INTERNETPI QELQANCHISKUNA Watchtower
Watchtower
INTERNETPI QELQANCHISKUNA
quechua (Cusco)
  • BIBLIA
  • QELQAKUNA
  • JUÑUNAKUYKUNA
  • lff 16 yachachikuy,
  • ¿Imakunatan Jesús ruwarqan kay pachapi kashaspa?

Manan kaypaq video kanchu

Pampachaykuway, manan atikushanchu kay videota qhawanaykipaq.

  • ¿Imakunatan Jesús ruwarqan kay pachapi kashaspa?
  • ¿Munawaqchu wiñaypaq kusisqa kausayta? Bibliata estudiasun
  • Subtitulokuna
  • Kaykunatawan qhaway
  • ASTAWAN YACHASUNCHIS
  • IMATAN YACHAMURQANCHIS
  • ASTAWAN YACHANAYKIPAQ
  • ¿Imatan yachasunman Jesuspa milagrokuna ruwasqanmanta?
    Qhawaq Jehová Diospa Reinonmanta Willashan 2004
  • Jesusqa runakunatan munakurqan
    Qhawaq Jehová Diospa Gobiernonmanta Willashan 2015
  • ¿Imatan Jesuspa ruwasqan milagrokunamanta yachasunman?
    Qhawaq Jehová Diospa Gobiernonmanta Willashan (estudianapaq) 2023
  • ¿Imatan yachanki Señor Jesusmanta?
    ¿Munawaqchu wiñaypaq kusisqa kausayta? Bibliata estudiasun
Astawan rikunaykipaq
¿Munawaqchu wiñaypaq kusisqa kausayta? Bibliata estudiasun
lff 16 yachachikuy,
16 yachachikuy. Jesús askha runakunaman yachachishan, chaypi kaq warmikunapas qharikunapas tiyaspan uyarishanku.

16 YACHACHIKUY

¿Imakunatan Jesús ruwarqan kay pachapi kashaspa?

Papelpi jina
Papelpi jina
Papelpi jina

¿Imatan runakuna yachanku Jesusmanta? Wakinqa yachanku wawa kashaqtin imakunapichus tarikusqanmanta, runakunata yachachispa purisqanmanta, imayna wañupusqanmanta imallan. Ichaqa payta reqsinanchispaqqa allintan yachananchis kay pachapi kashaspa imakunatachus ruwarqan chayta. Kay yachachikuypin chaykunamanta yachasunchis, yachallasuntaqmi imaynatachus paymanta allinta yachay yanapawasunman chaytapas.

1. ¿Ima ruwaymi Jesuspaq aswan allin karqan?

Jesuspaqqa “Diospa gobiernonmanta allin willakuykunata” runakunaman willaymi aswan allinqa karqan (leey Lucas 4:43). Payqa Jehová Diospa gobiernon jamunanmantan astawan yachachirqan, chay gobiernon runakunaq llapa sasachakuyninkunata tukuchipunqa.a Kinsa wata kuskanmi Jesusqa tukuy tiempo llank’arqan chay allin willakuyta willaspa (Mateo 9:35).

2. ¿Imaraykun Jesús milagrokunata ruwarqan?

Biblian nin: “Jesusqa Diospa kachamusqanmi karqan, paytaqa sut’itan Dios reqsichirqan [...] milagrokunata, admirakunapaq kaqkunata, señalkunata ima ruwachispa”, nispa (Hechos 2:22). Jesusqa Diospa atiyninwanmi qochapi jatun wayrata thanichirqan, waranqanpi runakunaman mijuchirqan, onqosqakunata qhaliyachirqan, wañusqakunatapas kausarichirqan (Mateo 8:23-27; 14:15-21; Marcos 6:56; Lucas 7:11-17). Chaykunata ruwasqanwanmi Jesusqa sut’ita rikuchirqan Diospuni payta kachamusqanta, Dioslla imatapas allichananpaq atiyniyoq kasqanta ima.

3. ¿Imatan yachasunman Jesuspa imayna kausasqanmanta?

Jesusqa tukuy tiempon Jehová Diosta kasukurqan (leey Juan 8:29). Payqa qatikachasqaña kaspapas wañunankaman Taytanpa munayninta ruwarqan. Chaywanmi Jesusqa qatikuqninkunaman “ejemplota churarqan, chhaynapi tukuy yuyaywan yupinta qatikunankupaq” (1 Pedro 2:21). Chhaynaqa noqanchispas sasachakuykunapiña tarikuspapas atisunmanmi Diosta kasukuyta.

ASTAWAN YACHASUNCHIS

Kaypin yachasunchis imaynatas Jesús Diosmanta willarqan chayta, imaynatas milagrokunata ruwarqan chaytapas.

4. Jesusqa allin willakuykunatan willarqan

Jesusqa karu llaqtakunatan purirqan allin willakuykunata willaspa. Leeychis Lucas 8:1 textota, jinaspa jamuq tapuykunaman jina parlariychis:

  • ¿Payman qayllaykuq runakunallamanchu Jesús Diosmanta willarqan?

  • ¿Imatan Jesús ruwarqan runakunata tarinanpaq?

Diosqa willarqanñan Cristo allin willakuykuna willananmanta. Leeychis Isaías 61:1, 2 textota, jinaspa jamuq tapuykunaman jina parlariychis:

  • ¿Imaynatan Jesús profeta Isaiaspa willasqanta junt’arqan?

