LECCIÓN 15
Bibliamanda yachajunataca ¿imamandata na saquina cangui?
1. Bibliamanda yachajunaca ¿imapita ayudanga?
Bibliamanda ashatalla yachajushpapash Jehová Diosta juyai callarishcanguimi. Shinapash chai juyai tucurichunga na saquinachu cangui (1 Pedro 2:2). Bibliamanda yachajushpa, Diospa amigo cashpallami na huañushpa causai ushangui. Juan 17:3; Judas 21, liipangui.
Bibliamanda ashtahuan yachajujpica quiquinba fe ashtahuan shinlliyajpimi Diosta cushichingui (Hebreos 11:1, 6). Feta charishpami juchacunamanda arripintirishpa aliguta causanata mascangui. Hechos 3:19, liipangui.
2. ¿Imashinata shujcunata ayudai ushangui?
Jehová Diospa alipacha amigomi caita ushangui
Ali noticiacunata uyashpaca shujcunaman parlangapami munanchi. Shinallatami Bibliamanda yachajushcataca tucuicunaman parlangapaj munana cangui. Bibliamanda ashtahuan yachajushpami Diosmanda parlangapaj, pai imata ruranata yachachingapaca Bibliata imashina utilizanata yachajungui. Romanos 10:13-15, liipangui.
Callaripica quiquinba familiacunaman, amigocunamanmi ali shimicunahuan parlana cangui. Quiquingunapa crishcacunaca nalichu can ninapa randica, Jehová Diospa ali villaigucunatami yachachina cangui. Ama cunganguichu. Quiquin aliguta causajujta ricushpami shujcunapash Diosmanda yachajungapaj munanga. 2 Timoteo 2:24, 25, liipangui.
3. ¿Ima oportunidadtata charingui?
Bibliamanda yachajushpami espiritualmente ñaupajman catishpa Diospa amigo tucungui. Shinallata Diospa huahuashnami tucungui. 2 Corintios 6:18, liipangui.
4. ¿Imata ayudanga ashtahuan yachajuchun?
Bibliata yachajunataca na saquinachu cangui (Hebreos 5:13, 14). Testigo de Jehovacunatami nina cangui ¿Imatata Bibliaca yachachin? librohuan Bibliamanda yachachihuai nishpa. Diosmanda ali yachajushpaca ninanda cushijushpami causangui. Salmo 1:1-3; 73:27, 28, liipangui.
Bibliaca cushilla Diosmanda ali villaigucunatami charin (1 Timoteo 1:11, NM ). Jehovaman ashtahuan quimiringapaca paita ali sirvijcunahuanmi tandanajuna cangui (Hebreos 10:24, 25). Diospa munaita rurashpaca para siempremi causangui. Shinaca, Diospa amigo canami ashtahuan ali can. 1 Timoteo 6:19, liipangui.