75 taki
Imaymanan kusichiwanchis
1. Imaymanan kusichiwanchis,
sonqonchismanraqmi chayan.
Allin sonqoyoq runakunan
Diospa llaqtanman hamushan.
Diospa Siminpi saphichasqan
kusikuyninchisqa kashan.
Diospa sumaq yachachiyninmi
iñiyninchista kallpachan.
Nina hinan kusikuyninchis
sonqonchispi rawrarishan.
Jehová Diosmi yanapawasun
ima llakiña kaqtinpas.
(CORO)
Jehová Diosqa Kusichiqmi,
may munaymi kamasqanpas.
Llapantan yachan, atiyniyoqmi,
ancha munakuqtaq kanpas.
2. May kusisqan qhawapayanchis
Diospa kamasqankunata.
Chaykunan paymanta willanku
may hatunchus kasqanmanta.
Chaymi ñoqanchispas willanchis
Kamaqpa Gobiernonmanta.
“Diosmi kamachishanña”, nispan
nishanchis llapa runaman.
Wiñaypaq kusikuyninchispas
usqhayllan qayllaykamushan.
Mosoq pachapi kaqtinchisqa
wiñay kusikuymi kanqa.
(CORO)
Jehová Diosqa Kusichiqmi,
may munaymi kamasqanpas.
Llapantan yachan, atiyniyoqmi,
ancha munakuqtaq kanpas.
(Kay textokunatawan leey: Deu. 16:15; Isa. 12:6; Juan 15:11.)