LECCIÓN 12

Sumaq sonqowan khuyapayaspa rimay

1 Tesalonicenses 2:7, 8

Manan jawa sonqollachu rimanayki, jinaspapas uyariqkunata munakusqaykitan rikuchinayki.

Uyariqniykikunapin piensanayki. Preparakushaspan tapukunayki: “¿Ima problemakunapin uyariqniykuna tarikushanku?”, nispa. Jinaspa kallpachakunayki imayna sientekusqankuta entiendenaykipaq.
Ama comuntaqa rimaychu. Uyariqniykikunata kallpachanaykipaq, consolanaykipaq jina rimay. Ama phiñachinaykipaq jinaqa rimaychu. Jehová Diosta mana serviq runakunamantaqa manan millaytaqa rimanaykichu nitaq creenciankunamantapas.
Uyariqkunapi interesakusqaykita rikuchiy. Chaypaqqa sumaqllatan rimanayki, chaymi rikukunan gestokuna ruwasqaykipi. Uyaykipipas kusisqa kasqankutan rikunanku.

Rimashaspa otaq leeshaspaqa manan jujkuna qanmanta admirakunankupaq jinachu ruwanayki. Aswanpas imayna rimasqaykita jinallan rimanayki. Jinaspapas rimasqaykiqa sumaqtan uyarikunan.