Bibliamanta yachachinapaq herramientakuna
1. ¿Imaynapin cristianokuna artesanokuna hina kanchis?
1 Artesanokunaqa imaymana herramientakunawanmi llank’anku. Wakinwanqa maynillanmi llank’anku wakinwantaq sapa kutilla. Allin experienciayoq artesanokunaqa necesitasqanku herramientakunata aparikuspan maytapas rinku. Ñoqanchispas artesanokuna hinan llank’anchis Diospa siminta willaspa. Biblian nin: “Mana imamanta p’enqakuyniyoq llank’aq hina [kaychis]”, nispa (2 Tim. 2:15). ¿Ima herramientatan astawan necesitanchis? Bibliatan, chaymantan astawanqa runakunaman yachachinchis (Mat. 28:19, 20). Chaymi ‘cheqaq-kay simita allinta yachachiq’ kanapaq kallpachakunanchis. Ichaqa kanmi huk herramientakunapas, chaykunan yanapawallasuntaq cheqaq kayta runakunaman yachachinapaq (Prov. 22:29).
2. ¿Ima herramientakunan kan estudiota qonapaq?
2 Huk herramientakuna. ¿Ima herramientakunan kan estudiota qonapaq? Kaykunan: ¿Imatapunin Biblia yachachin? libro, chaywan yanapachikuspan astawanqa estudiota qonchis. Chay librota tukuspan yachachinchis “Diospa munakuyninpi allinta takyaychis” librowan, chaywanmi estudiantekunata yanapanchis Diospa kamachikusqanta kasukuyta yachanankupaq. Chay librokunatan allinta reqsinanchis runakunaman allinta yachachinanchispaq. Kallantaqmi ¡Diosmanta hamuq allin willakuykuna! folleto, chaymi yanapawanchis estudiokunata qallarinapaq. Chaymantapas kallantaqmi pisita otaq mana leey yachaq runakunaman yachachinapaq Diosta uyariy otaq Diosta uyarispaqa wiñaypaqmi kawsanki folletokuna. Kashallantaqmi ¿Pikunan Jehová Diospa munayninta ruwashanku? folleto, chaywanmi estudiantekunata yanapasun Diospa llaqtanta reqsinankupaq. Hinaspapas kashanmi ¿Imaraykun Bibliata estudianayki?, ¿Imaynatan huñunakuyniyku aparikun?, ¿Sutiyoqchu Dios? nisqa videokuna. Chaykunapas yanapawasunmanmi yachachinapaq.
3. ¿Iman yanapaykunan lloqsimunqa Diosmanta Willasunchis qelqanchiskunapi?
3 Qhepaman lloqsimuq Diosmanta Willasunchis qelqakunapin yanapaykuna lloqsimunqa estudiota qonapaq herramientanchiskunawan imaynata yachachinapaq. Sichus chaykunawan yanapachikuspa allinta yachachisun chayqa, Bibliapi kay nisqantan kasukusun: “Qan kikiykita allinta cuidakuy, hinallataq yachachikuyniykitapas, chaykunapi qaqata sayay. Chayta ruwaspaqa qan kikiykitan qespichikunki, hinallataq uyariqniykikunatapas”, nispa (1 Tim. 4:16).