Diospaq kausasunchis juñunakuypi astawan yachanapaq
© 2024 Watch Tower Bible and Tract Society of Pennsylvania
4-10 NOVIEMBRE
BIBLIAPI QORI JINA YACHACHIKUYKUNA SALMOS 105
“Payqa manan jayk’aqpas qonqanchu rimanakusqantaqa”
¿Imakunan yanapawasun mosoq pachapi astawan iñinanchispaq?
11 Jehová Diosmi ñaupa tiempopi serviqninkunaman imaymanata prometerqan, chaykunaqa runaq qhawarinanpaqqa mana junt’ay atinan karqan. Wakinmanta yachasun. Abrahampas Sarapas kuraqñan kasharqanku, chhaynaña kaqtinpas Jehová Diosqa wawayoq kanankupaqmi prometerqan (Gén. 17:15-17). Chaymantapas Abrahanmanmi prometerqan miraynin Canaán jallp’ata jap’ikapunanpaq. Ichaqa askha watakunan Abrahampa wawankunaqa Egipto jallp’api esclavo karqanku, chayraykupaschá paykunaqa mana junt’akunanpaq jina chayta qhawarirqanku. Ichaqa chay promesaqa junt’akurqanmi. Chaymantapas Elisabetmanmi kuraqña kashaqtin wawayoq kananpaq prometerqan, jinaspapas María doncella sipasmanmi prometellarqantaq Diospa wawanta onqokunanpaq. Chaywanmi Jehová Diosqa Edén huertapi imachus prometesqanta junt’anan karqan (Gén. 3:15).
12 Jehová Dios llapa promesankunata junt’asqanpin reparanchis tukuy atiyniyoq kasqanta. Chayta yachaspan iñiyninchisqa astawanraq yapakun, chaymi mana iskayanchischu Jehová Dios mosoq pachata apamunanmanta (leey Josué 23:14; Isaías 55:10, 11). Allin iñiyniyoq kasun chayqa, allintan jujkunatapas yanapayta atisun mosoq pacha kananpi confianankupaq, mosoq pacha mana mosqoychu kasqanta reparanankupaqpas. Jehová Dios kikinmi nirqan: “Kaykunata qelqay, kay simikunaqa confianapaq jinan cheqaqtaqmi kanpas”, nispa (Apo. 21:1, 5).
it-2-S 581 párr. 2
Rimasqan simi
Diospa llapa kamasqankunaqa, kausaqkunapas mana kausaqkunapas Diospa rimasqantan kasukunku. Chaymi Diosqa rimasqallanwan ima munasqantapas ruwanman (Sal. 103:20; 148:8). Paypa rimasqanqa confianapaq jinan, ima prometesqantapas junt’anpunin (Deut. 9:5; Sal. 105:42-45). Paypa nisqan jina “rimasqankunaqa wiñaypaqmi”, chaymi mana jinallaqa kutimunqachu, junt’akunqapunin (Isa. 40:8; 55:10,11; 1 Ped. 1:25).
Maskhasun ancha allin yachachikuykunata
w86-S 1/11 19 párr. 15
Wayna-sipaskunapas yanapakunkun familiankupi kusisqa kanankupaq
15 Josepa “chakintan cadenakunawan watarqanku, fierrokunawanmi kunkanta jap’ichirqanku. Jehová Diospa rimasqanmi payta ch’uyancharqan, imachus rimasqan junt’akunankaman ch’uyancharqan” (Salmos 105:17-19). Jehová Diospa promesan junt’akunankaman Joseqa chunka kinsayoq watakuna esclavo jina ñak’arirqan. Chhaynapi tarikusqanqa allintan Josetaqa yanaparqan. Manan Jehová Dioschu juchayoq karqan chhaynapi tarikunanpaqqa, ichaqa munaynin junt’akunanpaqmi jinallata qhawarqan. Chhayna sasachakuypi tarikushaspa, ¿confianmanchu karqan “Jehová Diospa imachus rimasqanpi”? Chay sasachakuykuna, ¿yanapanmanchu karqan Joseta aswan pacienciakuq, k’umuykukuq, allin iñiyniyoq runa kananpaq? ¿Yanapanmanchu karqan Diosmanta jamuq ima llank’anatapas junt’ananpaq? Arí, chay ñak’ariykunan Josetaqa yanaparqan ninapi ch’uyanchasqa qori jina ancha munayllaña Diospaq kananpaq, chaymi Jehová Diosqa juj llank’anakunatawan qorqan (Génesis 41:14, 38-41, 46; 42:6, 9).
11-17 NOVIEMBRE
BIBLIAPI QORI JINA YACHACHIKUYKUNA SALMOS 106
“Libraqninku Diostan qonqapurqanku”
w18 07 18 párr. 13
‘¿Pikunan Dioswan kashanku?’
