QALLARIYPI KAQ | ALLIN COSTUMBREYOQ KANAYKIPAQ CONSEJOKUNA
1 Atisqallaykita ruway
Yaqapaschá vidaykipi llapan mana allin costumbreykikunata cambiaruyta munawaq. Niwaqpaschá: “Kay semanan manaña fumapusaqchu, manaña nishu tardeta puñusaqchu, qhelli simikunatapas manaña rimasaqchu, aswanpas ejercicio ruwayta qallarisaq, aswan allinta mijusaq, abueloykunatapas telefonopi wajasaq”, nispa. Ichaqa sichus llapanta kaq tiempollapi ruwayta munanki chayqa, manan mayqentapas ruwankichu.
BIBLIAQ YACHACHIKUYNIN: “Lliu runakuna yachachunku allin yuyaywanpuni imatapas ruwaq kasqaykichista” (Filipenses 4:5).
Allin yuyayniyoq runaqa atinallantan ruwan. Yachanmi tiemponpas, kallpanpas, ima kaqninpas tukukuqlla kasqanta. Chaymi llapanta qonqaylla cambiananmantaqa pisi-pisimanta ruwan.
Sichus llapanta kaq tiempollapi ruwayta munanki chayqa, manan mayqentapas ruwankichu
KAYTAN RUWAWAQ
Pisi-pisimanta costumbreykikunata cambiay. Yaqapaschá kaykuna yanapasunkiman.
Iskay listata ruway: Jujninpi churay allin costumbre conseguiy munasqaykita, jujninpitaq saqepuy munasqaykikunata. Sapanka listapi umaykiman jamusqanta llapanta churay.
Listapi sapanka costumbre churasqaykiman juj numerota churay, mayqentachus aswan importantepaq qhawarinki chayman jina.
Wakillanta listamanta ajllay, jujta otaq iskayllata, jinaspa kallpachakuy chaypi mejoranaykipaq. Chaymantataq listapi kaq jujkunatañataq ruway.
Usqhaylla mana allin costumbrekunata saqenaykipaqqa allin costumbrekunatan ruwanayki. Ejemplopaq, yaqapaschá manaña nishutachu televisión qhawayta munanki, aswanpas familiaykikunawan rimayta munanki. Chaypaqqa ama wasiman chayaspapachachu televisionta jap’ichiy aswanpas amigoykita otaq familiaykita telefonopi wajay, imayna kashasqanta yachanaykipaq.