataq mana imayoqta wijch’umuwankichis. Uyaykichispas kasqaraqtaq, ¿imananmi? nimuwanaykichispaq”, nispa. Jinan Dan runakunaqa payta phiñarikuspa niranku: ‘¡Upallay! Paqtataq wakin millay runakuna kutiramuspa wañuchisunkichisman qantapas runaykikunatapas”, nispa. Aswan askha paykunamanta kaqtintaq Miqueasqa wasinman kutipuran (Jue 18:22-26).
Maskhasun ancha allin yachachikuykunata
Sonqoman chayaq Biblia
6 Traducción del Nuevo Mundo Bibliapiqa 7.210 kutitan Diospa sutin rikhurirqan, 2013 watapi revisakuqtinmi ichaqa soqta kutitawan Diospa sutinta churakurqan. ¿Imanaqtin? Kachi qochapi tarisqanku k’uyukunata estudiaspan Diospa sutinta tarirqanku phisqa textokunapiwan. Chay textokunan tarikun 1 Samuel libropi. Soqta kaqtataq churakurqan ñawpa k’uyukunata allinta estudiaspanku, chaymi Jueces libropi kashan.
17-23 ENERO
BIBLIAPI QORI JINA YACHACHIKUYKUNA | JUECES 20, 21
“Jehová Diostaqa tapushanallanchismi”
¿Finees hinachu sasachakuykunata atipanki?
Huk kutinmi Benjamín ayllumanta Gabaa qharikuna huk levitaq tiyaqmasinta violaspa wañuchirqanku. Chaymi Israelmanta huk ayllukuna Benjamín ayllu contra sayarirqanku (Jue. 20:1-11). Manaraq maqanakuq rishaspa mañakurqankuña Diosmanta chaypas, askhan wañurqanku iskay kuti atipachikamusqankupi (Jue. 20:14-25). ¿Yanqapaq hinachu qhawarirqanku Diosmanta mañakusqankuta? ¿Diospas mana munanmanchu Benjamín ayllu castiganankuta hinachu yuyaykurqanku?
w05-S 15/1 pág. 27 párr. 8
Jueces libromanta allin yachachikuykuna
20:17-48. Jehová Diosqa jinallatan qhawaran Benjamín ayllu runakuna juj kaq ayllukunata iskay kutipi atipananta mana allintaña ruwasharanku chaypas. Chayta ruwaspan Jehová Diosqa juj kaq ayllukunata pruebaman churasharan, millay ruwayta Israelmanta chinkachiyta munasharankupunichus manachus chayta yachakunanpaq.
¿Finees hinachu sasachakuykunata atipanki?
¿Imatan umallikuna yachankuman chay willakuymanta? Kallpachakushaqtinkupas Diosmantaña mañakushaqtinpas ima sasachakuypas mana allichakuyta atikuqtinqa manan usqhayllachu imatapas ruwananku. Yuyarinankun Jesuspa yuyaychasqanta, nirqanmi: “Mañakuychis qosunkichismi; maskhaychis tarinkichismi; waqyakuychis kicharimusunkichismi”, nispa (Luc. 11:9). Diospas mañakusqankuta mana uyarimunmanchu hinatapaschá umallikunaqa chayta qhawarinkuman, ichaqa Diosmi munasqanman hina imatapas allichanqa.
Maskhasun ancha allin yachachikuykunata
w14-S 1/5 pág. 11 párrs. 4-6
¿Yacharankichu?
¿Imaynatan ñaupaq tiempopi warak’ata utilizaranku?
Davidqa juj warak’awanmi Goliat-ta wañuchiran. Yaqachus jina ovejata michishaspa chayta utilizayta yacharan (1 Samuel 17:40-50).
Egiptopipas Asiria llaqtapipas warak’ataqa utilizarankun. Warak’amanqa rumita churaspan kallpawan muyuchispa kachariqku, jinan chay rumiqa may apuntasqankuman kallpawan chayaq.
Allin warak’aq runaq warak’asqan rumiqa bala jinaraqmi maymanchus apuntasqanman chayaq. Manan yachakunchu warak’asqa rumi flechata ganaqchus manachus chaytaqa, ichaqa iskayninpas runaman aypaqtinqa wañuchinmanmi (Jueces 20:16).
