‘Jehová Diosmi Michiwaqniyqa’

1. Diosmi Michikuwaqniyqa;

¿imatan manchakuyman?

Payqa tuta p’unchaymi qhawan

llapan t’aqanpi kaqta.

Paymi unuman pusawan,

wakmantan kallpachawan.

Chanin ñanninkunatan payqa

pusawan sutinrayku.

Chanin ñanninkunatan payqa

pusawan sutinrayku.

2. Manchay wayq’opi kaqtiypas,

manan manchakunichu.

Diosmi ñoqawanpuni kashan,

tawnanwanmi pusawan.

Aceitewanmi hawiwan,

vasoypas hunt’an kashan.

Payqa munakuqpunin kanqa,

chaymi wasinpi kasaq.

Payqa munakuqpunin kanqa,

chaymi wasinpi kasaq.

3. Lliwtan Michiqniyqa yachan,

chaymi payman takisaq.

Sumaq kasqantan willamusaq

oveja hina kaqman.

Payta kasuspan kawsasaq,

ñanninpipunin kasaq.

Sapa p’unchaymi Jehová Diosman

yupaychayniyta qosaq.

Sapa p’unchaymi Jehová Diosman

yupaychayniyta qosaq.