Ñawpa cristianokunaq tiemponpin Jerusalén llaqtapi huk junta directiva karqan, chay juntapin kasharqanku ‘apostolkuna umalli runakuna’ ima. Paykunan iñiq t’aqakunaq sutinpi imatapas decidiqku (Hechos 15:2). Huk hinalla imatapas decidinankupaqqa ñawpaqtan Diospa Simin Qelqata t’aqwiqku, Diospa santo espiritunwantaq pusachikuqku (Hechos 15:25). Kay tiempopipas kanmi huk junta directiva, paykunatan Umalliq T’aqa niyku.

Diosmi paykunawan munayninta hunt’ashan. Chay Umalliq T’aqaqa hanaq pachapaq akllasqa cristianokunan kanku. Paykunaqa anchatan Diospa Simin Qelqapi interesakunku, experienciayoqmi kanku Diospa llaqtanpi ruwaykunata apariypi Diosmanta yachachiypipas. Sapa semanan huñukunku Hallp’antinpi Testigokunaq necesitasqanta qhawarinankupaq. Apostolkunaq tiemponpi hinan Bibliaq nisqanman hina yachachinku cartakunawan, watukuq umallikunawan otaq huk iñiqkunawan. Chaymi yanapawanku Diospa llaqtanpi huk hinalla ruwaypipas yuyaypipas kanaykupaq (Hechos 16:4, 5). Paykunan Bibliamanta qelqakunata ruwamunku, predicacionta ñawpaqman aparinku, Diospa llaqtanpi hatun llank’aykunata apariq iñiqkunatapas akllanku.

Diospa espiritunwan pusachikunku. Umalliq T’aqaqa hatun kamachikuq Jehová Diosta, iñiq t’aqata Umalliq Jesustawanmi kasukun (1 Corintios 11:3; Efesios 5:23). Paykunaqa manan Diospa llaqtanta munaychakuq runakunachu kanku. Llapa akllasqa cristianokuna hinan ‘Cordero Cristowan kuska purinku maytaña riqtinpas’ (Apocalipsis 14:4). Umalliq T’aqaqa anchatan agradecekun paykunapaq Diosmanta mañapusqanchista.

• ¿Pikunan apostolkunaq tiemponpi kasharqanku junta directiva nisqapi?

• ¿Imaynatan Umalliq T’aqa Dioswan pusachikun?

Betel simiqa hebreo rimaypi ‘‘Diospa Wasin’’ ninanmi (Génesis 28:17, 19, willakuy). Chhaynatan sutichakun Hallp’antinpi kaq Jehová Diospa testigonkunaq edificionkunata. Chaypin qhawarinku predicación imayna aparikunanta, ima yanapaykuna necesitakusqantapas. Estados Unidos nacionpi tarikuq Nueva York llaqtapin oficina central kashan, chaypin Umalliq T’aqa llank’ashan, chaymantataq askha nacionkunapi kaq sucursalkunapi llank’ayta qhawarishan. Chay sucursalkunapi llank’aq Testigokunatan nikun familia Betel nispa. Paykunaqa huk familia hinapunin chaypi tiyanku, mikhunku, llank’anku, Bibliatapas estudianku (Salmo 133:1).

Chaypin tukuy sonqowan llank’anku. Betel wasikunapi llank’aqkunaqa iñiyninkupi allin t’akyasqa, Dios sonqo warmikuna qharikunan kanku. Paykunaqa ch’isiyaqmi llank’anku Diospa munayninta ruwaspa, chhaynapi Gobiernonmanta willakuy aparikunanpaq (Mateo 6:33). Manan mayqenninkupas sueldoyoqchu kanku, ichaqa kanmi mikhunanku, maypi tiyananku, gastonkupaqtaq huk yanapayta chaskinku. Sapankankun huk ruwanayoq kanku: wakinmi llank’an oficinapi, wayk’uypi, mikhuna serviypi, p’acha t’aqsaypi, cuartokuna limpiaypi, tallerpi, hukkunapipas.

Diospa Gobiernonmanta predicaytan tukuy ruwasqankuwan yanapanku. Betelpi llank’ayqa aparikun aswan askha runakuna Bibliamanta cheqaq yachachikuyta yachanankupaqmi. Chaypaqmi kay folletopas ruwakun. Kayqa Umalli T’aqaq qhawarisqanmi ruwakurqan, chaytan Hallp’antinpi kaq sucursalkunaman apachirqanku huk simikunaman t’ikranankupaq. Askha nacionkunapi kaq fabricakunapitaq askhanpi ruwaspa 110.000 más iñiq t’aqakunaman apachirqanku. Betel wasikunapi llank’ay aparikusqanqa allin willakuykuna predicakunanpaqmi ruwakun (Marcos 13:10).

• ¿Pikunan Betel wasikunapi llank’anku? ¿Imatan paykuna chaskinku?

• ¿Ima llank’aytan yanapanku tukuy ruwasqankuwan?

Betelkunapi llank’aq Testigokunaqa nacionninkupi otaq huk nacionkunapi predicación aparikunanpaqmi llank’anku. Wakinmi llank’anku qelqakunata t’ikraspa, fabricakunapi qelqakunata ruwaspa, waqaychaspa ima otaq grabacionkunata, videokunata ruwaspa, hukkunapipas.

Sucursalmanta Encargakuqkunan llank’ayta qhawarinku. Umalliq T’aqan allin preparasqa kinsa otaq más umallikunata akllan sucursalkunapi llank’ayta umallinankupaq. Paykunan Umalliq T’aqaman willanku qhawarisqanku llaqtakunapi llank’ay imayna aparikusqanta, ima sasachakuykuna kasqantapas. Chayman hinan Umalliq T’aqa ruwamun qelqakunata, huñunakuykunapaq hatun huñunakuykunapaqpas discursokunata. Yaqa sapa watanmi sapanka sucursalman rin Umalli T’aqaq rantinpi watukuq chaypi llank’ayta qhawarinanpaq, Encargakuqkunata yanapananpaq ima (Proverbios 11:14). Visitasqan semanapin hatun huñunakuy aparikun, chaypin Umalli T’aqaq rantinpi watukuqqa huk discursota qon chay llaqtapi iñiqkunata kallpachananpaq.

Iñiq t’aqakunatan yanapanku. Sucursalkunapin qhawarinku huk iñiq t’aqakunata kichakunanpaq. Chaypin qhawarinku precursorkunaq, misionerokunaq, iñiq t’aqakunata watukuq umallikunaq llank’ayninta. Chaypin hatun huñunakuykuna aparikunanpaq, Huñunakunapaq Wasikuna ruwaytapas qhawarinku. Chaymantan llapa iñiq t’aqakunaman qelqakunata apachimunku. Sucursalkunapi tukuy llank’aykunaqa predicación allinta aparikunanpaqmi ruwakun (1 Corintios 14:33, 40).

• ¿Imaynatan Sucursalpi Encargakuqkuna yanapanku Umalliq T’aqata?

• ¿Imakunatan ruwakun sucursalpi?