Predicaspa ama pisipasunchu
1 Sasa p’unchaykunapin tiyanchis. Kunanqa comuntan runakuna wañuchinakushanku, ayllukunapas [grupo étnico] maqanakushanku, sinchi parapas, nishu ruphaypas, hallp’a chhaphchiykunapas, imaymanan manchakunapaq kashan. Mana hayk’aq hinan familiakuna necesitan allin willaykuna uyariyta. Astawanmi runakuna Diosmanta mana yachayta munankuchu. Wakin wasikunapin sasata runakunata tarinchis, wakintaq mana uyariytapas munankuchu, nitaq Bibliamanta yachaytapas. Chaywanpas, manan pisipanachu Diospa takyachisqan Reinomanta allin willaykuna predicaytaqa (Mat. 24:14).
2 Runakunata munakuy. Predicasqanchiswanmi Jehová Dios rikuchin runakuna munakusqanta. Payqa “manan pitapas chinkananta munaspa, aswanpas huchata saqespa payman llapa kutirikunankutan munan” (2 Ped. 3:9; Eze. 33:11). Chayraykun Jesusqa kayta kamachiran: “Ñawpaqtaqa Diosmanta allin willakuykunan llapa suyukunaman willasqapuni kanqa” nispa (Mar. 13:10). Diosmi munan runakuna Payman kutirinanta, Saqraq munaychakusqan pachamantapas ayqekunankupaq, phiñakuynin p’unchay manaraq chayamushaqtin (Joel 2:28, 29, 32; Sof. 2:2, 3). ¿Manachu kaykunamanta Jehová Diosta agradecekusunman? (1 Tim. 1:12, 13).
3 Teqsimuyuntinpin 2004 watapi Bibliamanta yachachisqaku 6.085.387 runakunata, sapa semanataqmi bautizakusqaku 5.000 mosoq discipulokuna. Jehová Diosmi saminchan publicadorkunata, kallpachakuspa llaqtankupi runakunaman predicasqankuta, chay ruwasqankumantan wakinqa ña Diosman qokunkuña. ¡Anchatan kayqa congregacionkunata kusichin, ima sumaqtaqmi runakunaq kawsayninta qespichiypi, Diosta yanapayqa! (1 Cor. 3:5, 6, 9).
4 Diospa sutinta hatunchasun. Ama sayk’usunchu llapa runakunaq qayllanpi Jehová Diospa sutin hatunchayta, ch’uyanchaytapas (Heb. 13:15). Satanasmi “kay pachantinta” llullakuspa runakunata creechishan, Diosqa manan runaq sasachakuyninta allichanqachu, paymanqa manan imapas qokunchu runaq ñak’arisqan, otaq Diosqa manan kanchu nispa (Rev. 12:9). Predicasqanchiswanmi hanaq pachapi sumaq Yayanchisman sayapakunchis. Sutinta hatunchashallasun kunanpas wiñaypaqpas (Sal. 145:1, 2).