BIBLIAMANDA TAPUICUNA
¿Ima horapash shujlla gobierno mundo enterota mandangacha?
Shuglla gobierno mundo enterota mandajushpaca tucuicuna shugllashna cachunmi ayudanga (Isaías 32:1, 17; 54:13).
Cunan punllacunapica, ashtaca gentecunami pobre caimanda sufrinajun. Cutin huaquingunaca ashtaca culquitami charin. Shujlla gobierno mundo enterota mandajushpaca tucuilla gentecuna imatalla minishtijujta ricushpami ayudanman. Pensaripai, gentepurapica ¿ima horapash shujlla ali gobierno tiangacha? (Jeremías 10:23, liipangui.)
Cai tucui huatacunapica tucui gentecunata, ashtahuanbachaca pobrecunatami gobiernocunaca llaquichishca. Huaquin gobiernocunacarin nalicunapachami cashca (Eclesiastés 4:1; 8:9). Shinapash Tucui Ushaita charij Taita Diosca ninmi, cai Alpapi tucui gobiernocunata anchuchishpami, shujlla gobiernota churasha nishpa. Chai gobiernoca tucui gentecunatami ali mandanga. (Isaías 11:4; Daniel 2:44, liipangui.)
Diospa Reinoca ¿imatashi ruranga?
Diospa Reinopi mandachunga paipa Churi Jesustami Jehová Diosca agllashca. Paillami ali mandai ushanga (Lucas 1:31-33). Jesús cai Alpapi cashpaca tucui gentecunamandami preocuparirca. Cai Alpata mandai callarishpacarin tucui llactamanda gentecuna shujllashna cachun ayudashpami, paicunapa tucui llaquicunatapash anchuchinga. (Salmo 72:8, 12-14, liipangui.)
Shinapash na tucui gentecunachu Jesús cai Alpata mandachun munan. Shina cajpipash Jehová Diosca gentecuna cambiachunmi shuyajun (2 Pedro 3:9, NM ). Jesusca ñallami nali gentecunata tucuchishpa mundo enteropi gentecunamanga tranquilo, ali causaita caranga. (Miqueas 4:3, 4, liipangui.)