¿Imatan yachanki Señor Jesusmanta?

Jesusqa allin reqsisqan, manan mayqen runapas pay jina reqsisqaqa kanchu. Ichaqa yaqa llapapas sutillantan yachanku, manapunin allintachu yachanku pipunichus karqan chaytaqa. ¿Imaninmanmi Biblia Jesusmanta? Chaytan kaypi yachasun.

1. ¿Pitaq Jesusri karqan?

Jesusqa angelkuna jinan, janaq pachapin tiyashan. Jehová Diosmi paytaqa kamarqan manaraq imatapas kamashaspa. Bibliapunin nin: “Tukuy imamantapas paymi ñaupaqta kamasqa karqan”, nispa (Colosenses 1:15). Jehová Dios kikinmi, pay sapallanmi Jesustaqa kamarqan, chaymi Bibliapi Jesusta nikullantaq “sapallan Churi” nispa (Juan 3:16). Jesuswanñan Diosqa kamarqan angelkunata, intita, ch’askakunata, tukuy ima kaqtapas (leey Proverbios 8:30). Paykunaqa juj sonqollan, ancha munanasqan kausanku. Jesustaqa “Simi” nikullantaqmi Diospa kamachikuyninkunata angelkunaman runakunamanwan willasqanrayku (Juan 1:14).

2. ¿Imaraykun Jesús kay pachaman jamunman karqan?

Iskay waranqa wata jinañan karun Jehová Dios juj jatun milagrota ruwasqanmanta. ¿Ima milagrotan ruwarqan? Jesuspa vidantan María sutiyoq doncella sipaspa wijsanman churaykurqan. Chhaynapin Jesusqa runa jina kay pachapi nacerqan (leey Lucas 1:34, 35). Jesusqa, Cristo otaq Mesías kananpaqmi, runakunata salvananpaq iman kay pachamanqa jamurqan.a Bibliapiqa unayñan willasqa kasharqan Cristo jamunanmanta, chay willasqanqa llapallanmi Jesuspi junt’akurqan. Chaymi wakinqa mana iskayaspa nirqanku: “Qanqa Criston kanki, kausaq Diospa Churin”, nispa (Mateo 16:16).

3. ¿Maypin Jesús kunan kashanman?

Jesusqa wañusqamantan kausarichisqa karqan, jinaspa janaq pachaman ripurqan angelkuna jina cuerpoyoq. Chaypin “Diosqa aswan allin puestota qorqan” (Filipenses 2:9). Jehová Diosllan paymanta aswan atiyniyoqqa.

4. Jesusqa manan Dioschu

Jesusqa ancha atiyniyoqña janaq pachapi chaypas, Jehová Diostan kasukun, paymi taytanpas Diosninpas. Chaymanta astawan yachanapaq VIDEOTA qhawaychis, chaypin willashan Jesusmanta tukuy atiyniyoq Diosmantawan.

VIDEO: ¿Jesucristochu Dios? (3:22)

Qatimuq textokunan astawan yanapawasun Jehová Diosmanta Jesusmantawan yachanapaq. Sapanka textota leeychis, jinaspa qatiqninpi kaq tapuykunaman jina parlariychis:

Leeychis Lucas 1:30-32 textota.

• Angelpa nisqanman jina, ¿Diospa imanmi Jesús kanan karqan?

Leeychis Mateo 3:16, 17 textota.

• ¿Imatan janaq pachamantapacha juj kunka nimurqan Jesús bautizakushaqtin?

• ¿Piqpa kunkanmi chay karqan?

Leeychis Juan 14:28 textota.

• ¿Pin kanman kuraqpas aswan atiyniyoqpas: Taytachu icha churinchu?

• ¿Imaraykun Jesús Jehová Diosta “Taytáy” nispa niq?

Leeychis Juan 12:49 textota.

• ¿Jayk’aqllapas Jesús igualakurqanchu taytanwan? ¿Imaniwaqtaq?

5. Jesusqa Diospa ajllasqan Criston karqan

VIDEO: ¿Ima profeciakunan Jesuspi junt’akurqan? (3:03)

Qatiqninpi kaq textokunata leeychis, jinaspa chaypi kaq tapuykunaman jina parlariychis:

¿Maypin Cristo nacenan karqan? Chaypaq leeychis Miqueas 5:2 textota.b

• ¿Junt’akurqanchu chay profecía Jesuspi? (Mateo 2:1).

Cristota imayna wañuchinankumanta yachanapaq leeychis Salmos 34:20; Zacarías 12:10 textokunata.

• ¿Junt’akurqanchu chay profeciakuna? (Juan 19:33-37).

• ¿Jesuschu chay runakunata yachachinman karqan chaykunata ruwanankupaq?

• Chhaynaqa, ¿pin karqan Jesús?

IMATAN YACHAMURQANCHIS

Jesusqa angelkuna jina cuerpoyoqmi, ancha atiyniyoqmi. Payqa Diospa churinmi, Cristo iman.

Yuyarisun

• ¿Imaraykun Jesusmanta Biblia nin: “Paymi ñaupaqta kamasqa karqan”, nispa?

• ¿Imatan Jesús ruwarqan manaraq kay pachaman jamushaspa?

• ¿Imakunan rikuchin Jesusqa Cristo kasqanta?

ASTAWAN YACHANAYKIPAQ

Kaypin astawan yachanki Jesuspuni Cristo, Mesías kasqanmanta.

“¿Jesuspunichu Mesías karqan?” (jw.org paginapi leey)

Imaynan tayta-mamakuna wawayoq kanku ¿chhaynatachu Jehová Dios Jesusta churiyarqan? Chaymantan kaypi yachanki.

“¿Imaraykun Jesusta “Diospa wawan” nispa nikun?” (jw.org paginapi leey)

“Santísima Trinidad” nisqankuqa manan Bibliamantachu paqarimun.

“¿Dioschu Jesús?” (Qhawaq, 2009 watapi 1 abril)

Jesuspi mana creeq warmin Bibliata leespa Jesuspi iñipurqan. Chaymantan kaypi willashan.

“Juj judía warmi willakun imaraykus Jesuspi iñipurqan chayta” (¡Rijch’ariy!, 2013 watapi mayo killa)