HUK LLAQTAKUNA

Camerún nacionta visitasun

CAMERÚN nacionpiqa baka otaq pigmeo nisqa runakunan ñawpaqtaqa tiyankuman karqan. 1500 watakunapin hina Portugal nacionmanta runakuna tiyarqanku, unay watakuna qhepamantaq islam religionmanta Fulani runakuna, paykunan inti lloqsimuy wichay ladota hap’ikapurqanku. Kunanqa sapa 100 runakunamantan 40 runakuna “cristianon kayku” ninku, 20 runakunan musulmán religionmanta kanku, 40 runakunataq Africapi kaq huk religionkunamanta.

Jehová Diospa testigonkunaqa Camerún nacionpi Bassa nisqa simipin Bibliamanta qelqakunata ruwashanku

Hawa llaqtakunapi tiyaq runakunaqa sumaqtan visitakunata chaskinku. Napaykuspan wasinkuman pasaykachinku unuta mikhunatawan haywarinankupaq. Mana kasukuqkunatan qhawarinku wasiyoqtapas pisichashankuman hinata, kasukuqkunataqmi ichaqa sumaq qhawarisqa kanku.

Parlayta qallarinankupaqqa ñawpaqtan familiata napaykunku, tapurinkutaq imaynalla kasqankuta. ¡Uywanku imaynalla kasqanta imaraqmi tapurikunku! Chay llaqtayoq Joseph nin: “Visitanku wasinkumanta ripuqtinqa manan ‘huk p’unchaykama’ nispallachu kachapunku, aswanmi parlan-parlan ñanta pusapunku. Chaymantaña kachapuspataq wasinkuman kutipunku. Mana chayta ruwaqtinkuqa pisichasqa hinan visita ripunman”, nispa.

Sanaga mayupiqa botekunapin purinku, botekunaq velantaq chaypi tarikuq telakunawan ruwasqa kashan

Mayninqa amigokunantin huñunakuspan huk platollamanta makillankuwan mikhunku. Chay costumbren Camerún nacionpi ruwakun hukllachasqa kanankupaq. Sichus imaraykupas amigokuna t’aqanakurqanku chayqa, hukmanta “amigontin kanankupaqmi” chayta ruwanku.