  • ¿Necesitankuchu runakuna chay allin willakuykuna uyariyta?

Jesús discipulonkunawan kuska juj llaqtachaman jaykushanku.

5. Jesusqa runakunaq allinninpaqmi imatapas yachachirqan

Jesusqa Diospa gobiernonmantan allin willakuykunata willarqan, tukuy ima yachachisqanpas runakunaq allinninpaqmi karqan. Wakinmanta kunan yacharisunchis. Leeychis Mateo 6:14, 34; 7:12 textokunata, jinaspa jamuq tapuykunaman jina parlariychis:

  • ¿Imakunatan Jesús yachachirqan chay versiculokunapi?

  • ¿Chay yachachikuykuna yanapanmanchu kay tiempopi runakunata?

Jesús orqo patapi yachachishan askha runakunaman, chaypin kashanku warmikuna, qharikuna, erqechakuna ima.

6. Jesusqa milagrokunatan ruwarqan

Jehová Diosmi Jesusman atiyta qorqan milagrokunata ruwananpaq. Juj kaqmanta yachanapaq leeychis Marcos 5:25-34 textota, otaq VIDEOTA qhawaychis, jinaspa jamuq tapuykunaman jina parlariychis:

VIDEO: Juj onqosqa warmi qhaliyachisqa kapun (5:10)

  • ¿Imamantan mana iskayarqanchu videopi rikusqanchis onqosqa warmi?

  • ¿Iman astawan kusichisunki chay milagromanta?

Leeychis Juan 5:36 textota, jinaspa jamuq tapuyman jina parlariychis:

  • ¿Imatan sut’ita “rikuchin” Jesuspa milagrokuna ruwasqan?

Jesús yawar apaywan onqoshaq warmita qhaliyachin. Chay warmiwan Jesuswanmi qonqorikuspa parlashanku.

¿Yacharqankichu?

Jesuspa vidanmantaqa Bibliapi tawa librokunapin willashan. Chaykunan: Mateo, Marcos, Lucas, Juan ima. Chay librokunatan nikun Evangeliokuna nispa. Chaykunapin willakushan Jesuspa imaymana ruwasqanmanta. Chaykunata estudiaspaqa astawanmi Jesusmanta yachasunchis.

  • MATEOQ WILLASQAN

    Mateon ñaupaq kaq librotaqa qelqarqan. Chay libroqa Jesuspa yachachisqankunamantan willashan, astawanqa Diospa gobiernonmanta yachachisqanmanta.

  • MARCOSPA WILLASQAN

    Marcospa qelqasqan libroqa pisillan. Chaypiqa pisillapin willashan Jesuspa imaymana ruwasqanmanta.

  • LUCASPA WILLASQAN

    Lucasmi willan Diosmanta mañakuyqa allinpuni kasqanmanta, Jesús warmikunata respetowan rikusqanmanta ima.

  • JUANPA WILLASQAN

    Juanqa willashan imayna runachus Jesús karqan, amigonkunawan juj runakunawanpas imaynatachus rimaq chaykunamantan.

WAKIN RUNAKUNAN NINKU: “Jesusqa juj allin runallan karqan”, nispa.

  • ¿Imaninkitaq chaymanta?

IMATAN YACHAMURQANCHIS

Jesusqa Diospa gobiernonmantan willarqan, milagrokunatan ruwarqan, Diospa munayninman jinan tukuy imatapas ruwarqan.

Yuyarisun

  • ¿Ima llank’aymi Jesuspaq aswan allin karqan?

  • ¿Imatan sut’ita rikuchirqan Jesuspa milagrokuna ruwasqan?

  • ¿Ima allin yachachikuykunatan Jesús yachachirqan?

Kayta ruway

ASTAWAN YACHANAYKIPAQ

¿Imamantan Jesús astawan rimarqan? Chaymantan kaypi yachanki.

“¿Imaraykun Jesús yachachirqan Diospa gobiernonmanta?” (Qhawaq, 2014 watapi 1 noviembre)

Jesuspa milagrokuna ruwasqanqa cheqaqpunin, chaymantan kaypi yachanki.

“¿Imatan yachasunman Jesuspa milagrokuna ruwasqanmanta?” (Qhawaq, 2004 watapi 15 julio)

Juj runan Bibliata estudiaspa yacharqan Jesusqa mana payllapichu piensasqanta. ¿Imatan ruwarqan chayta yachaspa?

“Noqallapin piensaq kani” (Qhawaq, 2014 watapi 1 noviembre)

Kaypin yachanki jayk’aqchus pasasqanman jina Jesuspa imakunachus ruwasqanta.

“Jesuspa ruwasqankunamanta willakuy” (Mosoq Pacha Biblia, astawan yachanapaq A7)

a Diospa gobiernonmantaqa 31-33 yachachikuykunapin astawan yachasun.

    Quechua (Cuzco) Qelqakuna (2001-2025)
    Wisq'ay
    Jaykuy
    • quechua (Cusco)
    • Jujman apachiy
    • Imaynatan munanki
    • Copyright © 2025 Watch Tower Bible and Tract Society of Pennsylvania
    • Imatan ruwawaq imatan mana
    • Datoskunata waqaychasqaykumanta
    • Configuración de privacidad
    • JW.ORG
    • Jaykuy
    Jujman apachiy