Bibliaq willasqan

Jehová Diosmi Adán Evata kamarqan sumaq Paraisopi wiñay kawsanankupaq. Satanasmi Diospa sutinta saruncharqan Kamachikuq kasqantapas iskayachirqan. Adán Evan Saqrata qatikuspa Diospa contranpi hatarirqanku, runakunatataq huchaman wañuymanwan tanqaykurqanku.

Diosmi contranpi hatariqkunata huchacharqan prometerqantaqmi Miray kachamusqan, Satanasta umanpi sarunanta. Allichanqan mana allinkuna paqarimusqanta.

Diosmi Abrahamta Davidtawan prometerqan paykunamanta hamuq Miray wiñaypaq kamachikunanta.

Diosmi profetankunawan willachirqan Mesías Rey kananta huchata tukuchinantapas, paymi huk t’aqa runakunawan kuska kamachimuspa guerrakunata, onqoyta, wañuytapas tukuchinqa.

Diosmi willarqan Jesús Mesías kasqanta. Paytan kachamurqan Gobiernonmanta willananpaq runakunarayku wañunanpaqwan. Wañusqan qhepamanmi espíritu cuerpopi kawsarichirqan.

Jesucristota Dios hanaq pachapi Reyta churaqtinmi tukukuy p’unchaykuna qallarirqan. Jesusmi pachantinpi allin willakuykuna aparikusqanta qhawarishan.

Diosmi Churinta ninqa Hallp’ata kamachimunanpaq. Diospa Gobiernonmi llapa gobiernokunata chinkachinqa, kay Hallp’ata paraisoman tukuchinqa, Dios sonqo runakunamantaq ch’uya kawsayta qonqa. Manañan pipas Diospa kamachikuyninta iskayachinqachu, sutinpas ch’uyanchasqan kapunqa.