“Andamos por fe, no por vista”

Apóstol Pablon cristianokunata nirqan Cristoq soldadonkuna kasqankuta, chayraykun paykunaqa mana qhapaq kaytaraqchu maskhananku karan, sasachakuykunapipas tarikunankun karqan, chaytaqa nirqan Jerusalén llaqtata manaraq Roma ejército muyuykushaqtinmi (2 Tim. 2:3, 4). Kay millay pachaqa tukukapunanpaqñan kashan, chayraykun Dios serviyninchista ñawpaqman churanapaqqa allin iñiyniyoq kananchis (2 Cor. 4:18; 5:7). “Andamos por fe, no por vista” (maskhay jw.org, PUBLICACIONES > DOCUMENTALES, PELÍCULAS) nisqa videota qhawaspan reparasunchis Nadabwan Deborawan qhapaq kaykuna maskhasqanku wañuyman apasqanta. Qatiqninpi tapuykunata t’aqwirisun.

1) ¿Imatan qallariy siglopi representaran Dios yupaychana wasipi ‘qhellichaq runa’? ¿Imatan Jerusalenpi cristianokuna ruwananku karqan? (Mat. 24:15, 16.) 2) ¿Imaraykun Jerusalenmanta lloqsinankupaq allin iñiyniyoq kananku karqan? 3) ¿Imakunatan saqeranku lloqsinankupaq? 4) ¿Imaraykun Nadabwan Deborawan mana usqhayllachu lloqsirqanku? (Mat. 24:17, 18.) 5) ¿Ima pruebapin Raquel tarikullarqantaq Jerusalenmanta lloqsinanpaq? (Mat. 10:34-37; Mar. 10:29, 30.) 6) ¿Imaynatan Jafet rikuchirqan Jehová Diospi iñisqanta paypi confiasqanta ima? 7) ¿Ima sasachakuypin cristianokuna tarikurqanku Pela llaqtapi? 8) ¿Imaynapin Nadabpa Deboraq iñiyninpas pisi-pisimanta chiriyapurqan? 9) ¿Imaynatan Jehová Dios Pela llaqtapi kashaq cristianokunata yanaparqan? (Mat. 6:33; 1 Tim. 6:6-8.) 10) ¿Imaynapin Abrahán, Sara hina kasunman kay tukukuy tiempopi? (Heb. 11:8-10.) 11) ¿Imata piensaspan Nadabwan Deborawan Jerusalenman kutipurqanku, imaraykun chhaynata piensaspa engañakusharqanku? (Luc. 21:21.) 12) ¿Imaynan Jerusalén llaqta tarikusharqan Nadabwan Deborawan chayaqtinku? 13) ¿Imaraykun kallpachakunanchis allin iñiyniyoq kanapaq manaraq tukukuy chayamushaqtin? (Luc. 17:31, 32; 21:34-36.)

Diospi iñispa puriyqa: 1) Jehová Diospi confiaymi, 2) paywan pusachikuymi, 3) Dios serviyninchista ñawpaqman churaymi manataq qhapaq kaykunatachu. 1 Juan 2:17 nin: “Kay pachaqa tukukapushanmi, tukuy imaymana mana chanin munayninkunapiwan. Diospa munayninta ruwaqmi ichaqa wiñaypaq kawsanqa”, nispa. Chhaynaqa Diospi iñispa purisun munayninman hina kawsaspa.