Ancianocunaca ¿imatata congregaciongunapi ruran?

Jehovapa organizacionbica culquita cobraj curacuna o pastorcunaca na tianllu. Chaipa randica apostolcunapa punllacunapishnami ‘tandanajuj tucui crijcunata llamata michinshna cuidanajuchun’ superintendentecunata agllan (Hechos 20:28). Huaquinbica ancianocunatami superintendentecuna nin. Paicunaca Diosta ali sirvij cashpami na pipash mandajpilla, imatapash culquimandalla na rurashpa, cushijushpa uchalla rurashpami congregacionda aliguta michishpa ñaupajman pushan (1 Pedro 5:1-3). Ancianocunaca ¿imashinata ñucanchita ayudan?

Ricuriashpami ayudan. Ancianocunaca congregacionda ñaupajman pushashpami espiritualmente ayudan. Paicunaca congregacionbi huauquicunata, panicunata ricuriachun Dios mingashcata intindishpami, na jariyashpa tucuicunata ali ayudashpa cushichin (2 Corintios 1:24). Llamacunata michijcunaca cada llamaguta ali cuidangapami esforzarin. Shinallatami ancianocunaca congregacionbi cada unota ali rijsingapaj ninanda esforzarin (Proverbios 27:23).

Diospa munaita pactachichunmi ayudan. Ancianocunaca tucui tandanajuicunapi ali yachachishpami ñucanchi feta shinlliyachin (Hechos 15:32). Cai ali huauquicunaca villachinapipashmi ñaupajman pushan. Shinallata ñucanchihuan villachinaman llujshishpami, maipi cashpapash imashina villachinatapash ayudan.

Cada unotami animan. Ancianocunaca ñucanchi huasipi visitashpa, Tandanajui Huasipi ñucanchihuan parlashpami espiritualmente cada unota ayudan. Ñucanchita ayudangapaj, animangapaca Bibliatami utilizan (Santiago 5:14, 15, NM ).

Congregacionbi shina ayudashpapash tauca ancianocunaca familiata cuidana, mantinina, trabajanapashmi can. Chai tucuita rurangapaj esforzarinajujpimi ancianocunataca respetana capanchi (1 Tesalonicenses 5:12, 13).

• Ancianocunaca ¿imatata congregacionbi ruran?

• Cada unomanda preocuparishcataca ¿imashinata ricuchin?