13 Israelitakunaqa sinchitan mancharikuranku yana phuyuta, llifllikiyta rikuspanku, pututuq waqasqanta uyarispanku ima. Chaymi Moisesta valekuranku paylla Dioswan rimamunanpaq (Éx. 20:18-21). Jinan Moisesqa Sinaí orqoman wicharan, chaypin payqa askha p’unchaykuna qhepakamuran. Moisés mana rijurimuqtinmi israelitakunaqa iñiyninkupi pisipapuranku. Yaqachus jina paykunaqa Moisesta rikuspalla Diospi iñiqku. Chaymi Aaronta niranku: “Pusawaqniyku dioskunata [diosta] ruwapuwayku, manan yachaykuchu Egipto suyumanta pusamuwaqniyku Moisesta imachus sucedesqanta”, nispa (Éx. 32:1, 2).
Maskhasun ancha allin yachachikuykunata
w06-S 15/7 13 párr. 9
Salmos libromanta kinsa kaq tawa kaq t’aqamanta allin yachachikuykuna
Salmos 106:36, 37. Kay versiculokunan willashan idolokunata yupaychayqa supaykunaman sacrificiota jayway jina kasqanta. Idolokunata yupaychaqkunaqa supaykunaq makinpin kashanku. Biblian niwanchis: “Karunchakuychis idolokunamanta”, nispa (1 Juan 5:21).
18-24 NOVIEMBRE
BIBLIAPI QORI JINA YACHACHIKUYKUNA SALMOS 107, 108
“Jehová Diosta gracias niychis, payqa sumaq sonqo Diosmi”
w07-S 15/4 20 párr. 2
Iñiq t’aqapi Jehová Diosta alabasun
2 Iñiq t’aqaqa manan noqanchis jina piensaq runakunawan tiempota pasarinallapaqchu nitaqmi jujkunawan amistadta ruwanallapaqchu. Aswanpas Jehová Diosta yupaychanapaqmi yanapawanchis, chhaynapunin karqan ñaupa tiempopipas. Chaytan Salmos 35:18 willashan, chaypin nin: “Chhaynapin askha runakuna ukhupi graciasta qosayki, juñunasqa llaqta ukhupin jatunchasayki”, nispa. Salmos 107:31, 32 textopipas, nishanmi: “Llapa runakuna Jehová Diosta “gracias” nichunku, mana tukukuq munakuyninmanta graciasta qochunku, runakunarayku musphanapaq kaqkunata ruwasqanmanta graciasta qochunku. Payta askha runakuna ukhupi jatunchachunku”, nispa.
Jehová Diosman graciasta qosun
4 Agradecekuq kanapaqqa Jehová Diosmanta chaskisqanchis bendicionkunapin yuyaykunanchis. Hinamantaq yuyaykunanchis imaynata chay bendicionkuna Diospa munakuyninta rikuchiwanchis chayta. Salmistapas chay hinatan yuyaymanarqan, chaymi sinchitapuni admirakurqan payrayku Diospa musphana ruwasqankunamanta (leey Salmo 40:5; 107:43).
Maskhasun ancha allin yachachikuykunata
it-2-S 409 párr. 6
Moab
David kamachikushaqtinmi Israel runakunaqa Moab runakunawan maqanakurqanku. Moab runakunaqa Davidpa kamachinmi kapurqanku, chaymi Davidqa paykunamanta impuestota pagachikurqan. Paykunata atipasqanku qhepamantaq iskay t’aqa soldadokunata wañuchirqan. Davidqa chay atipasqan runakunatan filapi pampaman kumparuspa kinsaman t’aqarqan. Iskay t’aqatan wañuchirqan, juj t’aqatataq kausashaqllata saqerqan (2 Sam. 8:2, 11, 12; 1 Crón. 18:2, 11). Yaqachus jina chay maqanakuyllapitaq Jehoiadapa churin Benayaqa “Moab llaqtayoq Arielpa iskaynin churinkunata wañuchirqan” (2 Sam. 23:20; 1 Crón. 11:22). David Moab runakunata atipasqanwanqa juj profeciatan junt’asharqan, chay profeciatan Balaamqa 400 wata más ñaupaqtaraq willarqan, paymi nirqan: “Jacobmantan juj ch’aska lloqsimunqa, Israelmantan kamachina vara sayarimunqa. Paymi Moabpa mat’inta raqranqa, paymi runa wañuchiqkunaq umanta ñut’unqa”, nispa (Núm. 24:17). Diosmi Moabmanta nirqan: “Maqchikunay puruñan”, nispa. Chaytaqa yaqapaschá Salmos librota qelqaq rimasharqan maqanakuypi atipasqankumanta (Sal. 60:8; 108:9).
