Efesios
3 Ñucaca Pablomi capani. Cristo Jesuspa caimandami prezo capani. Shinallata quiquingunapa alipallatami prezo capani. Y quiquingunaca na judiocunachu capanguichi. 2 Talvez quiquingunaca ñami yachapanguichi, ñucaca Taita Diospa ninan juyaimandami* quiquinguna beneficiarichun ayudana responsabilidadta chasquipashcani. 3 Ari, Taita Diosmi ñucamanga pai imata pacalla secretopi* charishcata villahuarca. Y chaitaca ñami pundata quiquingunamanga ashaguta escribircani. 4 Shinami caita liishpaca, Cristomanda parlajuj secretota ñuca intindishcata cuenta japinguichi. 5 Punda tiempocunaca cai secretotaca nipiman na Taita Diosca yachachun saquishcarcachu. Pero cunanga, paipa espíritu santomandami Taita Diosca paipa apostolcunaman y profetacunamanbash chai secretotaca yachachun saquishca. 6 Chai secretoca caimi can, Cristo Jesushuan shujllashna caimanda, shinallata ali villaicunamandami na judío gentecunapash Cristo japina herenciatallata japinga. Shinami paicunaca chai cuerpopallata partecuna tucunga. Y Taita Dios imatami ñucanchiman carasha nishpa prometirca, chaitallatami paicunapash japinga. 7 Taita Dios ninanda juyashcamandami* ñucaca paipa secretota quiquinguna intindi ushachun ayudajuni. Taita Diosmi paipa podermanda chai ninan juyaitaca carahuarca.
8 Ñucaca Taita Diospa separashcacunamandapash* ashtahuan menosmi capani. Shinapash, Taita Diosca ninanda juyaimandami* na judío gentecunaman Cristopa bendiciongunamanda ali villaicunata predicachun mingahuashca. Chai bendiciongunaca na cuentai ushanalla alipachami can. 9 Shinallata Taita Dios paipa secretota imashina ricuchijushcatami, ñucaca gentecunaman intindichishpa ayudajuni. Tucuita Ruraj Taita Diosmi chai secretotaca unai huatacunata pacalla charishca. 10 Pero cunanga jahua cielopi gobiernocunapash y autoridadcunapash* pai alipacha yachashcata* yachachunmi Taita Diosca munan. Chai ali yachaita shuj shuj ruraicunapi ricuchishcata yachachunga congregaciondami Taita Diosca utilizajun. 11 Chaica para siempre tiana Taita Diospa voluntadhuanmi ricunata charin. Y chai voluntadca ñucanchi Señor Cristo Jesushuanmi ricunata charin. 12 Cristopi crimandami ñucanchica na manllashpa parlaita ushapanchi. Shinallata Taita Diospi confiashpa Taita Diosta mañaitapash ushapanchi. 13 Chaimandami quiquingunamanda llaquicunata ñuca charijpipash, ama llaquiripaichichu nishpa rogapani. Porque chashna llaquicunaca, quiquinguna alabai tucuchunmi can.
14 Chaimandami Taitapa ñaupapi cungurini. 15 Taita Diosmandami jahua cielopi y cai alpapi tucui familiacunapash tian. 16 Paica ninan jatun Taita Diosmi can. Paitami paipa espíritu santopa poderhuan quiquingunapa shungutapash y yuyaitapash shinllichichun mañapani. 17 Shinallata quiquinguna crishcamandaca, shujcunata juyanatapash y Cristotapash shungupi charishpa causachunmi mañapani. Ashtahuanbash cimientopi shinllita sapiyashcashna y shinllita shayachishcashna cachunmi mañapani. 18 Shinallata, Taita Diospa gulpi separashcacunahuan igual quiquingunapash ima ancho cajta, ima largo cajta, ima alto cajta, ima jundu cajtapash aligutapacha intindi ushachunmi mañapani. 19 Cristopa juyaica gentecunapa yachashcatapash yalimi can. Chai juyaita rijsishpa Taita Diospa tucui ali carashcacunahuan junda cachunmi mañapani.
20 Taita Diospa poderca ñucanchihuanmi can. Paipa poderhuanmi Taita Diosca ñucanchi mañashcacunatapash yali, ñucanchi pensaitallapash na pensashca cosascunatapash yali ruraita ushan. 21 Taita Diosmi alabai tucuna can. Ari, Taita Diosmi congregacionbi imata rurashcamanda y Cristo Jesushuan imata rurashcamandaca para siempre alabai tucuna can. Amén.