¿Imaynatan Diosta uyarisunman?

Bibliata leespaqa Diostapas uyarishasunman jinan (2 Timoteo 3:16).

Bibliapin Diospa imachus piensasqan qelqasqa kashan, chaytaqa runakunawanmi payqa qelqachirqan. Chaypin kashan allin willakuykuna, yuyaychaykuna ima. Chaykuna yachanaykitan Diosqa munashan.

Diosllan tukuy yachayniyoqqa. Payllan yachan imakunachus allinninchispaq chayta. Payta uyarispaqa allin yuyaywanmi imatapas ruwasun (Proverbios 1:5).

Diosqa llapa runakuna Bibliata leenanchistan munan. Chayraykun Bibliaqa askha rimaykunapi t’ijrasqa kashan.

Diosta uyariyta munaspaqa Bibliatan leenanchis, allintataqmi entiendenanchis imatachus nishawanchis chayta.

Pachantinpin askha runakuna Diosmanta yachashanku (Mateo 28:19).

Munanki chayqa Jehová Diospa testigonkunan yanapasunki Bibliata allinta entiendenaykipaq.

Paykunaqa pachantinpin cheqaq kaqta Diosmanta yachachishanku.

Jehová Diospa testigonkunaq juñunakuyninkunaman rinki chayqa astawanmi Diosmanta yachanki. Paykunaqa manan qolqepaqchu yachachinku.