Revistakunata munachinapaq

Marzo killa primer sabadopi estudio qallarinapaq

“Imaymanatan runakuna Diosmanta yuyaykunku. Wakinqa huk kallpata hinallan rikunku, hukkunataq munakuq taytata hina. Qanri, ¿imaynatan Diosta qhawarinki?” [Uyariy kutichisqanta.] Chay qhepamantaq marzo-abril Qhawaq revistapi 14 paginapi ñawpaq kaq tapuyta t’aqwiychis, huk textollatapas leepuy. Revistata qospataq qatimuq tapuyta huk p’unchay kutichinaykipaq qhepay.

Qhawaq Marzo-Abril

“Familianchismanta pillapas wañuqtinqa manan sonqonchispi nanayta aguantayta atinchischu. Qanri, ¿ima ninki chaymanta? [Uyariy kutichisqanta.] Askha runakunan Bibliapi kay textota leespa kusirikurqanku [leey Isaías 25:8 textota]. Kay revistan willashan imaynata Diosninchis wañuyta chinkachinanmanta, wañuqkunata kawsarichinanmantapas”.

¡Rikch’ariy! Marzo-Abril

“Kay tiemponchispin askha familiakuna imaymana llakikuykunapi rikukunku. Qhawarisqaykiman hina, ¿imatan familiakuna ruwankuman chayta atipanankupaq huk nisqalla kawsanankupaqpas? [Uyariy kutichisqanta.] Bibliapi kay textoq nisqanmi yanapanman familiakunata [leey Proverbios 24:3 textota]. Askha runakunan reparanku Bibliapi yuyaychaykuna allin kasqanta. Kay revistan willashan Internetpi huk sitio kasqanmanta, chaypi tarikun askha yanapaykuna familiakunapaq”.