LECCIÓN 11

Tukuy sonqowan rimay

Romanos 12:11

Uyariqninchista kallpachananchispaqqa sonqomantan rimananchis.

Allintan entiendenayki. Preparakushaspaqa imatachus yachachinki chaypin allinta piensanayki. Entiendenaykikamataq estudianayki, chhaynapin sonqomanta rimanki.
Uyariqniykikunapin piensanayki. Imaynatas yachachisqayki otaq leesqayki uyariqkunata yanapanqa chaypin astawanqa piensanayki. Tapukunaykitaq: “¿Imatan ruwayman uyariqkuna yachachisqayta allinta entiendenankupaq, astawan valoranankupaqpas?”, nispa.
Tukuy atencionwan uyarinankupaq jina rimay. Sonqomantan rimanayki. Imachus sientesqaykita willashaspaqa yanapachikuwaqmi cuerpoykiwan uyaykiwanpas.

Cuerpoykiwan yanapachikuspa rimanki chayqa, manan kaq gestokunallatachu ruwanayki, aswanpas imatachus nisqaykiman jina ruwanayki. Chaymantapas importante yachachikuyta willanaykipaq otaq kallpachanayki kallaqtinmi tukuy sonqowan rimanayki. Sichus llapa yachachikuyta tukuy sonqowan rimanki chayqa, uyariqkunatan sayk’uchinki.