LECCIÓN 15

Mana iskayaspan rimananchis

1 Tesalonicenses 1:5

Mana iskayaspan rimanayki, chhaynapin jujkuna reparanqaku rimasqayki cheqaqpuni kasqanta importante kasqantapas.

Allinta preparakuy. Entiendenaykin mayqenkunachus importante yachachikuykuna kasqanta, imaynatachus Biblia chaykunata apoyasqantapas. Jinaspa fácil entiendeyllata explicanayki. Jinaspapas piensanaykin imaynatas yachachisqayki uyariqkunata yanapanman chayta. Jehová Diospa espirituntataq mañakunayki.

Alto kunkawanmi ensayanayki, chhaynapin umaykipi jap’inki, allintataq yachachinki.
Mana iskayaspa rimanaykipaq jina palabrakunata utilizay. Qelqasqa kasqanman jinalla leenaykimantaqa entiendesqaykiman jinan explicanayki. Jinaspapas mana iskayaspa rimanaykipaq jinan palabrakunata utilizanayki.
Sonqomanta rimay. Allinta uyarinankupaq jina rimay. Sichus llaqtaykipi jujkunawan parlashaspa uyankuta qhawaspa rimanku chayqa, chaytan ruwanayki.

Mana iskayaspaña rimanchis chaypas, manan chayraykuchu comunta, millayta, k’araj simiwan rimananchis. Aswanpas sumaqtan rimananchis.