Aguja colipinta, ¿imaynapin karuta phalan?

AGUJA colipinta karuta phalasqanmi llapa runakunata anchata admirachin. Mana samarispan pusaq p’unchayta otaq mastapas 11.000 kilometrota phalan.

Kaypi yuyaykuy: Investigaqkunan ninku wakin phalaq animalkunaqa umankupipas huk brujulayoq kankuman hina kay pachapi kaq kallpawan (campo magnético) yanapachikusqankuta. Aguja colipinta animalqa yaqapaschá punch’aypi phalananpaq Inti maymanchus risqanwan yanapachikun tutatataq ch’askakunawan. Hinaspapas wayrakunaq hamusqanta reparaspan chaykunawan yanapachikullanmantaq. Imaynaña kanman chaypas, investigaqkunaqa manan yachankuraqchu imaynapi chhayna karu phalasqanta. Bob Gill biologon nin: “Chay animaltan 20 wataña estudiashani, chaywanpas kunankaman sinchita admirachiwan”, nispa.

¿Ima ninkin chaymanta? ¿Kikillanmantachu kay animal chhayna karu phalayta yacharqan icha kamasqachu karqan?