LECCIÓN 10

Vozniykitan cambianayki

Mateo 10:27

Allinta yachachinapaqqa mayninpi kunkawan rimananchis mayninpitaq vozninchista bajananchis, mayninpi usqhayta rimananchis mayninpitaq susigollawan.

Mayninpi kunkawan rimay mayninpitaq vozniykita bajay. Sichus willanki Diospa juicionmanta, importante yachachikuykunamanta otaq animanaykipaq jina chayqa, kunkawanmi rimanayki. Manchakunapaq otaq llakikunapaq kaqmanta rimanayki kaqtinqa vozniykitan bajanayki.

Manan sapa ratoqa kunkawanqa rimanaykichu, mana chayqa uyariqkunan mana allinchu sientekunkuman. Manataqmi exageraspaqa rimanaykichu, mana chayqa manan yachachisqaykita entiendenqakuchu.
Vozniykita cambiay. Kusisqa kashaspa otaq llakisqa kashaspaqa manan kaq kunkallawanchu rimanchis. Chay jinallataqmi ima llakimantapas rimashaspa otaq ima kusikuymantapas rimashaspaqa chayman jina vozninchista cambiananchis. Chaymantapas wakin letrakunatan aysarispa rimasunman juch’uychus jatunchus kasqanta willanapaq, may karupi kasqanta willanapaqpas. Ejemplopaq, “jatun” palabrata rimashaspa “jaaatun” nispa aysarisunman.
Mayninpi usqhayta rimay mayninpi susigollawan. Admirakunapaq jina willakuyta willashaspaqa ratollan rimananchis. Importante yachachikuykunata willashaspataq susigollawan rimananchis.

Ratolla rimashaspaqa manan qonqayllaqa susigowan rimanachu, mana chayqa uyariqkunan distraekunkuman. Manataqmi nishu usqhaytaqa rimanachu, mana chayqa manan entiendewasunchu.