25 NOVIEMBRE-1 DICIEMBRE
BIBLIAPI QORI JINA YACHACHIKUYKUNA SALMOS 109-112
Reyninchis Jesusta apoyasun
w06-S 1/9 13 párr. 6
Salmos libromanta pisqa kaq t’aqamanta allin yachachikuykuna
Salmos 110:1, 2. ¿Imatan ruwarqan Davidpa Señornin Jesucristo Diospa paña ladonpi tiyaykuspa? Jesusqa kausarimpusqan qhepamanqa janaq pachamanmi ripurqan, chaypin payqa Diospa paña ladonpi tiyaykuspa suyakurqan 1914 watapi kamachikuyta qallarinankama. Jesusqa chay suyakusqan tiempopin ajllasqa cristianokunata kamachisharqan, paykunatan Diosmanta willaypi yachachiypi ima pusarisharqan, chaymantapas paykunatan preparasharqan paywan kuska Diospa gobiernonpi kamachikamunankupaq (Mateo 24:14; 28:18-20; Lucas 22:28-30).
w00-S 1/4 18 párr. 3
Dios contra jatariqkunaqa manan atipanqakuchu
3 Jehová Diospa llaqtanqa 1900 watakunamantapachan imaymana sasachakuykunapi tarikushan. Askha nacionkunapin millay runakuna Diosmanta willayninchista jark’akunku, chaytaqa ruwanku enemigonchis Saqraq yuyaychasqanmi, payqa “qaparishaq león jinaraqmi muyupayashawanchis pillatapas millp’uruyta munaspa” (1 Pedro 5:8). 1914 watapi “nacionkunapaq señalasqa tiempo junt’akuqtinmi” Diosqa kay pachata kamachinanpaq Churinta churarqan rey kananpaq, nirqanmi: “Enemigoykikuna ukhupi kamachikushay”, nispa (Lucas 21:24; Salmos 110:2). Kamachikuyta qallarispan Jesusqa janaq pachamanta Saqrata wijch’uykamurqan. Pisillaña tiempon kasqanta yachaspan Saqraqa sinchi phiñasqa kashan, chaymi ajllasqa cristianokunata waj ovejakunatapas sinchita qatiykachashan (Apocalipsis 12:9, 17). ¿Imapin tukurqan Dios contra jatariqkunaq ruwasqanku?
Ñawpaqman purishallaypuni
Diosmanta atiy chaskisqaykikuna hukkunaq allinninpaq kananpaqqa qanmi imatapas ñawpaqta ruwanayki. ¿Ninkichu huk iñiqmasikunata qanwan predicanankupaq? ¿Yuyaykushankichu mosoqkunata, wayna-sipaskunata, onqosqakunatapas yanapanaykipaq? ¿Huñunakuy Wasita pichakunan kaqtin chaypichu kashanki? ¿Yanapakunkichu hatun huñunakuykunapaq imaymana ruwaykunapi? ¿Atiwaqchu precursor regular kayta? ¿Yanapakuwaqchu maypichus predicaqkuna necesitakusqanpi? ¿Kallpachakushankichu umalli otaq yanapakuq qhari kanaykipaq? Chay tapuykunapi yuyaymanay. Pipas pay kikinmanta chaykunata ruwaqqa iñiypi wiñarisqantan rikuchishan (Sal. 110:3).
Maskhasun ancha allin yachachikuykunata
it-2-S 575 párr. 2
Rimanakuy
Melquisedec jina sacerdotepaq rimanakuy. Chay rimanakuymantan Salmos 110:4 texto willashan. Hebreos librota qelqaqpas chay Salmos textopi nisqantan Jesuswan tupachin Hebreos 7:1-3, 15-17 textokunapi. Chay rimanakuyqa karqan Jehová Dioswan Jesucristowanmi. Yaqachus jina chay rimanakuymanta Jesusqa nirqan qatikuqninkunawan Diospa gobiernonpaq rimanakuyta ruwashaspa (Luc. 22:29). Jehová Dios juramentota ruwasqanwanmi Jesucristo Melquisedec jina sacerdote kanan karqan. Melquisedecqa kay pachapin rey karqan sacerdote ima karqan. Jesusmi ichaqa mana kay pachapichu aswanpas janaq pachapin rey sacerdote ima kanan karqan. Janaq pachaman ripusqan qhepamanmi payqa wiñaypaq chay puestopi churasqa karqan (Heb. 6:20; 7:26, 28; 8:1). Chay rimanakuyqa wiñaypaqmi kanqa, Jehová Diospa pusarisqanmi Jesusqa wiñay-wiñaypaq rey kanqa, sacerdote iman kallanqataq (Heb. 7:3).
2-8 DICIEMBRE
BIBLIAPI QORI JINA YACHACHIKUYKUNA SALMOS 113-118
¿Imaynatan Jehová Diosman pagapusunman?
w01-S 1/1 11 párr. 13
Munakuymi kallpachawanchis
13 Jesuspa nisqanman jinaqa Jehová Diostan astawanqa munakunanchis. Ichaqa manan Diosta munakuspallañachu nacenchis, chaymi munakuytaqa juj plantata jina wiñachinanchis. Diosmanta chayllaraq yachashaspaqa paymanta yachasqanchismi gustawarqanchis. Chaymantapas pisi-pisimantan yacharqanchis kay jallp’ata runakunapaq munayta ruwapusqanta (Génesis 2:5-23), runakunata anchata munakusqanta, juchamanña urmaqtinkupas mana jinallatachu saqerparisqanta, aswanpas juchamanta librananpaq imaymanata ruwasqanta (Génesis 3:1-5, 15). Yacharqanchismi tukuy sonqowan serviqninkunata khuyapayasqanta, sapallan Churinta noqanchisrayku kachamusqantapas (Juan 3:16, 36). Jehová Diosta reqsispan astawan payta munakurqanchis (Isaías 25:1). Rey Davidpas Jehová Diostan munakurqan, chaytaqa ruwarqan Jehová Dios payta sumaqta cuidasqanraykun (Salmos 116:1-9). Kay tiempopipas Jehová Diosmi cuidawanchis, pusariwanchis, kallpachawanchispas. Astawanchus payta reqsisun chayqa, astawanmi payta munakusunchis (Salmos 31:23; Sofonías 3:17; Romanos 8:28).