24-30 ENERO
BIBLIAPI QORI JINA YACHACHIKUYKUNA | RUT 1, 2
“Junt’aq sonqon kananchis”
Diospa amigonkuna jina kasun
5 Llaqtanman Rut kutipuqtinqa familianmi payta cuidanman karan. Reqsisqankunawanmi kusisqa kausanman karan. Noemiqa manan chaykunata qoyta atinmanchu karan. Jinaspapas manan Rut-ta prometenmanchu qosayoq otaq familiayoq kananpaq. Chaymi Rut-ta niran Orfa jina ‘llaqtanman diosninmanwan’ kutipunanpaq (Rut 1:9-15). Rutmi ichaqa mana munaranchu kutipuspa falso dioskuna adorayta.
Diospa amigonkuna jina kasun
6 ¿Imaynapin Jehová Diosmanta Rut yacharan? Yaqapaschá paymanqa qosan otaq suegran willaran. Chaypin yacharan Jehová Diosqa mana Moab dioskuna jinachu kasqanta, yachallarantaqmi payllata munakunan, adoranan kasqantapas. Chaykunata yachaspan Rutqa decidiran Jehová Dios serviyta, chaymi Noemita niran: “Llaqtaykin llaqtay kanqa, Diosniykin Diosniy kanqa”, nispa (Rut 1:16). Noemita imayna munakusqanmi sonqonchismanraq chayan. Ichaqa astawanraqmi sonqonchisman chayan maytukuyta Jehová Diosta munakusqan. Chayraykun Boazqa Rut-ta felicitaran “Diospa waqaychasqan” kayta maskhasqanmanta (leey Rut 2:12). Boazpa nisqanmi yuyarichiwanchis chiuchikunaq ruwasqanta. Chiuchikunaqa mamitanpa rafranmanmi jaykunku pakaykusqa kanankupaq (Sal. 36:7; 91:1-4). Rutpas chhaynatan ruwaran, payqa Diospa munakusqan pakaykusqan kaytan maskharan. Jehová Diosqa anchatan Rut-ta bendeciran allin iñiyniyoq kasqanrayku. Rutqa manan jayk’aqpas pesapakuranchu decidisqanmanta.
Maskhasun ancha allin yachachikuykunata
w05-S 1/3 pág. 27 párr. 1
Rut libromanta allin yachachikuykuna
1:13, 21. ¿Jehová Dioschu Noemipa sufrisqanmanta juchayoq karan? Manan, Noemiqa manan Diostaqa juchacharanchu ima pasasqanmantapas. Ichaqa tukuy imaymana pasasqanwanmi yuyaykuran Jehová Dios paypa contranpi kashananpaq. Payqa sonqo nanaypin tarikuran, payqa niranchá: “Payayaqtiyqa imachá noqamanta kanqa”, nispa. Chaymantapas chay tiempopiqa wawayoqkunataqa Diospa bendecisqanta jinan qhawariqku. Mana wawayoqkunatataq Diospa ñakasqan runata jina qhawariqku. Noemipa iskaynin wawankunaqa manaraq wawayoq kashaspan wañupuranku, chaymi mana nietokunayoq qhepakuran, chaypaschá Noemiqa nillarantaq: “Jehová Diosmi muchuchiwashan”, nispa.
31 ENERO-6 FEBRERO
BIBLIAPI QORI JINA YACHACHIKUYKUNA | RUT 3, 4
“Jujkunaq respetawananchispaq jinan kausananchis”
w12-S 1/10 pág. 22 párr. 4
“Allin yuyayniyoq warmi”
Boazqa sumaqllata rimaykuspan Rut-ta niran: “Señor Diosmi saminchasunki, ususíy, munakuq sonqowan kay ruwasqaykiqa aswanraqmi suegraykipaq ruwasqaykimantaqa. Manan waynakunatachu qhawakuranki, wajchaña qhapaqña kaqtinkupas”, nispa (Rut 3:10). Boazqa Rut-tan yuyarichisharan suegran Noemita munakuspa Israel llaqtaman jamusqanta, payta cuidananpaq llank’asqantawan. Chaymantapas Boazqa niranmi: “Qanqa munaspaqa maskhawaqmi karan wayna qharita wajchaña qhapaqña kanman chaypas”, nispa. Rutmi ichaqa mana Noemillatachu yanapayta munasharan, aswanpas Noemipa wañupuq qosantawan, chayta ruwasqanwanmi Noemiq qosanpa sutinqa llaqtanmanta mana chinkaranchu. Chayta rikuspan Boazqa Rut-ta felicitaran.
