BIBLIAMANDA TAPUICUNA

Taita Diosca ¿imashinata can?

Taita Diosca shuj espiritumi can. Pipash paitaca na ricui ushanchichu. Paimi tucuita rurarca. Shinapash Taita Diostaca pipash na rurarcachu (Salmo 90:⁠2). Taita Diosca tucui gentecuna paita mascashpa ali rijsichunmi munan. (Hechos 17:​24-27, liipangui.)

Taita Diosca shutita charinmi. Paipa rurashcacunata ricushpami paitaca rijsi ushanchi (Romanos 1:20). Taita Diosta ashtahuan ali rijsingapaca Bibliatami yachajuna capanchi. (Salmo 103:​7-10, liipangui.)

Gentecunata llaquichijpica ¿imashinata Taita Diosca sintirin?

Taita Diosca gentecunata llaquichijcunataca millanayachishpami ricun. Gentecunatapash Taita Diosman rijchata rurashca caimandami, shujcunata llaquichijcunataca millanayachishpa ricun (Deuteronomio 25:16). Llaquicunaca na Taita Diospa culpamandachu tian. Taita Diosca gentecunallata alita o nalita ruranata agllachunmi rurarca. Shinapash ashtaca gentecunaca nali ruranata agllashpami ashtaca llaquicunata mirachishca. Llaquicunata ricushpaca ninandami Taita Diosca llaquirin. (Génesis 6:​5, 6; Deuteronomio 32:​4, 5, liipangui.)

Jehová Diosca tucuicuna alita rurachunmi munan. Nalicunataca tucuchingami (Salmo 37:​28, 29). Bibliapica ninmi, ñallami Taita Diosca tucui nali ruraicunata tucuchinga nishpa. (2 Pedro 3:​7-9, 13, liipangui.)