Jehová Diosqa ordenpin imatapas ruwan (1 Corintios 14:33, 40). Chayraykun llaqtanpas imaynachus kananman jina ordenpi kashan. ¿Imaynatan Jehová Dios llaqtanta pusarishan? ¿Imaynatan yanapakusunman imapas imaynachus kananman jina aparikunanpaq?

1. ¿Pin Jehová Diospa llaqtanta umallishan?

“Criston iñiq t’aqaq umanqa” (Efesios 5:23). Jesusmi janaq pachamanta mundontinpi Diospa llaqtanta umallishan. Paymi ajllarqan “allin yuyayniyoq junt’aq kamachita” Diospa llaqtanta pusarinankupaq. Paykunaqa allin experienciayoq umalliqkunan kanku, paykunatan Umalliq t’aqa otaq Cuerpo Gobernante nikullantaq (leey Mateo 24:45-47). Chay umalliqkunaqa ñaupa tiempopi apostolkuna jinan pachantinpi Diospa llaqtanta pusarishanku, ichaqa manan jefe jinachu kanku (Hechos 15:2). Paykunaqa Bibliaq nisqanman jinan imatapas ruwanku, tukuy imapitaqmi Jesuspa nisqantapas kasukunku.

2. ¿Imatan iñiq t’aqapi umalliqkuna ruwanku?

Umalliqkunaqa allin iñiyniyoq hermanokunan kanku. Paykunaqa iñiq t’aqapi llapa iñiqmasikunatan Bibliawan yachachinku, yanapanku, kallpachanku ima. Chaytaqa tukuy sonqon “Diospaq jinan ganaswan” ruwanku, manataqmi jayk’aqpas qolqetaqa cobrankuchu (1 Pedro 5:1, 2). Umalliqkunataqa iñiq t’aqapi yanapakuq qharikunan llank’aysinku, paykunatan “siervo ministerial” nikullantaq. Paykunapas tiempowanqa atinkumanmi umalliqkuna kayta.

Umalliq t’aqamanta hermanokunan wakin umalliqkunata ajllanku watukuq umalli kanankupaq. Watukuq umallikunaqa askha iñiq t’aqakunatan visitanku chaypi hermanokunata kallpachanankupaq. Chaymantapas Bibliaq nisqanman jinan allin iñiyniyoq hermanokunata ajllanku umalliqpas, yanapakuq qharipas kanankupaq (1 Timoteo 3:1-10, 12; Tito 1:5-9).

3. ¿Imatan iñiq t’aqapi testigokuna ruwanku?

Iñiq t’aqapi Jehová Diospa testigonkunaqa llapallankun “Jehová Diospa sutinta jatunchanku” juñunakuypi rimarispa, atisqankuman jina Diosmanta willaspa yachachispa ima (leey Salmos 148:12, 13).

ASTAWAN YACHASUNCHIS

4. Jesusqa allin umalliqmi

Jesusqa “noqaman jamuychis” nispan niwashanchis. Leeychis Mateo 11:28-30 textota, jinaspa jamuq tapuykunaman jina parlariychis:

• ¿Imayna umalliqmi Jesús? ¿Imayna kananchistan munan?

VIDEO: Nepal nacionpi terremoto kaqtin umalliqkuna yanapanku (4:56)

Bibliapin willashan imakunatas umalliqkuna Diospa llaqtanpi ruwananku chayta.

Leeychis Isaías 32:2; 1 Pedro 5:1-3 textokunata, jinaspa jamuq tapuykunaman jina parlariychis:

• Umalliqkunaqa kallpachakunkun Jesús jina jujkunata yanapanankupaq. ¿Imaniwaqmi chay ruwasqankumanta?

• ¿Imakunata ruwaspan umalliqkuna Jesuspa ruwasqanta jina ruwallankutaq?

5. Umalliqkunaqa allin ejemplon kananku

VIDEO: Umalliqkuna, allin ejemplo kaychis (7:39)

Jesusqa willarqanñan imaynas iñiq t’aqapi umalliqkuna kananku chayta. Leeychis Mateo 23:8-12 textota, jinaspa jamuq tapuykunaman jina parlariychis:

• Bibliaq nisqan jina, ¿imaynan Diospa llaqtanpi umalliqkuna kananku? ¿Religionkunapi kaq pastorkunapas sacerdotekunapas chhaynachu kanku?

