Yachasun familiamanta

África

Organización Mundial de la Salud nisqanman hinaqa mamakunaqa wawankutas ñuñuchiyta qallarinanku nacesqanku qhepallaman, chaytas ruwanankupuni soqta killa. Chaytaña nin chay organización chaypas, África Oriental y Meridional ladopi UNICEF nisqapi asesormi willan propagandakunapi “wawakunapaq hak’u lecheqa mamanpa lechen hinan ancha allinpuni” nisqankuqa yanqa kasqanta.

¿IMA NINMI BIBLIA? “Pisi yuyayniyoqqa tukuy uyarisqantan creen, yuyayniyoqmi ichaqa thaskisqankunata allinta qhawan” (Proverbios 14:15).

Canadá

Montreal llaqtapi investigaqkunan ninku: “Wakin tayta-mamakunaqa nishu estricton wawankupaq kanku pisitataqmi munakuyninkuta rikuchinku, paykunaq wawankun astawanqa nishu gordo kankuman munakuq kaspa wawankuta wanachiq tayta-mamakunaq wawankumantaqa”, nispa.

¿YACHARANKICHU? Wawaykita imaynata uywanaykipaqqa Bibliapin aswan allin yachachikuykuna kashan (Colosenses 3:21).

Países Bajos

Huk investigación ruwasqankupin participarqanku Holanda nacionmanta iskayninku llank’aq tayta-mamakuna. Chaypin kayta yachakurqan: Llank’asqanku qhepaman familiankuman tiemponkuta qoq tayta-mamakunan aswan allinta wawankuwan kawsarqanku. Ichaqa wasinkupipas llank’anankuta atiendeq tayta-mamakunaqa mana chhaynatachu wawankuwan kawsarqanku. Ejemplopaq: Wakin tayta-mamakunaqa wasinkupiña kashaspan llank’anankumanta waqyamusqankuta atiendenku, chhaynapin mana tiemponku kanchu wawankupaq.

KAYPI PIENSAY: “Imaymanapaqmi tiempo kan” (Eclesiastés 3:1).