“Munakuychis iñiq-masiykichiskunata”
Hawanpi kaq Diospa yuyaychasqan simikunaqa yaqa 2000 wata hinañan qelqakurqan (1 Ped. 2:17). Chaymi kay tiempopi anchata chay simikunata hap’ikunanchis. Ichaqa, ¿imaynatan pachantinpi iñiqmasinchiskunata munakusunman? Khayna cheqninakuy pachapi kawsaspa, ¿imatan ruwasunman munakuyninchis mana chiriyananpaq? (Mat. 24:12.) Chaypaq Toda nuestra asociación de hermanos nisqa videota qhaway, hinaspa qatimuq tapuykunata kutichiy.
1) ¿Hayk’aqmantapachan Diospa llaqtanman haykupunchis? 2) ¿Ima kinsa ruwaykunapin iñiqmasinchiskuna yanapakunku? 3) ¿Imaynatan iñiqmasinchiskuna rikuchinku tukuy sonqowan predicaspa a) Alaska karu llaqtakunapi, b) Europa nacionpa barcokunaq kasqanpi, c) Perú nacionpa selvankunapipas? 4) ¿Imaraykun mana hayk’aqpas yuyaykunanchischu predicayninchis comun llank’aykuna hina kasqanta? 5) Willay imaynatan Jehová Diospa testigonkuna kallpachanakunku yanapanakunku a) pacha chhaphchiy kaqtin, b) hatun wayra kaqtin, c) guerrakuna kaqtin. 6) ¿Imakunata ruwaspan rikuchisunman cheqaq cristiano kasqanchista? (Juan 13:35.) 7) ¿Ima bendicionkunatan chaskinchis Dios Yupaychana Wasi hatarichiypi yanapakuspa? 8) ¿Imaynatan iñiqmasinchiskuna iñiyninkupi qaqata sayarqanku Europa Rusia nacionkunapi qatiykachay kaqtin? 9) ¿Ima sasachakuykunata atipaspan Testigokuna rinku hatun huñunakuykunaman, imarayku? 10) ¿Imaynatan kallpacharqasunki qhawasqayki video a) huk nisqalla Jehová Diosta servinaykipaq, b) pisichikuypi tarikuq iñiqmasiykikunata yanapanaykipaq, c) maypipas tarikuspa predicanaykipaqpas? 11) ¿Imaynatan predicacionpi kay videowan hukkunata yanapasunman?
Jehová Diosta munakuymi llapa cristianokunata hukllachawanchis. Chaymi payta astawan reqsiyta munanchis huk runakunamanpas willayta munanchis. Hinaspapas Jehová Diosta munakuqkunata munakunchis. Sasachakuykunapi tarikuqkunata yanapaspapas manan suyananchischu Dios kutichipuwananchista. Aswanpas paytan graciasta qonanchis tukuy imaymana qowasqanchismanta llaqtan ukhupi kasqanchismantapas. Kay pachaq millay ruwayninkuna tukukunankamaqa, llapa cristianokunan munakuyta rikuchishanallanchis llapa iñiqmasinchiskunaman.