96 (215) taki
Hukkunata khuyapayaychis
1. Millay runakunata Diosninchis
unuwan wañuchisaq niqtin,
‘Noé, tuyuq wasita ruwakuy;
rispaykitaq llapanman willay’.
¿“Manan atiymanchu”, niranchu pay;
“manan hayk’aqpas ruwanichu”?
Khuyapayakuyninwanmi payqa,
ruwaran hinaspa willamuq.
2. Kunanpas, Diosqa khuyapayanmi
kay mundoq tukukunankama;
Dios kamachin willamunanchispaq,
askhapas qespichisqa kanman.
¿Qan ninkichu: “Manan willaymanchu,
parlaytan mana atiymanchu”?
Chaskirankin khuyapayakuyta;
kallpawan willamullankin qan.
3. Chaninta khuyapayakuytawan
kusikuytawan qowanchisña;
kunanmantañan chaskikushanchis
Kamachikamuyninpi kaqta.
Chayraykuyá khuyapayakuqqa,
hinantinpi willarimusun:
¡kallpawan kusisqa llank’asunchis,
Jehovaq Reinonpaq hunt’asqata!