w12-S 1/10 pág. 23 párr. 1
“Allin yuyayniyoq warmi”
Boazqa Rut-tan niran: “Llapa runan yachan munakuq sonqoyoq kasqaykita”, nispa. Rutqa chayta uyarispaqa kusikuranchá. Payqa Jehová Diostan astawan reqsiyta munaran, chaymi kallpachakuran allin warmi kananpaq. Chaymantapas Rutqa munakuranmi Noemita Israel runakunatapas, chaymi tukuy atisqanta ruwaran Israel llaqtapi tiyaq runakunaman yachakunanpaq. Rut jina Jehová Diospi iñisunchis chayqa, sumaqllatan juj runakunata yanaparisun, yachakusuntaqmi chay llaqtapi tiyaq runakunaq costumbrenkunamanpas, respetowantaq paykunata qhawarisun. Chayta ruwasun chayqa noqanchispas sumaq qhawarisqan kasun.
w12-S 1/10 pág. 24 párr. 2
“Allin yuyayniyoq warmi”
Boazqa Rutwanmi casarakuran, jinaspan Jehová Diosqa Rut-ta bendeciran wawayoq kananpaq, jinan juj qhari wawata onqokuran. Chaymi Belén llaqtamanta warmikunaqa Noemita felicitaranku, nirankutaq: “Rutqa qanchis qhari wawakunamantapas aswan allinraqmi”, nispa. Askha watakuna pasasqan qhepamantaq Rutpa mirayninmanta jujnin rey Davidpa taytan karan (Rut 4:11-22). Jesucristotaq Davidpa mirayninmanta karan (Mateo 1:1).
Maskhasun ancha allin yachachikuykunata
w05-S 1/3 pág. 29 párr. 3
Rut libromanta allin yachachikuykuna
4:6. ¿Imaynapin familianpa allpanta rantiq herencianta pisiyachinman karan? Israel llaqtapiqa pipas wajchayapuspaqa, atiranmi allpanta jujnin familianman vendeyta, chaypaqmi ichaqa tanteananku karan chay allpa kacharipuna watakama jayk’achus valesqanta (Levítico 25:25-27). Chay allpata rantikuqpa qolqenqa pisiyaranmi. Chaymantapas Rutwan casarakuqqa wañuqpa familianmanta herenciata rantikuspaqa, Rut qhari wawayoq kaqtinqa, paymi chay herenciawan qhepakapunan karan.
7-13 FEBRERO
BIBLIAPI QORI JINA YACHACHIKUYKUNA | 1 SAMUEL 1, 2
“Jehová Diosmanmi willakunayki imachus llakichisqasuykita”
Sonqontan Diosman kicharirqan
12 Diosqa munanmi Ana hina sonqomanta mañakunanchista. Sumaq sonqo kaspan Diosqa invitawanchis mana manchakuspalla imapas yuyaykusqanchista payman willakunapaq, imaynan huk wawaqa munakuq taytanman tukuyta willakun hinata (leey Salmo 62:8; 1 Tesalonicenses 5:17). Apóstol Pedron nirqan: “Tukuy llakikuyniykichista Diosman saqeychis, paymi qankunataqa cuidashasunkichis”, nispa. Chay qelqasqanqa anchatan sonqochawanchis (1 Ped. 5:7).
w07-S 15/3 pág. 16 párr. 4
¿Imatan Ana ruwaran sonqon tiyaykunanpaq?
¿Imatan yachasunman Anaq ruwasqanmanta? Jehová Diosman imachus llakichiwasqanchista willakushaspaqa mana imata pakaspan llapallanta willakunanchis, imatachus necesitashanchis chaytataq sut’ita ninanchis. Chaymantapas sichus chay sasachayta allichanapaq tukuy atisqanchistaña ruwaranchis chayqa, Jehová Diosmanmi saqenanchis, chay ruwaymi aswan allinqa (Proverbios 3:5, 6).