1. Umalliqkunaqa allin iñiyniyoq hermanokunan kanku, familiankutapas allin iñiyniyoq kanankupaqmi yanapanku.

2. Umalliqkunaqa iñiq t’aqapi hermanokunamantan llakikunku.

3. Umalliqkunaqa kallpachakunkun Diosmanta willanankupaq.

4. Umalliqkunaqa allin yachachiqmi kanku. Yanapakunkun juñunakuna wasi limpiaypipas juj ruwaykunapipas.

6. Umalliqkunata kasukusun

Bibliapin willashan imaraykus umalliqkunata kasukunanchis chayta. Leeychis Hebreos 13:17 textota, jinaspa jamuq tapuykunaman jina parlariychis:

• Bibliaq nisqan jina, ¿imaraykun umalliqkunata kasukunanchis? Qhawarisqaykiman jina, ¿allinchu kanman umalliqkunata kasukuy? ¿Imarayku?

Leeychis Lucas 16:10 textota, jinaspa jamuq tapuyman jina parlariychis:

• ¿Imaraykun umalliqkunaq llapa kamachiwasqanchista kasukunanchis?

IMATAN YACHAMURQANCHIS

Jesusmi Diospa llaqtantaqa umallishan. Chaymi umalliqkunaqa k’umuykukuspa Jesuspa kamachisqanta kasukunku, kallpachakunkutaqmi pay jina munakuq kanankupaq. Chayraykun Jesustapas umalliqkunatapas kasukunanchis.

Yuyarisun

• ¿Pin Diospa llaqtanta umallishan?

• ¿Imaynatan umalliqkuna yanapanku iñiq t’aqapi hermanokunata?

• ¿Imata ruwanankupaqmi Jehová Diospa testigonkuna kallpachakunanku?

ASTAWAN YACHANAYKIPAQ

Umalliq t’aqamanta hermanokunapas juj umalliqkunapas anchatan hermanokunata munakunku, chaymantan kay videopi yachanki.

Qatikachasqaña kaspapas juj nisqallan kanchis (4:22)

Kaypin yachanki imakunatas watukuq umallikuna ruwanku chayta.

Watukuq umalli karu llaqtakunapi iñiq t’aqakunata visitan (4:51)

¿Imaynatan iñiq t’aqapi hermanakuna Diosta servinku? Chaymantan kaypi yachanki.

“¿Imatan ruwanku Diospa llaqtanpi warmikuna?” (Qhawaq, 2012 watapi 1 setiembre)

Qhaway imakunatas umalliqkuna ruwanku hermanokunata kallpachanankupaq chayta.

“Umallikunaqa yanapawanchismi kusisqa kanapaq” (Qhawaq, 2013 watapi 15 enero)

1. ¿Imaninmi Biblia qosakunata?

Jehová Diosqa qosakunatan churarqan familiankuta umallinankupaq (leey Efesios 5:23). Payqa qosakuna familiankurayku imatapas allinta ruwanankutan munan. Bibliapin nishan: “Qosakuna, esposaykichista munakuychis”, nispa (Efesios 5:25). ¿Imaninanmi chay? Munakuq qosaqa munaytan esposanta qhawarin; wasipiña kaspapas maypiña kaspapas sumaqtan rimapayan. Chaymantapas munaytan rikun, manan faltachinchu mijunantapas ni imatapas, llakipi kaqtinpas munaytan kallpacharin (1 Timoteo 5:8). Astawanqa Jehová Diosta kusisqa servinanpaqmi yanapan (Mateo 4:4). Paywan kuskan Diosmanta mañakun, Bibliatapas kuskan leenku. Sichus juj qosa munayta, cariñowan esposanta uywanqa chayqa, Jehová Dioswanpas allinpin kanqa (leey 1 Pedro 3:7).

Jesusmi Diospa llaqtantaqa “umallishan” (Efesios 5:23). “Allin yuyayniyoq junt’aq kamachiwanmi” kay pachapi llapa qatikuqninkunata pusarishan (leey Mateo 24:45). Chay “kamachitaqa” Jesús kikinmi ajllarqan, chaymi chay kamachipas atiyniyoq. Chaywanpas chay kamachiqa Jesuspa kamachinmi, paypa wayqenkunatan servishan. Ichaqa, ¿pitaq chay “kamachiri”? ¿Imaynatan pusariwashanchis?