Tukuy sonqowan chaskikusun, tukuy sonqowantaq qosun
Salmistan niran: “¿Imatan Señor Diosman kutichipusaq tukuy allinkunata ruwapuwasqanmanta?”, nispa (Sal. 116:12). ¿Imakunapin Jehová Dios payta yanaparan? ‘Llakipakuypi nanaypi’ tarikushaqtinmi yanapasqa. Arí, ‘wañuymantapas qespichisqan’. Chaykunamantan payqa kutichipuyta munaran. ¿Imaynatan kutichipunman? Payllataqmi niran: “Prometekusqaykunata qopusaq”, nispa (Sal. 116:3, 4, 8, 10-14). Chaypi nisqan hina, payqa Jehová Diosman lliw prometesqanta hunt’ananpaq, kamachikusqankunata kasukunanpaqwanmi decidekusqa.
¿Imaynatan qatikusunman salmistaq ruwasqanta? Jehová Diospa tukuy kamachikusqanta kasukuspan. Chaymi ima ruwananchismantapas Jehová Dios yupaychay ñawpaqpi kanan, santo espiritun pusawasqanchisman hinataq kawsananchispas (Ecl. 12:13; Gál. 5:16-18). Manaña hayk’aqpas tukuy qowasqanchismanta kutichipuyta atisunchu chaypas, tukuy sonqowan paypa munayninta ruwaspaqa sonqontan kusichisun (Pro. 27:11). ¡Ancha allinpaqmi chay ruwaytaqa rikunanchis!
¿Imakunatan Levítico libromanta yachasunman?
9 Iskay kaq yachachikuy: Agradecekuq kasqanchisraykun Jehová Diosta servinchis. Levítico libropi willasqan jina, israelitakunaqa sumaq kausay ofrendatan jaywaranku ‘Señor Diosta agradecekusqankumanta’ (Lev. 7:11-13, 16-18). Chay ofrendataqa paykunallamantan jaywaranku, manan obligasqachu karanku. Chaytaqa jaywaranku Jehová Diosta munakusqankuraykun. Chay sacrificiota jaywaqqa familianwan sacerdotewan iman mijuranku sacrificiopi jaywasqa animalpa aychanta. Jehová Diosmanmi ichaqa chay animalpa allin partenkunata qonanku karan. ¿Mayqenkunan karan?
10 Kinsa kaq yachachikuy: Jehová Diosta munakusqanchisrayku allin kaqta payman qonchis. Jehová Diosqa animalkunaq wiranta, iskaynin rurunta higadonta iman ancha allinpaq qhawariran (leey Levítico 3:6, 12, 14-16). Jehová Diosqa anchatan kusikuran mayqen israelitapas sonqomanta animalpa wiranta, iskaynin rurunta higadonta ima jaywaqtin. Chayta ruwaq israelitaqa Jehová Diosmanmi allin kaqta qosharan. Chay jinallataqmi Jesuspas tukuy atisqanta ruwaran Jehová Diosta servinanpaq (Juan 14:31). Jesusqa anchatan Diospa kamachikuyninkunata munakuran chaymi kusisqa sonqowan Diospa munayninta ruwaran (Sal. 40:8). ¡Maytachá Jehová Diosqa kusikuran wawan tukuy sonqowan servisqanmanta!
11 Jehová Diostaqa tukuy sonqomantan servinchis payta munakusqanchisrayku, chaymi chay ruwayqa tupan sumaq kausay ofrenda jaywaywan. Jehová Diosqa maytachá kusikun millonninpi runakuna tukuy sonqomanta payta servisqankuta rikumuspa. Jinaspapas ancha allinpaqmi qhawarin paypaq llank’asqanchista imarayku ruwasqanchistapas. Chayta yachaspan anchata kusikunchis. Sichus yuyaqña kashanki manataq ñaupaqpi jinañachu ruwayta atishanki chayqa, ama llakikuychu Diosmi yachan imaynapi tarikusqaykita. Yachantaqmi atisqaykiman jina payta servinaykipaq kallpachakusqaykita. Payqa anchatan kusikun allin kaqta qosqanchismanta.
Maskhasun ancha allin yachachikuykunata
Leeqkunaq tapukusqan
Jehová Diosqa ancha sumaqpaqmi qhawarin llapa hunt’aq serviqninkunaq kawsayninta. Ichaqa, Diospa yuyaychasqan Salmo 116:15 textopi qelqakusqanqa, manan huk runaq wañupusqallanmantachu rimashan.