Maskhasun ancha allin yachachikuykunata
w05-S 15/3 pág. 21 párr. 5
1 Samuel libromanta allin yachachikuykuna
2:10. ¿Imanaqtinmi Ana Diosmanta mañakuran reyninta kallpachananpaq Israelpi manaraq rey kashaqtin? Moisesman qosqan kamachikuypin Diosqa willaranña qhepaman Israel runakuna reyniyoq kanankuta (Deuteronomio 17:14-18). Jacobpas wañupunanpaqña kashaqtinmi niran: “Manan kamachikuy varaqa Judamanta chinkanqachu”, nispa (Génesis 49:10). Chaymantapas Jehová Diosqa Abrahampa warmin Saramanta rimaspan niran: “Paymantan runakunaq reynin paqarinqa”, nispa (Génesis 17:16). Chhaynaqa Anaqa mañakusharan jamuq tiempopi Israelpi reyta Jehová Dios yanapanantan.
14-20 FEBRERO
BIBLIAPI QORI JINA YACHACHIKUYKUNA | 1 SAMUEL 3-5
“Jehová Diosqa khuyapayakuq Diosmi”
Tukuy atiyniyoq Diosqa pacienciakuqmi munakuqmi
3 Samuelqa wawa kasqanmantan Diosta karpanpi serviran (1 Sam. 3:1). Juj kutinmi puñushaqtin mana jayk’aq pasasqan payta pasaran (leey 1 Samuel 3:2-10). Jehová Diosmi Samuelta wajamuran, chayta uyarispan Samuelqa piensaran uma sacerdote Elí wajamunanpaq, jinan Elipa kasqanman rispa niran: “Kaypin kashani, ¿imapaqmi wajawanki?”, nispa. Elitaq niran: ‘Manan wajaykichu’, nispa. Iskay kutitawanmi Samuelqa uyariran payta wajamusqanta, chaymi Eliqa repararan Jehová Dios Samuelta wajamusqanta. Jinan Eliqa Samuelta niran jujtawan wajamuqtinqa ninki: “Uyarishaykin Jehová Diosniy”, nispa. ¿Imaraykun Jehová Dios mana qallariymantapachachu Samuelta niran pay wajamusqanta? Bibliaqa manan chayta willanchu. Ichaqa yaqachus jina chayta ruwaran Samuelta yanapananrayku.
Tukuy atiyniyoq Diosqa pacienciakuqmi munakuqmi
4 (Leey 1 Samuel 3:11-18). Diosmi wawakunata kamachiran kuraq runakunata respetanankupaq astawanqa autoridadniyoq runakunata (Éx. 22:28; Lev. 19:32). Samuelqa erqellaraqmi karan, paypaqqa manachá facilchu karan Diospa juicionta uma sacerdote Eliman willayqa. Biblian nin: “Rijuriypi uyarisqanta Eliman willaytaqa manchakuranmi”, nispa. Diosmi ichaqa Eliman sut’itan rikuchiran paypuni Samuelta wajamusqanta, chaymi Eliqa Samuelta niran ama imata pakaspa Diospa nisqanta willananpaq. Jinan Samuelqa Elita kasukuspa “llapallanta Señor Diospa nisqanta willaran”.
Maskhasun ancha allin yachachikuykunata
w05-S 15/3 pág. 21 párr. 6
1 Samuel libromanta allin yachachikuykuna
3:3. ¿Imaynapin yachanchis Samuelqa mana ch’uyay-ch’uya cuartopichu puñusqanta? Samuelqa Leví ayllumantaña karan chaypas, payqa manan Diospa churasqan sacerdotekunaq familianmantachu karan (1 Crónicas 6:33-38). Chaymi payqa imaña kaqtinpas mana jaykuranchu ch’uyay-ch’uya cuartopi kaqkunata qhawaqqa (Números 4:17-20). Samuelqa yupaychana karpaq patiollanmanmi jaykuyta atiran. Yaqachus jina chayneqpi puñunman karan. Yaqachus jina uma sacerdote Elipas chayneqpi puñullarantaq. Chay jinaqa Bibliapi “Samuelqa karpa ukhupi Diospa arcan qayllapi puñusharan” nispaña nin chaypas, chaywanqa nisharan yupaychana karpaq pationpi puñushasqantan.
