Tapuykuna

◼ Jehová Diospa testigonkunaqmi kan corporaciones otaq asociaciones legales nisqakuna, chaykunataqmi apanku logotipo nisqakunata, ¿mayqen congregacionpas otaq hermanopas apallanmanchu chay logotipo nisqata?

¿Imataq logotipo nisqari? Chay logotipoqa dibujokuna hinan, wakintaq letrakunalla; chaykunaqa hukniraykaman kanku. Rimasunchis Qhawaq revistanchispi lloqsimuq torremanta, chay torren representan Watch Tower Bible and Tract Society of Pennsylvania nisqa asociacionta hinallataq huk asociacionkunatawan. La Congregación Cristiana de los Testigos de Jehová nisqa asociacionpas apallantaqmi huk logotipota, chaypin rikhurin huk kichasqa Biblia. Jehová Diospa Testigonkunamanta huk asociacionkunaqa hukniray logotipotan apanku.

Chay logotipota, asociacionkunaq sutintapas manan ima congregacionpas ni pipas apananchu. Manan Huñunakuna Wasikunapi, letrerokunapi, membrete nisqakunapi ni ima kaqninchiskunapipas chaykunataqa churanachu. ¿Imarayku? Chaykuna rikhurinqa Huñunakuna Wasipi otaq apasunman imanchispipas chayqa, yaqapaschá autoridadkuna, llapa runakuna, hinallataq hermanokunapas mana yachankumanchu chay logotipokuna pitapuni representasqanta, chayraykun. Cartakunapipas manan churanachu chay logotipokunataqa, nitaq mayqen asociacionpa sutintapas, mana chayqa sucursalmanta hamunanpaqpaschá piensankuman.

Chhaynaqa manan Watch Tower nisqa asociacionmanta ima torretapas ni imatapas churanachu Huñunakuna Wasikunapiqa. Chay wasi chay asociacionpa rantisqanña kanman chaypas, manapunin churanachu. ¿Imatan ruwasunman Huñunakuna Wasiq letreronpi otaq perqankunapipas chay logotipo nisqa kaqtin? Fácil horqoylla kashan chayqa usqhayllan chaykunata horqokunan, ichaqa sichus chayta horqonapaq gasto kanman, unay tiempopaqtaq kanmanpas chayqa, qhepamanñan chayta horqokunman. Yaqapaschá letrerota cambiashaspaña otaq wasita allichashaspaña chayta ruwakunman.