Wañupuqkunapaq discursota qospaqa manan chay textota leenachu, wañupuqña Diospaq hunt’aq karqan chaypas. ¿Imarayku? Salmistaqa kaymantan rimasharqan: llapa hunt’aq siervonkunata wañuchiqtinkuqa anchatan Diosqa llakikunman, chaymi mana hinallatachu qhawanqa chinkachisqa kanankuta (qhaway Salmo 72:14; 116:8).
Salmo 116:15 texton sut’ita rikuchin Diosqa llaqtan chinkachisqa kananta mana dejananta. Kay tiempopi Jehová Diospa testigonkuna sasachakuypi tarikusqankun chayta rikuchin. Qatiykachaykunata atipasqankun rikuchin chinkachisqa kanankumanta Dios hark’asqanta.
9-15 DICIEMBRE
BIBLIAPI QORI JINA YACHACHIKUYKUNA SALMOS 119:1-56
“¿Imaynatan juj wayna ch’uyata kausanman?”
w87-S 1/11 18 párr. 10
¿Tukuy ruwayniykipichu ch’uya kanki?
10 Efesios 5:5 textopin Pablo nirqan: “Qankunaqa allintamá riki yachashankichis qhelli juchapi puriqkunapas, millakunapaq kaqkunata ruwaqkunapas, sinchita munapayaqkunapas manapuni Diospa gobiernonman Cristoq gobiernonmanpas jaykunankutaqa (sinchita munapayayqa ídolo adoray jinan)”, nispa. Chhaynaña kaqtinpas sapa watanmi waranqa-waranqanpi iñiqmasikunata qhelli juchaman urmasqankumanta anyanku otaq Diospa llaqtanmanta qarqonku (1 Corintios 6:18). Chayqa astawanqa pasan chay runa Diospa siminman jina mana t’aqwikusqanraykun, Diospa kamachikuyninman jina mana kausasqanraykun (Salmos 119:9). Ejemplopaq, askha iñiqmasikunan Diosta mana reqsiq runakunawan amigota ruwanku, chayqa pasan paseaq risqankupin. Wakin iñiqmasikunaqa runakunaq ima ruwasqankutapas allinpaq qhawarispankun paykuna jina mana allin ruwaykunata ruwayta qallarinku. Jujkunataq llank’aqmasinkunawan amigontin kapunku. Chaymi pasarqan juj umalliqwan, payqa amigontinsi kapusqa llank’ananpi juj warmiwan, jinamansi familianta saqerparispa chay warmiwan tiyaq ripusqa. Chaysi Diospa llaqtanmanta qarqosqa kapusqa. Chaychá Bibliaqa sut’ita nin: “Mana allin runakunawan juñukuspaqa allin ruwaykunatan qonqapunkichis”, nispa (1 Corintios 15:33).
w06-S 15/6 25 párr. 1
“Yuyarichiyniykikunatan munakuni, chaykunan noqaq yuyaychaqniyqa”
Jehová Diosqa yuyarichiyninkunatan qowanchis kay sasa tiempokunata aguantananchispaq. Wakin yuyarichiyninkunatan tarinchis sapa p’unchay Bibliata leespa, juñunakuykunapi discursokunata uyarispa, iñiqmasikunaq juñunakuypi comentasqankuta uyarispa ima. Llapa chay leesqanchista uyarisqanchistapas yachanchisñan, ichaqa qonqaq runa kasqanchisraykun yuyarichinata necesitanchis. Maytan Jehová Diosta gracias ninchis yuyarichiwasqanchismanta, chaykunan kallpachawanchis yanapawanchistaqmi tukuy sonqowan Jehová Diosta servishanallanchispaq. Chaymi Salmosta qelqaqqa Jehová Diosman khaynata takirqan: “Yuyarichiyniykikunatan munakuni, chaykunan noqaq yuyaychaqniyqa”, nispa (Salmos 119:24).
Ama yanqa kaqkunata qhawasunchu
2 Sichus ñawinchis mana allinkunata qhawapayanman chayqa, yuyayninchispin mana allinkunata yuyaykusunman, chayraykun allinta ñawinchista cuidananchis. Satanaspa kamachisqan millay pachaqa imaymana propagandakunatan runakunaman qhawachin, chaykunata hukllata qhawariypas waqllichiwasunmanmi (1 Juan 5:19). Salmistaqa allintan Diosmanta mañakurqan: “Hark’aykuway ama yanqa kaqkunata qhawanaypaq”, nispa (Sal. 119:37).
