Alqochaykunamanmi galletasta qoranku
ESTADOS UNIDOS nacionmanta Oregón llaqtamanta Nick iñiqmasinchismi willakun: “Noqaqa 2014 watapin alqochaykunawan plazaman paseaq rirani, chaypin testigokunata rikurani. Paykunaqa sapa kutillanmi plazapi carretachawan Diosmanta willaqku, kusisqataqmi runakunatapas napaykuqku.
“Diospa testigonkunaqa sumaq sonqo runakunan karanku. Juj kutinmi hermananchis Elaineqa sumaqta napaykuwaran, alqochaykunamanpas galletastan qoran. Chaymantapachan alqochaykunaqa sapa kutilla hermanaq kasqanman riqku galletasta chaskikuq.
“Alqochaykunaqa hermanokunamanmi yachakuranku, chaymi mayninpiqa paykunawan Bibliamanta rimaq kayku. Ichaqa manan ima revistatapas chaskikuqchu kani. Noqaqa 70 más wataypiñan kasharani, ichaqa manan allintachu testigokunataqa reqsirani, manan imapi creesqankutapas yacharanichu. Chaymantapas ñaupa religionniypi mana chaninta ruwasqankuta rikuspan piensaq kani llapa religionkunapas igual-lla kanankupaq. Chayraykun mana munaranichu testigokunawan Biblia estudiayta, aswanpas sapallaymi Bibliata estudiayta munarani.
“Diospa testigonkunaqa tukuy ladopin carretachawan Diosmanta willaqku, ancha munakuqtaqmi kaqkupas. Paykunaqa llapa tapukuyniykunamanmi Bibliawan kutichiwaqku, chaymi pisi-pisimanta paykunapi confiayta qallarirani.
“Juj kutinmi hermananchis Elaine niwaran: “¿Diospa regalonchu kankuman llapa animalchakuna?”, nispa. Noqataq “arí” nispa kutichirani. Chaymi payqa leepuwaran Isaías 11:6-9 textokunata. Chaymantapachan Jehová Diospa testigonkunapi astawan confiarani, ichaqa manaraqmi paykunamantaqa ima revistatapas chaskikuranichu.
“Chay qhepamanqa astawanmi Elaine hermananchisqa Brent qosanpiwan Bibliamanta rimapayawaranku. Paykunan kallpachawaranku Mateo libromanta Hechos librokama Bibliata leenaypaq, chhaynapi Jesusta allinta reqsispa qatikunaypaq. Noqaqa kallpachakuranin chay librokunata leenaypaq, chaymi qhepamanqa 2016 watapi Brent hermanonchiswan Elaine esposanpiwan Biblia estudiayta qallarirayku.
“Noqaqa sapa semananmi kusisqa suyakuq kani hermanokunawan Bibliata estudianaypaq juñunakuykunamanpas rinaypaq. Bibliamanta yachayqa anchatapunin kusichiwaq. Chaymi juj wata qhepaman bautizakapurani. Kunanqa 79 wataypiñan kashani, ancha kusisqataqmi kashani Jehová Diospa llaqtanpi kasqaymanta”, nispa.