Jesusta catijcunaca ¿imamandata organizado cana can?

1. Diosca ¿imamandata ñaupa tiempo israelitacunata agllarca paipa llacta cachun?

Diosca Abrahanba huahuacunata agllashpami Israel llactata callarichishpa leycunatapash curca. Paicunami Diosta ali adorashpa, Diospa Shimitapash ali yachachina carca (Salmo 147:​19, 20). Shinami tucui llactamanda gentecuna bendiciongunata japina carca. Génesis 22:​18, liipangui.

Diosca paimanda villachunmi israelitacunata agllarca. Israel llactapa causaita ricushpaca Diospa mandashcacunata cazuna ali cajtami intindinchi (Deuteronomio 4:6). Israelitacunamandami shuj gentecunapash Taita Diosta rijsinalla carca. Isaías 43:​10, 12, liipangui.

2. Jesusta catijcunaca ¿imamandata organizado cana can?

Israel llacta ña na cazujpimi Diosca Jesusta catijcunata agllarca (Mateo 21:43; 23:​37, 38). Cunabica Jesusta ali catijcunami Jehová Diosmanda villashpa paita ali sirvinajun. Hechos 15:​14, 17, liipangui.

Jesusca paipa catijcunataca tucui ladopi Diosmanda villachun, yachachichunmi mandarca (Mateo 10:​7, 11; 24:14; 28:​19, 20). Cunanbica mundo enteropimi Diosmanda villachinajun. Diosca tucui llactamanda gentecunatami paitalla sirvichun tandachijun (Apocalipsis 7:​9, 10). Organizado caimandami Jesusta ali catijcunaca randimanda ayudarishpa juyaita ricuchin. Tucuicunami Bibliamanda chaitallata yachajun. Hebreos 10:​24, 25, liipangui.

3. Testigo de Jehovacunapa organizacionga ¿imashinata tiai callarirca?

1870 huatapimi tiai callarirca. Bibliamanda huaquin yachajujcunami Bibliapi yachachishcacunata asha asha intindishpa catirca. Jesús paipa catijcunata villachun mandashcata intindishpami Diospa Reinomanda tucui ladocunapi yachachi callarirca. Cutin 1931 huatapica Testigos de Jehová shutimi canchi nircami. Hechos 1:8; 2:​1, 4, 11; 5:​42, liipangui.

4. Testigo de Jehovacunaca ¿imashinata organizado can?

Apostolcunapa tiempopi Jesusta catijcunataca ñaupajman pushaj huaquin huauquicunami ricuriashpa ayudanajurca (Hechos 16:​4, 5). Cunanbipash Testigo de Jehovacunapa organizacionbi ñaupajman pushaj o Cuerpo Gobernanteca mundo enteropi Betel huasicunatami ricurianajun. Chaicunapica 600 yali idiomacunapimi publicaciongunata traducin, imprimin, gentecunaman repartichunbash cachan. Cuerpo gobernantemanda huauquicunaca Bibliapa yuyaicunahuanmi 100 mil yali congrecaciongunata ayudanajun. Cutin cada congregaciongunapi ñaupajman pushaj o ancianocunaca tucui shunguhuan juyashpami Diosta sirvijcunata ricurianajun. 1 Pedro 5:​2, 3, liipangui.

Testigo de Jehovacunaca gentecunaman Bibliamanda parlangapaj, Jesusta catijcuna tucuchun ayudangapami organizado canchi. Apostolcunapa ejemplota catishpami huasin huasin rishpa villachinchi (Hechos 20:20). Gentecuna Diosmanda yachajungapaj munajpica Bibliahuanmi ayudanchi. Testigo de Jehovacunaca Dios ñucanchita cuidajpimi shuj organización cashpapash shuj familiashna tucuicuna ayudarinchi (2 Tesalonicenses 1:3). Jehová Diosta jatunyachingapaj, shujcunata ayudangapaj esforzarishcamandami cushilla causanchi. Salmo 33:12; Hechos 20:​35, liipangui.