Sapa p’unchay Dioswan purisun

1. Jehová Dioswan purisunchis

makinmanta jap’ipakuspa.

Payqa sumaq sonqollañan,

chaymi lliuwan tarichikullan.

Wawanwanmi qowaranchis

ancha sumaq kausayta.

Chaymi Diosman qoykunanchis

tukuy munakuyninchista.

2. Kay pachaqa chinkapunqan,

chaymi Saqra phiñasqa kashan.

Paymi manchakunanchispaq

imaymana trampata churan.

Imataña ruwaqtinpas

Diosmi jark’awasunchis.

Chaymi payman jap’ipasqa

sapa p’unchay purinanchis.

3. Diosmi santo espiritunwan

siminpiwan yanapawasun.

Llaqtanwanmi pusawasun,

sumaqtataq uyariwasun.

Jehová Dioswan purispaqa

ñañu ñantan risunchis.

Chay jinaqa tukuy tiempon

payman jap’ipakunanchis.