LECCIÓN 4

Allinta rimaspa textokunata leechiy

Mateo 22:41-45

Manaraq Bibliamanta juj textota leeshaspa uyariqkunata yanapay chay textota entiendenankupaq.

Ñaupaqtan entiendenayki leenayki textota. Manaraq textota leeshaspan uyariqkunaman willanayki chay textomanta mayqen yachachikuytas explicayta munanki chayta.

Entiendenaykin imatapunichus Jehová Dios chay textopi nisqanta. Willawaqmi pichus chaypi rimasqanta pitaqchus chay librota qelqasqantapas.
Bibliawanpuni yachachiy. Diospi creeq runakunawan rimashanki chayqa, sut’ita rikuchiy Biblia Diospa palabran kasqanta, chhaynapin reparanqaku Diospa piensasqanman jina yachachisqaykita.
Bibliaq yachachisqanta uyarinankupaq yanapay. Juj tapuyta ruwaspan Bibliamanta juj textowan kutichiwaq. Imaynatas ima problemapas allichakunman chayta rikuchinaykipaq juj textota leey. Otaq ñaupaqta willay Bibliapi tarikuq allin yachachikuyta, chay qhepamantaq Bibliapi kaq ejemplokunawan explicay.

Reparanaykin leesqayki textomanta rimasqayki temamantapas imachus yachasqankuta. Allin reqsisqa textotapas jujniraymantan willawaq, yanapanaykitaqmi aswan allinta chay textota entiendenankupaq.