Maskhasun ancha allin yachachikuykunata
w05-S 15/4 10 párr. 2
Bibliapin confiananchis
2 Salmos 119 textopin Diospa siminta aswan chaninpaq qhawarichin. Yaqachus jina Salmosta qelqaqqa ama qonqanapaq jina chay takita qelqarqan. 176 t’aqakunatan otaq versokunatan hebreo abecedarioq kasqanman jina ordenpi churarqan, chaymi 22 estrofakunapin kashan, sapanka estrofan 8 t’aqakunayoq otaq versokunayoq kashan. Chaykunaqa hebreo rimaypi kaq letrallawanmi qallarin. Chaymantapas juj palabratan juj simikunawan qelqarqan. Diospa palabranmanta rimaspan nirqan kamachikuyninkuna, yuyaychayninkuna, chaninchayninkuna nispa. Kay yachachikuypipas qatimuq yachachikuypipas Salmos 119 nisqatan allinta t’aqwisun, chaytaqa imachus hebreo rimaypi niyta munasharqan chayman jinan t’aqwisunchis. Ñaupa tiempopi kay tiempopipas Diosta serviqkunaq imakunachus ruwasqankupi yuyaymanaspan, astawan yachasun imaraykus chay takikuna chhayna qelqasqa kashan chayta, chaninpaqtaq jap’isun Diospa simin qelqata.
16-22 DICIEMBRE
BIBLIAPI QORI JINA YACHACHIKUYKUNA SALMOS 119:57-120
¿Imatan ruwasunman sasachakuykunata aguantananchispaq?
w06-S 15/6 20 párr. 2
“¡Maytan munakuni kamachikuyniykitaqa!”
2 Diospa kamachikuyninkunaqa maytan Salmos librota qelqaqtaqa sonqochaq, ¿imaynatan sonqochaq? Payqa sut’itan yacharqan Jehová Diosqa paymanta llakikusqanta, chaymi payqa sonqochasqa kallpachasqa tarikurqan. Enemigonkunaña imaymanata ruwarqanku chaypas, payqa kusisqan kasharqan Diospa kamachikuyninkunata kasukuspa, payqa allintan yacharqan chay kamachikuykunaqa allinninpaq kasqanta. Jinaspapas allintan yacharqan Jehová Dios payta munakusqanta, kamachikuyninkunata kasukusqanpas enemigonkunamanta aswan yuyaysapaman tukuchisqanta, vidanta salvasqantapas. Kasukuq runataq karqan chayqa thajmi allin concienciayoqmi kausarqan (Salmos 119:1, 9, 65, 93, 98, 165).
w00-S 1/12 14 párr. 3
Anchatan munakunchis Diospa yuyarichiyninkunata
3 Salmos librota qelqaqqa anchatan munakurqan Diospa yuyarichiyninkunata, paymi khaynata takirqan: “Kamachikuyniykikunataqa usqhayllan junt’ani, mana imata suyaspan chaykunataqa junt’ani. Millay runakunaq waskhankunan muyuykuwan, chaywanpas manapunin noqaqa kamachiyki simikunataqa qonqanichu”, nispa (Salmos 119:60, 61). Chay nisqanqa noqanchistapas kallpachawanchismi. Qatikachasqaña kasunman chaypas, waskhawanpas muyuykachisqa kasunman chaypas, Jehová Diosqa kacharichiwasunmi; chhaynapi Diospa gobiernonmanta willashanallanchispaq (Marcos 13:10).
w06-S 1/9 14 párr. 4
Salmos libromanta pisqa kaq t’aqamanta allin yachachikuykuna
Salmos 119:71. ¿Imaynatan yanapawasunman sufrisqanchis? Sasachakuykunaqa yanapawasunmanmi Jehová Diospi astawan confiananchispaq, paymanta tukuy sonqo mañakunanchispaq, Bibliata astawan estudiananchispaq, kamachikuyninkunata kasukunanchispaq ima. Sasachakuykunapi tarikusqanchismi yanapawasun imakunapis allinyananchisraq kashan chayta yachananchispaq. Chayman jina ruwasun chayqa allinninchispaqmi kanqa.
‘Waqaqkunawan waqaychis’
3 Bibliaq nisqan jina, Jehová Diosmi tukuy ima llakipipas kallpachakuq Diosqa (leey 2 Corintios 1:3, 4). Chaymantapas pay kikinmi nin: “Noqapunin sonqochaqniykiqa kani”, nispa (Is. 51:12; Sal. 119:50, 52, 76). Chhaynapin payqa allin ejemplo noqanchispaq.
5 Jehová Diosqa yanapawasunpunin, chaymi tukuy llakikuyninchiskunata payman willakunanchis. Chhaynapin sonqonchis thaj kanqa, manañataqmi sinchi llakisqachu kasunchis. Ichaqa, ¿imaynatan pay kallpachawanchis?
Maskhasun ancha allin yachachikuykunata
w06-S 1/9 14 párr. 5
Salmos libromanta pisqa kaq t’aqamanta allin yachachikuykuna
Salmos 119:96. ¿Ima ninantan nishan “rikusqayman jinaqa, llapa ima allin-allin ruwasqapas tukukuqllan” nisqa simikuna? Salmos librota qelqaqqa runaq qhawarisqanman jinalla imapas “allin-allin ruwasqa” kasqanmantan rimashan. Chaymi runaq piensayninman jina allin-allin ruwasqaqa tukukuqlla, Jehová Diospa yuyaychayninkunan ichaqa mana tukukuqchu. Chaymantapas chay yuyaychaykunaqa tukuypin yanapawanchis. Agustín Magaña runaq qelqasqan Sagrada Bibliapas khaynatan nishan: “Rikusqayman jinaqa llapa ima allin ruwasqapas tukukuqllan, kamachikuyniykikunan ichaqa mana tukukuq”, nispa.
