¿Imaynatan yanapasunman mana Testigo qosakunata?
1 Askha hermananchiskunaq qosankun allinta rikuwanchis, congregacionpipas interesakunkun, manan ichaqa decidikunkuchu Jehová Diosta servinankupaq. Huk qosan kayta niran: “Wasin wasinta riypi piensasqaymi ñoqata hark’awaran”, nispa. Wakinqa Bibliaq nisqanpa contranpi ruwasqankutaraqpaschá saqenanku, otaq paykunaqa piensankuman, manan warmiypa ruwasqanta ruwanaypaqqa hayk’aqpas tiempoy kanmanchu, nispa. ¿Imaynatan paykunata yanapasunman?
2 Sapankapi interesakusun. Paypipas otaq paypa munasqanpipas interesakuymi yanapanman Bibliapi cheqaqkunata aceptananpaq (Fili. 2:4). Ñawpa tiempopi mana iñiq qosakunan yuyarinku, Testigo hermanokuna munakuywan paykunapi interesakusqankuta. “Congregacionpi anciano Joseymi, ñoqapi anchata interesakuran —ninmi willasqanchis qosa—. Paypa kallpachawasqanchu hina yanapawaran cheqaqpi estudianaypaqqa.” Huk qosan yuyarin visitaspa imapas payman gustasqanmanta rimanankupaq hermanokunaq kallpachakusqanta. “[Warmiypa] religionnintan kunanqa huknirayta rikuni, manaña ñawpaq hinachu. Paypa amistadninkunaqa inteligente runakunan kasqa, imaymana temakunamantan rimanku,” nispan willan. (1 Cor. 9:20-23.)
3 Yanapasun necesitasqankuman hina. Mana cristiano qosakunaqa admirakunkumanmi munakuywan yanapaqtinchis. (Pro. 3:27; Gál. 6:10). Huk kutinmi hermananchispa mana cristiano qosanpa carron malograkusqa, wayna hermanonchismi arreglayta yanapasqa. “Chaymi anchata admirachiwaran”, nispan yuyarin. Huk hermanon ch’isiyaq yanapasqa hermananchispa mana iñiq qosanta wasinpi cercota ruwashantin. Kuska llank’asqankupi rimasqankun yanapasqa amistad ruwanakupaq. Iskay semana qhepatan, kay wiraqochaqa hermanota nisqa: “Ñan tiempoña viday cambianaypaq. ¿Estudiaymanchu qanwan Bibliata?”, nispa. Usqhayllan kay runaqa estudiaspa avanzasqa, kunanqa bautizasqa Testigoñan.
4 Predicananchis llaqtapi mereceqkunata maskhaspaqa, kallpachakusun hermananchiskunaq mana cristiano qosankuta yanapananchispaq (1 Tim. 2:1-4).