¿Imatan Diospa gobiernon noqanchisrayku ruwanqa?

Diospa churasqan gobiernoqa kamachikushanñan. Pisi tiempollamantan kay pachapipas imaymanakunata cambianqa. ¿Imakunatan chay gobierno ruwanqa? ¿Rikusunpunichu chayta? Chaykunamantan kaypi yachasunchis.

1. ¿Imatan Diospa gobiernon ruwanqa kay pachapi sumaq kausay kananpaq?

Diospa jatun p’unchaynin guerrapin Jesusqa millay sonqoyoq runakunata, kay pachapi llapa gobiernokunatapas chinkachipunqa, chay guerratan sutichakun Armagedón nispa (Apocalipsis 16:14, 16). Chay tiempopin junt’akunqa “pisi tiempomantaqa chinkapullanqan millay runakunaqa” nispa Bibliaq willasqan (Salmos 37:10). Diospa gobiernonpi kamachikuq Jesusqa thaj kausayta chanin kausayta iman kay pachapi t’ikarichinqa (leey Isaías 11:4).

2. ¿Imaynan kay pachapi kausay kanqa Diospa munaynin junt’akuqtin?

Diospa gobiernonpiqa “chanin runakunan kay jallp’ata jap’ikapunqaku, paykunan wiñaypaq chaypi tiyanqaku” (Salmos 37:29). ¡Imayna munayraqchá kausayqa kanqa kay pachapi llapa runakuna sumaqta kausaspa Jehová Diosllata serviqtinkuqa! ¿Manachu chaypi tiyayta munawaq? Chaypiqa manañan pipas onqonqañachu, llapa runataqmi wiñaypaq kusisqa kausanqaku.

3. ¿Imakunatan ruwakunqa millay runakuna chinkachisqa kasqanku qhepaman?

Millay runakunata chinkachispan Jesusqa waranqa wata kay pachata kamachikamunqa. Chay waranqa watapin payqa 144.000 yanapaqninkunapiwan runakunata yanapanqaku mana ima juchayoq ch’uya kanankupaq. Waranqa wata tukuypaqqa kay pachaqa munay t’ika pata jinan kashanqa, runakunapas llapankun may kusisqa Jehová Diosllata servishanqaku. Chaymantan Jesusqa gobiernota Taytan Jehová Diosman qopunqa. Chay tiempopaqqa lliumi Diospa sutintaqa ch’uyapaq jap’inqaku (Mateo 6:9, 10). Chaymantapas lliumi yachanqaku Jehová Dioslla allin gobierno kasqanta, llaqtanta sumaqta cuidaq kasqantawan. Chay qhepamantaq Jehová Diosqa wiñaypaq ch’usaqyachipunqa Satanasta, supaykunata, llapa contranpi jatariqkunatawan (Apocalipsis 20:7-10). Diospa gobiernonpa apamusqan thaj kausayqa wiñay-wiñaypaqmi kapunqa.

ASTAWAN YACHASUNCHIS

4. Diospa gobiernonmi kay pacha gobiernokunata ch’usaqyachipunqa

Tukuy tiempon “mana allinnillanpaq runaqa runamasinta munaychakurqan” (Eclesiastés 8:9). Diospa gobiernonmi llapa chaykunata allichapunqa.

Leeychis Daniel 2:44; 2 Tesalonicenses 1:6-8 textokunata, jinaspa jamuq tapuykunaman jina parlariychis:

• ¿Imatan Jehová Dioswan churin Jesuspiwan ruwanqaku kay pachapi gobiernokunata, llapan chaykunata apoyaqkunatapas?

• Jehová Diospas Jesuspas chanintaq mana pimanpas sayapakuqtaq kanku chayqa, ¿imaynatan kay pachata kamachimunqaku?

5. Jesusqa ancha allin kamachikuqmi

Diospa gobiernonpi kamachikuspaqa imaymana allinkunatan Jesusqa runakunarayku ruwanqa. VIDEOTA qhawaychis, chaypin willakushan imaynas Jesusqa runakunata yanapaytapuni munashan chayta, imaynas Diospas payman atiyta qorqan chaytapas.

VIDEO: Jesuspa ruwasqanmi rikuchin imatas Diospa gobiernon ruwanqa chayta (1:13)

Jesús kay pachapi kashaspa imakunachus ruwasqanmi rikuchin Diospa gobiernonpi kamachikuspa imakunatachus ruwanqa chayta. Qatimuqpin willakushan Diospa wakin promesankunamanta, ¿mayqen kaqtan astawan suyakushanki? Leeychis llapa textokunata.

6. Diospa gobiernonpiqa mosqoypi jinaraqmi kusisqa kausasunchis

VIDEO: Ancha munay kausaymi chayamunqa (4:38)

Leeychis Salmos 145:16 textota, jinaspa jamuq tapuyman jina parlariychis:

• Chay textopi nisqan jina, Diosqa “llapa kausaqkunamanmi munasqankuta qonqa”, ¿imaninkin chaymanta?

IMATAN YACHAMURQANCHIS

Diospa gobiernonpiqa Diospa llapa ima munasqanmi junt’akunqa. Kay pachapas munay t’ika pata huertamanmi tukuchisqa kanqa, chaypin llapa allin sonqo runakuna Jehová Diosllata wiñaypaq yupaychanqaku.

Yuyarisun

• ¿Imatan Dios gobiernonpi ruwanqa sutin ch’uyanchasqa kananpaq?

• Diospa gobiernonpin junt’akunqa Bibliapi kaq llapa promesakuna, ¿imaraykun mana chaymanta iskayananchischu?

• Diospa gobiernonpiqa imaymana munay ruwaykunan ruwakunqa, ¿mayqen junt’akunantan qan astawan munashanki?

ASTAWAN YACHANAYKIPAQ

Kaypin yachanki imas Armagedón chayta.

“¿Iman Armagedón nisqa?” (jw.org paginapi leey)

Kaypin yachanki imakunachus “manchay ñak’ariy“ tiempopi pasanqa chayta (Mateo 24:21).

“¿Iman manchay ñak’ariy tiempo?” (jw.org paginapi leey)

¡Diospa gobiernonpiqa imayna munayraqchá kausay kanqa! Kay videota familiaykiwan kuska qhawaspa chaypi piensariychis.

Paraisopipas kashawaq jina piensay (1:50)

Leey “Imaymanatan tapukuq kani” nisqata, chaypin yachanki imaynatas juj dirigente runa Bibliaq willasqanta yachaspa cambiapurqan chaymanta.

“Bibliaq yanapayninwan cambianku” (Qhawaq, 2012 watapi 1 enero)