23-29 DICIEMBRE
BIBLIAPI QORI JINA YACHACHIKUYKUNA SALMOS 119:121-176
¿Imatan ruwananchis yanqamanta ama ñak’arinanchispaq?
Diospa siminwanmi allinta educananchis conciencianchista
5 Diospa kamachikuyninkuna yanapawananchispaqqa manan leeyllachu leenanchis. Sonqonchispin jap’inanchis chay kamachikuykunata, respetananchistaqmi. Diosmi nin: “¡Mana allin kaqta cheqnikuychis! ¡Allin kaqta munakuychis!”, nispa (Amós 5:15). Chaypaqqa Dios jinan imatapas qhawarinanchis. Chaypaq kaypi piensasun. Yaqapaschá askha p’unchaykunaña mana puñuyta atishanchischu. Doctorman reqtinchistaq payqa imaymanata prohibiwanchis. “Ejerciciota ruwanki, kaykunata cambianki” nispa niwanchis. Chaykunata kasukuqtinchis mejorasunman chayqa, agradecekusunmanmi chay doctorta chay consejokuna qowasqanchismanta ¿riki?
6 Chay doctor jinan kamaqninchis Diospas imaymana consejokunata qowaranchis allinta sumaqta kausananchispaq. Bibliapin rimashan ama llullakunamanta, ama engañanamanta, ama suwakunamanta, ama qhelli kausaypi purinamanta, ama maqanakunamanta, supaykunamanta cuidakunamanta ima (leey Proverbios 6:16-19; Apo. 21:8). Chaykunata kasukuspaqa, ¿manachu thaj kausanchis? Thajmi kausanchis ¿riki? Chaykunaqa maytachá kallpachawanchis Diostapas kamachikuyninkunatapas astawan munakunanchispaq.
w93-S 15/4 17 párr. 12
Wayna-sipaskuna, ¿imatan maskhashankichis?
12 Astawanqa yachanayki mana allin ruwaykuna cheqnikuytan (Salmos 97:10). ¿Imaynatan cheqnikuwaq chay ruway q’ochurikunapaq kusirikunapaq jina kashaqtin? Qhepaman mana allinpi tarikunaykita yuyaykuspa. “Ama engañakuychischu: Dioswanqa manan pipas pujllakunmanchu. Imatachus runaqa tarpunqa chayllatataqmi cosechanqapas. Aychaq munasqanman jina tarpuqqa mana allin kaqtan chay tarpusqanmanta cosechanqa” (Gálatas 6:7, 8). Cuerpoykiq munasqanman jina tentasqa kaspaqa kaytan yuyarinayki, chay ruwasqaykiqa Jehová Diospa sonqontan sinchita llakichinqa (tupanachiy Salmos 78:41). Chaymantapas onqoq imapaschá rijuriwaq, sida onqoywan imapaschá contagiakuwaq. Chaymantapas kaykunapi piensallaytaq, sinchi llakikuykunapin tarikullawaqtaq, mana valeqpaq jinan qhawarikuwaqpas. Watakuna qhepamanpas sasachakuykunapin tarikuwaq. Juj hermanan willakun: “Qosaypas noqapas manaraq reqsinakushaspaykun qhelli jucha ruwaypi purirayku. Kunanqa iskayniykun Testigo kapuyku, chaywanpas ñaupaqpi imaynachus kausasqaykumantan celosanakuyku, manan thajpichu kausayku”, nispa. Chaymantapas Diospa llaqtanpi llank’aykuna chaskisqaykitan saqepuwaq, Diospa llaqtanmantapas qarqosqan kawaq (1 Corintios 5:9-13). ¿Manan ima kaqtinpas chhayna sasachakuykunapiqa tarikuyta munawaqchu riki?
Maskhasun ancha allin yachachikuykunata
Diospa siminqa llapallanmi cheqaqkama
2 Jehová Diosta serviqkunaqa Jehová Diospin confianchis Jehová Dios cheqaq rimaq kasqanrayku, jinaspapas payqa allinninchispaqmi imatapas yachachiwanchis manan mana allinninchispaqchu (Sal. 31:5; Isa. 48:17). Noqanchisqa manan iskayanchischu Diospa siminmantaqa. ¿Imarayku? Diospa simin llapallan cheqaqkama kasqanrayku (leey Salmos 119:160). Bibliamanta yachaq runa jinan noqanchispas ninchis: “Bibliapiqa manan ima llullakuypas kanchu. Chayraykun Diospa llaqtanqa Diospa siminpi confianku Diosninku confianapaq kasqanrayku”, nispa.
