BIBLIAMANDA TAPUICUNA
Jesús huañushcamandaca ¿ima bendiciongunatata charinchi?
Taita Diosca gentecuna sufrishpa huañuchunga na munarcachu. Paica gentecuna juyailla Alpagupi para siempre causachunmi munarca. Shinapash Adanga Taita Diosta na cazuimandami huañurca. Ñucanchicunapash Adanba huahuacuna caimandami huañunchi (Romanos 5:8, 12; 6:23). Taita Diosca gentecunata Adanba juchamanda salvangapami paipa shujlla Churita ñucanchimanda huañuchun cachamurca. (Juan 3:16, liipangui.)
Jesusca ñucanchicuna para siempre cai Alpapi causachunmi huañurca. Para siempre causashpaca ¿imashinashi causashun?
Jesús ñucanchimanda huañujpimi ñucanchi juchacunaca borrashcashna can. Jesusmandami cai Alpapi para siempre causaita ushanchi. Bibliapimi nin, gentecunaca ñana mayoriangachu, na ungungachu, na huañungachu nishpa. (Isaías 25:8, 33:24; Apocalipsis 21:4, 5, liipangui.)
Jesús huañushcataca ¿imashinata yarina canchi?
Huañungapaj ashalla faltajujpica Jesusca paipa catijcunata nircami, ñuca huañushcata yaringapaca na ashtaca cosascunata ruranajunachu canguichi nishpa. Jesús huañushcata cada huata yarishpami Jehová Diospash Jesuspash ñucanchita ninanda juyashcata yarinchi. (Lucas 22:19, 20; 1 Juan 4:9, 10, liipangui.)
Cai huataca lunes 14 de abrilta, Indi pacajushca jipami Jesús huañushcataca yarishun. Shamupangui. Ashtahuan yachangapaj munashpaca quiquinba llactapi testigo de Jehovacunata tapupanguilla. (Romanos 1:11, 12, liipangui.)