21-27 FEBRERO
BIBLIAPI QORI JINA YACHACHIKUYKUNA | 1 SAMUEL 6-8
“¿Pitaq reyniykiri kashan?”
it-2-S pág. 813 párr. 2
Diospa gobiernon
Israel runakunaqa juj llaqtakuna jinan paykunapas munaranku reyniyoq kayta. Chayta mañakuspan paykunaqa manaña munasharankuchu Jehová Dios paykunata reyninku jina kamachinanta (1 Sam. 8:4-8). Israel runakunaqa yacharankun Jehová Dios Abrahanmanpas Jacobmanpas Israelpi juj rey kamachikunanta willasqanta. Jacobqa wañupunanpaqña kashaqtinmi willaran Judá ayllumanta jujninku rey kananta (Gén. 49:8-10). Chaymantapas Jehová Diosqa willaranñan kasukuqtinkuqa paykuna kamachikuq llaqta kanankuta, Diospa ajllasqan runatapas reyta churanankutawan (Éx. 19:3-6; Deut. 17:14, 15). Chhaynaña kaqtinpas Jehová Diosqa manaraqmi sut’itaqa willaranchu imaynachus Diospa gobiernon kamachikunanta; chaymantapas manan willaranraqchu jayk’aqchus kamachikunanta, kay pachamantachu icha janaq pachamantachu kamachikunantapas. Chay jinaqa Israel runakuna paykunamanta jujninku rey kananpaq mañakushaspankuqa Jehová Diospa contranpi jatarisharanku.
w11-S 1/1 pág. 27 párr. 1
Sasaña karan chaypas Diostan servishallaran
Samuelqa Jehová Diosmanmi willaran llaqtaq mañakusqanta, jinan Diosqa niran: “Uyarillay llaqtaq mañakusqasuykitaqa, manan qantachu pisichasunki, aswanpas noqatan pisichawanku, manaña paykunaq reynin kanayta munaspanku”, nispa. Jehová Diosqa sut’itan Samuelta nisharan mana pay contrachu jatarisqankuta aswanpas Jehová Dios contra jatarishasqankuta. Jinan profeta Samuelqa Jehová Diospa nisqanta llaqtaman willaran, paykunatan niran: ‘Chayta mañakusqaykichisqa qankunaq mana allinniykichispaqmi kanqa’, nispa. Paykunan ichaqa Samuelpa nisqanta mana uyariqman tukuspa niranku: “¡Reyniyoq kaytapunin munayku!”, nispa. Jinan Jehová Diosqa paykunamanta jujninkuta ajllaran reyninku kananpaq, Samueltaq Diosta kasukuspa chay runata jawiran rey kananpaq (1 Samuel 8:7-19).
Jehová Diospa gobiernollanmi aswan allinqa
9 Tiempoq pasasqanman hinan chay sucedesqanqa rikukurqan. Israelpi reykunaqa hatun sasachaykunatan paqarichirqanku, astawanqa chaykuna sucederqan paykuna mana Diospaq hunt’aqchu kaqtinku. Waranqa-waranqa watakunaq pasasqanman hinan, lliw nacionkunapipas kaqlla kashan, ima gobiernopas Jehová Diosta mana kasukuqtinqa, manan ima ruwasqanpas unaypaqchu. Thak-kayta apamunaypaqmi Dios yanapawanku, ¿niq político runakunari? Paykunaqa manataq Jehová Diospa nisqanman hinachu ruwanku chayqa, manan Diosqa yanapanchu (Sal. 2:10-12).
Maskhasun ancha allin yachachikuykunata
w02-S 1/4 pág. 12 párr. 13
¿Imanaqtinmi bautizakunayki?