30 DICIEMBRE-5 ENERO
BIBLIAPI QORI JINA YACHACHIKUYKUNA SALMOS 120-126
Waqaspan t’akanku, kusisqataq cosechanku
w04-S 1/6 16 párr. 10
May kusisqan Diosta yupaychaqkunaqa
10 Jehová Diosta yupaychaspaqa Saqraq contranpin kashanchis, chaytan nishan Santiago 4:7 textopi, chaypin nin: “Saqraq contranpitaq qaqata sayaychis, jinan payqa qayllaykichismanta ayqerikapunqa”, nispa. Chayta ruwayqa manan facilchu, kallpachakunanchismi Diosta servinapaqqa (Lucas 13:24). Chhaynaña chaypas Salmos 126:5 textopin kallpachawanchis, chaypin nin: “Waqaspa t’akaqkunaqa, kusisqan cosechata oqarinqaku”, nispa. Chaymantapas noqanchisqa qoykukuq Diostan yupaychashanchis, payqa “maskhaqninkunaman premiota qoqmi”. Jehová Diosqa payta alabaqkunatan bendecinqa (Hebreos 11:6).
¿Allin iñiyniyoqchu kashanki?
17 ¿Pillapas familiaykimanta wañupuranchu? Chhayna kaqtinqa Bibliapi leey kausarimpuq runakunamanta, chaymi yanapasunki kausarimpuypi astawan iñinaykipaq. ¿Llakisqachu kashanki jujnin familiayki iñiq t’aqamanta qarqosqa kasqanwan? Chhayna kaqtinqa Diospa wanachiynin allinpuni kasqanmanta astawan estudiay, Jehová Diosman willakuy imayna kashasqaykita, hermanonchiskunamantapas amapuni t’aqakuychu (Prov. 18:1). Sasaña qanpaq kaqtinpas Jehová Diosta servishallay (Sal. 126:5, 6). Juñunakuykunaman rishallay, Diosmanta willashallay, Bibliatapas leeshallay. Chaymantapas jamuq tiempopi Diospa prometewasqanchispi piensashallay. Sichus reparanki Jehová Diospa yanapasqasuykita chayqa, astawanmi Diospi iñinki.
w01-S 15/7 18, 19 párrs. 13, 14
Ama sayk’uspa cosechapi llank’asun
13 Diospa llaqtanpi cosechata oqariqkunaqa mayninpin qatiykachasqa kanku, paykunatan kallpachan Salmos 126:5, 6 texto, chaypin nin: “Waqaspa t’akaqkunaqa, kusisqan cosechata oqarinqaku. Pipas waqaspaña lloqsinqa chaypas, waqaspaña mujun apaykusqa rinqa chaypas, kusisqan kutimunqa, rutusqanta marq’aykusqan jamunqa”, nispa. Salmospi t’akaymanta cosecha oqariymanta rimasqanpin reparanchis Jehová Diosqa Babiloniamanta kutipuq Israel runakunata cuidasqanta bendecisqanta ima. Israel runakunaqa may kusisqachá kasharqanku libre kapusqankumanta. Ichaqa paykunaqa yaqapaschá waqaspa chajrankupi t’akarqanku. Chajrankuqa qanchis chunka watakunañan mana llank’asqa kasharqan. Mana sayk’uspa t’akaqkunaqa may kusisqachá t’akasqankuq rurunta mijurqanku.
14 Noqanchispas yaqapaschá waqasun ima sasachakuypipas tarikuspa otaq waqasun hermanonchiskunata mana chaninta trataqtinku (1 Pedro 3:14). Qallariypiqa yaqapaschá Diospaq llank’ayninchisqa yanqapaq jina kanqa. Ichaqa sichus kallpachakushallasun mujuta tarpunanchispaq, chayta qarpananchispaqpas chayqa, Jehová Diosmi wiñachinqa. Arí, piensasqanchismantapas astawanraqmi wiñachinqa (1 Corintios 3:6). Chaytan sut’ita rikukun Bibliapas juj qelqanchiskunapas askhanpi rakikusqanpi.
Maskhasun ancha allin yachachikuykunata
cl-S 73 párr. 15
Pakaykuwaqninchis kallpa: “Diosmi pakakunanchisqa”
15 Kunanqa Jehová Diospa pakaykuwasqanchismanta rimasun. Jehová Diosqa manan sapankanchistachu pakaykuwanchis chaywanpas kay pachapi llaqtantaqa pakaykunmi. Manachus Jehová Dios llaqtanta pakaykunman chayqa, ñachá Satanasqa tukuchipuwasunmanña karqan. “Kay pacha kamachikuq” Satanasqa maytan munashan cheqaq yupaychayta tukuchipuyta (Juan 12:31; Apocalipsis 12:17). Wakin gobiernokunaqa Diosmanta willayninchistan jark’akurqanku, Diospa llaqtantan tukuchipuyta munarqanku. Chhaynaña karqan chaypas hermanonchiskunaqa kaqllan Diosmanta kunankama willashanku. Kaypi yuyaykuy: Diospa llaqtanqa pisillataq kashanchis, mana yanapaqniyoq jinataq kashanchis chayqa, ¿imaraykun jatun nacionkuna mana atinkuchu Diosmanta willayninchista ch’innichiyta? Jehová Dios atiyniyoq rafranwan pakaykuwasqanchisrayku (Salmos 17:7, 8).