13 Pipas Jehová Diospa testigon kananpaq bautizakunanpaqqa, mana allin ruwasqantan saqepunan, jinaspa Diospa munasqanman jina imatapas ruwanan. Chaytaqa payllamantan ruwanan señorninchis Jesusta tukuy sonqomanta qatikuyta munaspa. Chaypaqmi ichaqa mana allin ruwasqankunata saqepunan, Diospa munasqanman jinataq kausanan. Diosman kutirikuymanta rimaspaqa Bibliapiqa rimashan pipas mana allin ruwasqanta saqepuspa Diosman achhuykunanmantan (1 Reyes 8:33, 34). Pipas Diosman kutirikuqqa juchanmanta pesapakusqantan allin ruwaykunawan rikuchinan (Hechos 26:20). Lloqsipunanmi pantasqa religionmanta, Diospa kamachisqanman jinataqmi imatapas ruwanan, Jehová Diosllatataq servinan (Deuteronomio 30:2, 8-10; 1 Samuel 7:3). Diosman kutirikuq runaqa manañan ñaupaqpi jiñachu piensanan, nitaq paypa munasqanman jiñachu kausananpas (Ezequiel 18:31). Chaymantapas khuyapakuq, sumaq sonqo, munakuq, junt’aq sonqo runamanmi tukupunan (Hechos 3:19; Efesios 4:20-24; Colosenses 3:5-14).
28 FEBRERO-6 MARZO
BIBLIAPI QORI JINA YACHACHIKUYKUNA | 1 SAMUEL 9-11
“Saulqa qallariypiqa k’umuykukuqmi karan”
Diosniykiq ñaupaqenta juch’uyaykukuspa puriy
11 Rey Saulmanta yachasun. Waynallaraq kashaspaqa juch’uyaykukuqmi payqa karan. Chaymi rey kananpaq payta ajllaqtinkuqa manchakuymanta pakakuran (1 Sam. 9:21; 10:20-22). Ichaqa pisi-pisimantan jatunchakapuran. Juj kutinmi Saulqa, profeta Samuelta suyasharan Jehová Diosman sacrificiota jaywananpaq. Saulqa manan Diosmanqa sacrificiotaqa jaywananchu karan. Samuel mana rijurimuqtinmi ichaqa Saul-llaña Jehová Diosman sacrificiota jaywaran. Chayta ruwaspan rikuchiran jatunchakuq kasqanta. Jatunchakuq kasqanraykun Jehová Diosqa manaña Saulta yanaparanñachu. Jinaspapas jujtan paypa rantinpi rey kananpaq churaran (1 Sam. 13:8-14).
Ama ñoqallanchispiqa yuyaykusunchu
8 Rey Saulmanta willakuymi rikuchin ñoqallanchispi yuyaykuq kayqa mana allinpuni kasqanta. Chayllaraq kamachikuyta qallarishaspaqa huch’uyyaykukuq runan karqan (1 Sam. 9:21). Huk kutinmi llaqtamasinkuna mana allinta rimarqanku rey kananpaq churasqa kasqanmanta. Rey contra rimasqankumantaqa castigasqan kankuman karqan, ichaqa ch’inllan chay runakunata qhawarirqan (1 Sam. 10:27). Huk kutinpas Diosta kasukusqanraykun Amón runakunata atiparqan. Chay atipasqanmantan huch’uyyaykukuspa Jehová Diosta hatuncharqan (1 Sam. 11:6, 11-13).
w95-S 15/12 pág. 10 párr. 1
Ammón runakunaqa mana allinwanmi kutichiranku
Jehová Diosqa khuyapayaranmi Ammón runakunata, paykunan ichaqa jujmanta mana allinwan kutichiranku. Jehová Diosqa manan jinallatachu chaytaqa qhawaran, Saulmanmi espiritunta churamuran, chaymi payqa pasaqta phiñakuspa 330.000 soldadokunata juñuran. Chay qhepamantaq Ammón runakunawan maqanakuq riran, jinaspa chaupi p’unchaykama Ammón runakunata wañurachiranku, mana jap’ichikuqkunataq sapa-sapalla ayqekapuranku (1 Samuel 11:6, 11).
Maskhasun ancha allin yachachikuykunata
w05-S 15/3 pág. 22 párr. 8
1 Samuel libromanta allin yachachikuykuna
9:9. ¿Imanaqtinmi profetakunata “yuyayninpi rikuq” nispa niranku? Yaqachus jina Samuelpa tiemponmantapacha Diospa kunkanta uyariq runakunata “profeta” nispa niyta qallariranku, chay ñaupaqtan ichaqa Diospa kunkanta uyariq runakunata “yuyayninpi rikuq” nispa niqku. Bibliapiqa Samueltan reqsikun ñaupaq kaq profetata jina (Hechos 3:24).